ព័ត៌មានជាតិ

លោក ពុយ គា៖ អ្នកសារព័ត៌មានប្រៀបបានកងទ័ពជួរមុខ ត្រូវមានចំណេះដឹងការពារខ្លួន

បានផុស

១ year មុន

នៅ

ថ្ងៃសុក្រ ១ កញ្ញា ២០២៣

ដោយ

«អ្នកសារព័ត៌មានប្រៀបបានកងទ័ពជួរមុខមួយក្នុងការប្រើប្រាស់បណ្ដាញសង្គម ដូច្នេះអ្នកសារព័ត៌មានត្រូវមានចំណេះដឹងបន្ថែមក្នុងការការពារខ្លួន»។ នេះគឺជាការលើកឡើងរបស់លោក ពុយ គា ប្រធានក្លឹបអ្នកកាសែតកម្ពុជា ក្នុងពិធីប្រគល់វិញ្ញាបនបត្រដល់អ្នកកាសែតប្រមាណ ១០០ នាក់ នាថ្ងៃទី៣១ ខែសីហា ឆ្នាំ២០២៣នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅចំពោះមុខអ្នកការសែតជិត ១០០នាក់ លោក ពុយ គា បានមានប្រសាសន៍ថា អ្នកសារព័ត៌មានគឺប្រៀបបានទៅនឹង កងទ័ពជួរមុខមួយក្នុងការប្រើប្រាស់បណ្ដាញសង្គម ដូច្នេះហើយអ្នកសារព័ត៌មានក៏ត្រូវតែមានចំណេះដឹងបន្ថែមនៅក្នុងការការពារខ្លួន និងរៀនពីរបៀបការពារខ្លួនពីការវាយប្រហារ ការគំរាមកំហែងតាមអ៊ីនធឺណិត និងការបោកប្រាស់តាមបណ្ដាញសង្គមដែលកំពុងកើតឡើងនៅជុំវិញពិភពលោក។

ប្រធានក្លឹបអ្នកកាសែតរូបនេះបានបន្តថា ការរៀបចំវគ្គបណ្ដុះបណ្ដាលសម្រាប់អ្នកសារព័ត៌មានរយៈពេល ២ខែ លើប្រធានបទ «ការប្រើប្រាស់ ប្រព័ន្ធទំនាក់ទំនងសង្គមប្រកបដោយប្រសិទ្ធភាព និងសុវត្ថិភាព» ផ្ដោតសំខាន់ទៅលើ ហានិភ័យថ្មីៗ និងការគំរាមកំហែងតាមអ៊ីនធឺណិត, ចេះការពារសុវត្ថិភាពក្នុងការប្រើប្រាស់អ៊ីនធឺណិត/ អ៊ីមែល និង បណ្ដាញព័ត៌មានសង្គម, ចេះការពារឯកជនភាព និងទិន្នន័យផ្ទាល់ខ្លួន និងចេះការពារខ្លួនពីការវាយប្រហារឬបោកប្រាស់តាមអនឡាញជាដើម។

វគ្គសិក្សានេះ អ្នកសារព័ត៌មានក៏ត្រូវបានបំប៉នបន្ថែមលើចំណេះដឹងក្នុងការប្រើប្រាស់កម្មវិធីថត កាត់តវីដេអូ តាមទូរស័ព្ទដៃ ការ Edit រូបថត ដាក់ក្រេឌីត លើរូបថតដោយប្រើទូរស័ព្ទដៃ និងការប្រើប្រាស់បណ្ដាញទំនាក់ទំនងសង្គម ( Messenger, Telegram, What’s App )។