ព័ត៌មានជាតិ

ឃាតកដែលសម្លាប់បុរសវ័យចំណាស់ស្លៀកពាក់ឈុតទាហាន ត្រូវបានសមត្ថកិច្ចវែកមុខ

បានផុស

៤ years មុន

នៅ

ថ្ងៃចន្ទ ១ កុម្ភៈ ២០២១

ដោយ

បន្ទាយមានជ័យ ៖ ឃាតកដែលសម្លាប់បុរសវ័យចំណាស់ម្នាក់ស្លៀកពាក់ឈុតទាហានត្រូវបានសមត្ថកិច្ចវែកមុខដឹងហើយ គឺដោយសារតែញៀនថ្នាំពេកសម្លាប់យកម៉ូតូទៅលក់ដើម្បីទិញថ្នាំជក់បន្ត។

គួរបញ្ជាក់ផងដែរថា នៅព្រឹក ថ្ងៃទី១ ខែកុម្ភៈ ឆ្នាំ ២០២១ ក្នុងភូមិបន្ទាយទីពី ឃុំអូទំព័រ ស្រុក ម៉ាឡៃ ខេត្តបន្ទាយមានជ័យមានអំពើឃាតកម្មមួយបានកើតឡើងបុរសវ័យចំណាស់ម្នាក់ស្លៀកពាក់ឈុតទាហាន ត្រូវជនមិនស្គាល់ឈ្មោះយកដំបងវាយជាច្រើនដំបងបណ្តាលឲ្យរបួសធ្ងន់ ពេលបញ្ជូនដល់មន្ទីរពេទ្យស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចមូលដ្ឋានបានប្រាប់ឲ្យដឹងថា ជនរងគ្រោះមានឈ្មោះរ៉ុងរឿង ភេទប្រុស អាយុ៦១ ឆ្នាំរស់នៅក្នុងភូមិបន្ទាយទីពី ឃុំអូទំព័រ ស្រុក ម៉ាឡៃ ខេត្តបន្ទាយមានជ័យ។ សមត្ថកិច្ចមូលដ្ឋានបានប្រាប់ឲ្យដឹងបន្តទៀតថា នៅពេលព្រឹកនោះប្រជាពលរដ្ឋបានប្រទះឃើញជនរងគ្រោះត្រូវគេវាយដុំឡើងសុះសាច់ដេកសន្លប់នៅកន្លែងស្របពេលនោះត្រូវបានប្រជាពលរដ្ឋដឹកទៅមន្ទីរពេទ្យដើម្បីសង្គ្រោះជីវិតដោយសារតែកាវាយដុំរបួសធ្ងន់ពេកបានស្លាប់ចាត់បង់ជីវិតទៅ ចំណែកឃាតកដៃដល់រត់គេចខ្លួនបាត់។

ក្រោយពីឃាតកម្មសម្លាប់មនុស្សបានរត់គេចបាត់ លោកឧត្តមសេនីយ៍ ទោ សិទ្ធិឡោះ ស្នងការនគរបាលខេត្តបន្ទាយមានជ័យបានដាក់ចេញបទបញ្ជាឲ្យសមត្ថកិច្ចជំនាញចុះតាមចាប់ឃាតកឲ្យបាន លុះនៅល្ងាច ថ្ងៃទី១ ខែកុម្ភៈ ឆ្នាំ ២០២១ កំលាំងនគរបាលស្រុកម៉ាឡៃចុះធ្វើការស្រាវជ្រាវឈានដល់ឃាត់ខ្លួនឃាតករបាននៅក្នុងស្រុកម៉ាឡៃ មាន ឈ្មោះ វុន ឡៃហៀក ភេទប្រុស អាយុ ២៦ ឆ្នាំ រស់នៅភូមិកោះឈ្នួល ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ ជាជនជក់ថ្នាំញៀនយ៉ាងខ្លាំងនៅស្រុកម៉ាឡៃ។

ក្រោយពីសាកសួរជនសង្ស័យបានឆ្លើយសារភាពថា ដោយសារតែជក់ថ្នាំញៀនខ្លាំងគ្មានលុយទិញថ្នាំញៀនជក់បន្តមានបំណងយកដំបងវាយទៅលើជនរងគ្រោះដើម្បីយកម៉ូតូទៅលក់ទិញថ្នាំញៀនជក់បន្ត។ ក្រោយពីសារភាពហើយជនសង្ស័យបញ្ជូនមកស្នងការដើម្បីរៀបចំសំណុំរឿងទៅតុលាចាត់ការដាក់ទោសទៅតាមផ្លូវច្បាប់៕

ដោយ ៖ វ៉ាន់ ណាង