ព័ត៌មានជាតិ

អាជ្ញាធរជាតិអប្សរា ៖ សូមបញ្ឈប់ការផ្តល់ចំណីឱ្យសត្វស្វានៅតំបន់រមណីយដ្ឋានអង្គរ

បានផុស

១ year មុន

នៅ

ថ្ងៃពុធ ៦ កញ្ញា ២០២៣

ដោយ

សៀមរាប ៖ នៅព្រឹកថ្ងៃទី៦ ខែកញ្ញា ឆ្នាំ២០២៣នេះ សត្វស្វាបានខាំភ្ញៀវទេសចរជនជាតិអាមេរិក ភេទប្រុស អាយុប្រហែល៥០ឆ្នាំ ដែលបណ្ដាលឱ្យរបួសដាច់សាច់កញ្ចឹងកខាងស្ដាំ ពេលបុរសរូបនោះកំពុងដើរទស្សនានៅតំបន់ប្រាសាទបាយ័ន។ ភ្លាមៗក្រុមភ្នាក់ងារទេសចរណ៍របស់អាជ្ញាធរជាតិអប្សរា បានជួយសង្គ្រោះបន្ទាន់ ដោយលាងរបួស និងណែនាំឱ្យទៅចាក់ថ្នាំវ៉ាក់សាំងនៅមន្ទីរពេទ្យដើម្បីកុំឱ្យឆ្លងជំងឺផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឡុង កុសល អគ្គនាយករងនៃអាជ្ញាធរជាតិអប្សរា បានមានប្រសាសន៍ប្រាប់ឲ្យដឹងនៅរសៀលថ្ងៃទី០៦ ខែកញ្ញានេះថា ដោយមានការសំណូមពរពីអង្គការយូណេស្កូ ឱ្យអាជ្ញាធរជួយគិតគូរនិងស្វែងរកទីតាំងណាមួយសមស្របដើម្បីយកសត្វស្វាចេញពីតំបន់រមណីយដ្ឋានអង្គរ ព្រោះសត្វស្វាមួយចំនួនបានធ្វើឲ្យប៉ះពាល់ដល់ភ្ញៀវទេសចរណ៍ជាតិនិងអន្តរជាតិ៕