ព័ត៌មានជាតិ
ទំហំពាណិជ្ជកម្មកម្ពុជា-ម៉ាឡេស៊ី កើនដល់ ៣៧៧ លានដុល្លារអាមេរិក ក្នុង ៧ ខែ ឆ្នាំនេះ
នៅក្នុងរយៈពេល ៧ ខែ ដើមឆ្នាំ ២០២៣ នេះ ទំហំពាណិជ្ជកម្មកម្ពុជា-ម៉ាឡេស៊ី បានកើនដល់ ៣៧៧ លានដុល្លារអាមេរិក ហើយម៉ាឡេស៊ីឈរលំដាប់ថ្នាក់ទី ៦ ចំណោមប្រទេសដែលបានបោះទុនវិនិយោគច្រើនជាងគេនៅកម្ពុជា។
ថ្លែងក្នុងពិធីបុណ្យជាតិលើកទី ៦៦ របស់ប្រទេសម៉ាឡេស៊ី កាលពីថ្ងៃទី ៥ កញ្ញា លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានឲ្យដឹងថា កម្ពុជា និងម៉ាឡេស៊ី បានខិតខំកសាងនូវមិត្តភាពដ៏ល្អ និងយូរអង្វែង និងមានទំនាក់ទំនងយ៉ាងជិតស្និទ្ធបំផុតមួយក្នុងតំបន់អាស៊ាន។ ប្រទេសយើងទាំងពីរ នៅតែបន្តពង្រឹងកិច្ចសហប្រតិបត្តិការពាណិជ្ជកម្មទ្វេភាគី បន្តពង្រឹងទំនាក់ទំនងប្រជាជន និងប្រជាជន យ៉ាងស្អិតល្មួតជាមួយគ្នា។
លោករដ្ឋមន្ត្រី បានបន្តថា ជាក់ស្ដែង ទំហំពាណិជ្ជកម្មបានកើនឡើងពី ៥០០ លានដុល្លារអាមេរិក នៅឆ្នាំ ២០២១ ដល់ ៦២០ លានដុល្លារអាមេរិក នៅឆ្នាំ ២០២២ ហើយ ៧ ខែ ដើមឆ្នាំ ២០២៣ នេះ ទំហំពាណិជ្ជកម្មបានកើនដល់ ៣៧៧ លានដុល្លារអាមេរិក។ ក្នុងនោះម៉ាឡេស៊ីឈរនៅលំដាប់ថ្នាក់ទី ៦ ចំណោមប្រទេសដែលបានបោះទុនវិនិយោគច្រើនជាងគេនៅកម្ពុជា។
លោករដ្ឋមន្ត្រី បានបន្តទៀតថា មួយវិញទៀត ភ្ញៀវទេសចរម៉ាឡេស៊ីដែលមកទស្សនានៅកម្ពុជា បានកើនឡើងជាលំដាប់ ពោលចាប់ពីជាង ២.៥ ម៉ឺននាក់ នៅឆ្នាំ ២០២០ កើនឡើងមកដល់ជាង៥.៣ ម៉ឺននាក់ នៅឆ្នាំ ២០២២។ បើគិតត្រឹម ៧ ខែ ដើមឆ្នាំ ២០២៣ នេះ ភ្ញៀវទេសចរម៉ាឡេស៊ី ជាង ៥.២ ម៉ឺននាក់ បានមកទស្សនានៅកម្ពុជា។
លោករដ្ឋមន្ត្រី បានបន្ថែមថា «ទន្ទឹមនឹងនេះ យើងក៏មិនភ្លេចដែរថា ប្រជាពលរដ្ឋ និងនិស្សិតខ្មែរ ជាង ២.២ ម៉ឺននាក់ កំពុងធ្វើការ និងសិក្សានៅប្រទេសម៉ាឡេស៊ី ដើម្បីកសាងសមត្ថភាព និងស្វែងរកប្រាក់ចំណូលផ្គត់ផ្គង់គ្រួសារ។ តាងនាមរដ្ឋាភិបាលកម្ពុជា សូមថ្លែងអំណរគុណដល់រដ្ឋាភិបាល និងប្រជាជនម៉ាឡេស៊ី ដែលបានយកចិត្តទុកដាក់ចំពោះប្រជាពលរដ្ឋ និងនិស្សិតខ្មែរដែលកំពុងមានវត្តមានក្នុងប្រទេសម៉ាឡេស៊ី»៕
អត្ថបទ ៖ សំអឿន
រញ្ជួយដីនៅមីយ៉ាន់ម៉ា៖ មនុស្សស្លាប់កើនដល់ ១ ៦៤៤នាក់ និងរបួសជាង ៣ ៤០០នាក់
រកឃើញសញ្ញាមនុស្សមានជីវិត១៥នាក់ កប់ក្រោមអគារបាក់ ដោយរញ្ជួយដីនៅ បាងកក
ខ្យល់កន្ត្រាក់បំផ្លាញផ្ទះពលរដ្ឋ ១០ខ្នង នៅស្រុកគាស់ក្រឡ
សូមប្រយ័ត្ន! កម្ពុជា នឹងមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី១មេសា
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២១ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ