ព័ត៌មានជាតិ
អភិបាលខេត្តកំពត ប្រកាសបង្ក្រាបនិងដកហូតយកដីរបស់រដ្ឋមកវិញទាំងអស់
នាថ្ងៃទី ៣១ ខែសីហា ឆ្នាំ២០២៣ លោក ម៉ៅ ធនិន អភិបាលខេត្តកំពតប្រកាសនឹងបង្ក្រាប និងដកហូតយកដីរបស់រដ្ឋដែលត្រូវបានជនខិលខូចកាប់ទន្ទ្រានយកឬរំលោភយកធ្វើជាកម្មសិទ្ធិឯកជន ដោយគ្មានការយោគយល់ឬលើកលែងអ្វីនោះឡើយ។ ក្រៅពីនោះ លោកអភិបាលខេត្តក៏បានណែនាំឲ្យមន្ត្រីជំនាញតាមផ្នែកនីមួយៗត្រូវអនុវត្តឲ្យបានឆាប់រហ័ស ហើយបើទើសកន្លែងណាធ្វើមិនបែកសូមរាយការណ៍ លោកនឹងមានចំណាត់ការដោយផ្ទាល់។

ថ្លែងនៅក្នុងកិច្ចប្រជុំគណៈអភិបាលខេត្ត និងគណៈបញ្ជាការឯកភាពរដ្ឋបាលខេត្តកំពតនៅថ្ងៃទី ៣១ ខែសីហាម្សិលមិញនេះ លោក ម៉ៅ ធនិន អភិបាលខេត្តកំពតបានលើកឡើងហើយណែនាំទៅកាន់មន្ត្រីមន្ទីរជំនាញ និងអង្គភាពពាក់ព័ន្ធទាំងអស់ ត្រូវធ្វើការបង្ក្រាបនិងដកហូតយកដីរបស់រដ្ឋមកឲ្យរដ្ឋគ្រប់គ្របវិញ ក្នុងនោះមានដូចជាការកាប់ទន្ទ្រានដីព្រៃខុសច្បាប់ ដីព្រែក អូរ និងព្រៃលិចទឹកជាដើម ចំពោះការចុះអនុវត្ត គ្មានការយោគយល់ ឬលើកលែងចំពោះបុគ្គលណាម្នាក់ណាឡើយ ព្រោះទង្វើទាំងនោះ វាជាគំរូអាក្រក់ក្នុងសង្គម ហើយធ្វើឱ្យខូចប្រយោជន៍សាធារណៈ ក៏ដូចជាប្រយោជន៍របស់ជាតិទាំងមូល។
ចាប់តាំងពីចូលកាន់តំណែងជាអភិបាលខេត្តកំពត លោក ម៉ៅធនិន ក្រៅពីបានដោះស្រាយជម្លោះដីធ្លី ឆ្លើយតបទៅសំណូមពររាប់ពាន់ករណីជូនប្រជាពលរដ្ឋ លោកក៏ជាអភិបាលខេត្តដំបូង ដែលបានដកហូតយកដីរបស់រដ្ឋជាច្រើនទីតាំង មកឲ្យរដ្ឋគ្រប់គ្រងវិញ។ ជាក់ស្តែងដីចំណីព្រែកតំបន់ខាងលិចស្ពានក្បាលរមាស តំបន់ឆ្នេរខ្សាច់កម្សាន្តកោះស្មៅ តំបន់ឆ្នេរខ្សាច់ងូតទឹកកម្សាន្តចន្លោះស្ពានថ្មី និងស្ពានដេក ដីចំណីព្រែកកំពង់បាយត្រើយខាងលិច (កំពុងអនុវត្ត) និងកន្លែងទីតាំងដីរដ្ឋជាកន្លែងទៀត៕
អត្ថបទ៖ សឹង រ៉ាត់

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២១ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ