ព័ត៌មានជាតិ

ឯកសារសំខាន់ចំនួន ៥ រាជបណ្ឌិត្យសភាកម្ពុជាទើបស្រាវជ្រាវសម្រេចបានជាប្រយោជន៍ជាតិ

បានផុស

២ years មុន

នៅ

ថ្ងៃសុក្រ ៨ កញ្ញា ២០២៣

ដោយ

រាជបណ្ឌិត្យសភាកម្ពុជាសម្រេចបាននូវស្នាដៃស្រាវជ្រាវសំខាន់ៗចំនួន ៥ ដែលពាក់ព័ន្ធទៅនឹងសិលាចារឹក តំបន់ទេសចរណ៍ និងវចនានុក្រមខ្មែរ ព្រមទាំងស្នាដៃមួយចំនួនទៀត។ នេះបើតាមឲ្យដឹងរបស់លោកបណ្ឌិត សុខ ទូច ប្រធានរាជបណ្ឌិតសភាកម្ពុជា បង្ហោះនៅលើបណ្ដាញសង្គមនាថ្ងៃទី០៧ ខែកញ្ញា ឆ្នាំ២០២៣ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បណ្ឌិត សុខ ទូច ប្រធានរាជបណ្ឌិតសភាកម្ពុជាបានចង្អុលបង្ហាញនូវស្នាដៃស្រាវជ្រាវមួយចំនួន ដែលរាជបណ្ឌិត្យសភាទើបតែសម្រេចបានកាលពីពេលថ្មីៗកន្លងទៅនេះ។

តាមរយៈលោក បណ្ឌិត សុខ ទូច ស្នាដៃសំខាន់ៗដែលរាជបណ្ឌិតសភាកម្ពុជាទើបតែសម្រេចបានរួមមាន៖

១- «សិលាចារឹក» ដែលឯកសារនេះមានកម្រាស់ ១ ៤៨៨ទំព័រ

២- កម្មវិធីលើទូរស័ព្ទដៃទំនើបស្ដីអំពី «តំបន់ទេសចរណ៍នៅកម្ពុជា» ដែលមានផ្ទុកទិន្នន័យទីតាំងសរុបចំនួន ១ ២៩៦ ទីតាំង

៣- វចនានុក្រមភាសាខ្មែរថ្មី ដែលចងក្រងនិងបោះពុម្ពដោយក្រុមប្រឹក្សាជាតិភាសាខ្មែរនៃរាជបណ្ឌិត្យសភាកម្ពុជា សរុបមានចំនួន ៤៤ ៦៩៧ ពាក្យ ក្នុងនោះមានមេពាក្យចំនួន ៣១ ០៧៣ពាក្យ

៤- ការចងក្រងសំលៀកបំពាក់ខ្មែរពីសម័យបុរាណរហូតដល់សម័យទំនើប (សម័យកម្ពុជាប្រជាធិបតេយ្យ)

៥- រៀបចំចងក្រងរូបមន្តធ្វើសាច់ក្រកដែលមានសរុប ១១ប្រភេទធំៗ បែងចែកជាប្រភេទតូចៗចំនួន ១២៤ ប្រភេទ និងចំនួនទំព័រសរុប ៦១៥ទំព័រ

ជាមួយគ្នានេះ លោកបណ្ឌិត សុខ ទូច ក៏បានគូសបញ្ជាក់ពីគម្រោងស្រាវជ្រាវស្ដីពី «ការសរសេរ និងចងក្រងសៀវភៅប្រវត្តិសាស្ត្រ នៃប្រទេសកម្ពុជា» ដោយបានអនុវត្តឈានដល់ឆ្នាំទី៣ ហើយ៕