ព័ត៌មានជាតិ

ប្លាស្ទិកនិងសំរាមនៅក្នុងសមុទ្រ ជាបញ្ហារួមរបស់មនុស្សលោក

បានផុស

១ year មុន

នៅ

ថ្ងៃសុក្រ ១ កញ្ញា ២០២៣

ដោយ

លោក ភាវ សុវុទ្ឋី អនុរដ្ឋលេខាធិការក្រសួងបរិស្ថាន នៅក្នុងពិធីបើកសិក្ខាសាលាពិគ្រោះយោបល់លើកទី៤ ស្តីពីការរៀបចំផែនការសកម្មភាពជាតិសម្រាប់កាត់បន្ថយសំរាមសមុទ្រនៅកម្ពុជាបានលើកឡើងថា ការកើនឡើងនៃប្លាស្ទិកនិងសំរាម នៅក្នុងសមុទ្រជាបញ្ហារួមរបស់មនុស្សលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ភាវ សុវុទ្ឋី មានប្រសាសន៍ថា ការកើនឡើងយ៉ាងឆាប់រហ័សនៃប្លាស្ទិកនិងសំរាម កំពុងក្លាយទៅជាបញ្ហានៅក្នុងសមុទ្រ និងជាបញ្ហារួមរបស់មនុស្សលោក ដែលត្រូវរួមគ្នាដោះស្រាយទាំងនៅថ្នាក់ជាតិ តំបន់ និងពិភពលោក។

ការងារអាទិភាពដែលត្រូវគិតគូរគឺការទទួលខុសត្រូវរបស់អ្នកផលិត (EPR) ការបង្កើនសមត្ថភាព និងការផ្លាស់ប្ដូរឥរិយាបថរបស់អ្នកផលិត សំរាម ការបែងចែកសំរាមដោយ គិតចាប់ពីកុមារតូច ដោយការបញ្ជ្រាបចំណេះដឹង តាមរយៈការអប់រំនៅតាមសាលារៀន ការរៀបចំសាលាមេត្រីបរិស្ថាន អារាមមេត្រីភាព មណ្ឌលសុខភាព សកម្មភាពមេត្រីបរិស្ថាន និងពង្រឹងការអនុវត្តគោលនយោបាយភូមិ ឃុំ សង្កាត់ មានសុវត្ថិភាពផងដែរ។

លោកអនុរដ្ឋលេខាធិការក្រសួងបរិស្ថានបានបន្ថែមថា ទន្ទឹមនឹងការធ្វើទំនើបកម្មការគ្រប់គ្រងសំណល់សំរាម ដោយប្រើប្រាស់ប្រព័ន្ធកុំព្យូទ័រតាមដានហើយ ការបែងចែក ការកែច្នៃសំរាមទាំងប្លាស្ទិក អាចយកទៅលក់ទៅធ្វើជាវត្ថុធាតុដើមសម្រាប់ការកែច្នៃ ឬធ្វើជាប្រេងឥន្ធនៈ និងសំរាមសរីរាង្គ ធ្វើជាជីកំប៉ុស្តិ៍ និងការប្រើប្រាស់ឡើងវិញ៕