ព័ត៌មានជាតិ
រដ្ឋមន្រ្តីក្រសួងរ៉ែ និងថាមពល ប្រាប់មូលហេតុមិនឲ្យសាងសង់ទំនប់វារីអគ្គិសនីតាមដងទន្លេមេគង្គ
ក្នុងជំនួបជាមួយនិស្សិតអាហារូបករណ៍រដ្ឋាភិបាលសហព័ន្ធរុស្ស៊ីកាលពីម្សិលមិញនេះ លោក កែវ រតនៈ រដ្ឋមន្ត្រីក្រសួងរ៉ែ និងថាមពល បានលើកពីបញ្ហាចម្បងមួយចំនួនដែលរដ្ឋាភិបាលសម្រេចមិនអនុញ្ញាតិឲ្យមានការសាងសងទំនប់វារីអគ្គិសនីតាមដងទន្លេមេគង្គដើម្បីបញ្ចៀសក្តីមហន្តរាយ និងប៉ះពាល់ដល់បរិស្ថាន។
លោក កែវ រតនៈ បានលើកឡើងថា នៅតាមដងទន្លេផ្នែកខាងលើដូចជានៅខេត្តក្រចេះ និងស្ទឹងត្រែង ប្រសិនបើរាជរដ្ឋាភិបាលចង់ផលិតភ្លើងអាចបង្កើតវារីអគ្គិសនីបានច្រើនកន្លែង អាចផលិតថាមពលអគ្គិសនីបានពី ៨០០ ទៅ ១០០០ មេហ្គាវ៉ាត់ សម្រាប់បំពេញតម្រូវការប្រើប្រាស់នៅក្នុងប្រទេស។ ប៉ុន្តែក្នុងនាមជាអ្នកកាន់គោលនយោបាយរបស់ជាតិ រដ្ឋាភិបាលមិនអាចគិតតែមួយជ្រុងនោះទេ។
លោក កែវ រតនៈ សង្កត់ធ្ងន់ថា «មិនមែនយើងមិនចង់បានភ្លើងប្រើប្រាស់នោះទេ ប៉ុន្តែយើងក៏ត្រូវគិតដល់ពីផលពិបាកដូចគ្នា។ នៅសំបូរក្នុងខេត្តក្រចេះ ក៏ដូចជានៅខេត្តស្ទឹងត្រែង រដ្ឋាភិបាលប្ដូរផ្ដាច់មិនប៉ះពាល់ដល់តួឬដងទន្លេមេគង្គជាដាច់ខាត ដើម្បីការពារកុំឲ្យកើតមានការជន់លិចនៅតំបន់ស្ទឹងត្រែង និងចរាចរណ៍សត្វផ្សោត និងត្រីជាដើម»។
លោកថាប្រទេសផ្សេងៗ មាន ចិន ឡាវ មីយ៉ាន់ម៉ា បានប្រើប្រាស់ដងទន្លេទាញប្រភពអគ្គិសនី តែរដ្ឋាភិបាលគិតគូរដល់បរិស្ថាន ជីវភាពរស់នៅរបស់ប្រជាពលរដ្ឋទើបប្តូរផ្តាច់មិនប៉ះពាល់ដាច់ខាត។
យ៉ាងណាមិញ បើតាមលោករដ្ឋមន្រ្តី រដ្ឋាភិបាលប្រឹងប្រែងគ្រប់មធ្យោបាយធ្វើយ៉ាងណាឲ្យពលរដ្ឋមានភ្លើងប្រើប្រាស់គ្រប់គ្រាន់ មានស្ថិរភាព មានតម្លៃសមរម្យនិងអាចប្រកួតប្រជែងជាមួយប្រទេសជិតខាង។ ក្រៅពីផ្គត់ផ្គង់ឲ្យមានភ្លើងប្រើប្រាស់គ្រប់គ្រាន់ រដ្ឋាភិបាលក៏គិតពីបញ្ហាតម្លៃ និងកិច្ចការសន្តិសុខជាតិ។ មួយវិញទៀត ក៏ត្រូវរក្សាតុល្យភាពកុំឲ្យប៉ះពាល់ដល់បរិស្ថាន និងជីវភាពរស់នៅរបស់ប្រជាពលរដ្ឋ៕
រញ្ជួយដីនៅមីយ៉ាន់ម៉ា៖ មនុស្សស្លាប់កើនដល់ ១ ៦៤៤នាក់ និងរបួសជាង ៣ ៤០០នាក់
រកឃើញសញ្ញាមនុស្សមានជីវិត១៥នាក់ កប់ក្រោមអគារបាក់ ដោយរញ្ជួយដីនៅ បាងកក
ខ្យល់កន្ត្រាក់បំផ្លាញផ្ទះពលរដ្ឋ ១០ខ្នង នៅស្រុកគាស់ក្រឡ
សូមប្រយ័ត្ន! កម្ពុជា នឹងមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី១មេសា
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២១ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ