ព័ត៌មានជាតិ

ប្រមុខរដ្ឋាភិបាល ស្នើមេដឹកនាំហ្វីលីពីនជំរុញតភ្ជាប់ជើងហោះហើរមកខេត្តសៀមរាប

បានផុស

២ years មុន

នៅ

ថ្ងៃសៅរ៍ ៩ កញ្ញា ២០២៣

ដោយ

សម្ដេចធិបតី ហ៊ុន ម៉ាណែត បានរំលឹកពីជំនួបជាមួយមេដឹកនាំហ្វីលីពីននៅក្នុងកិច្ចប្រជុំកំពូលអាស៊ាននៅប្រទេសឥណ្ឌូណេស៊ី ដោយស្នើឲ្យមានការតភ្ជាប់ជើងហោះហើរពីទីក្រុងទេសចរណ៍របស់ប្រទេសហ្វីលីពីនមកខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងពិធីជួបសំណេះសំណាលជាមួយកម្មករកម្មការិនីនៅស្រុកសំរោងទងក្នុងខេត្តកំពង់ស្ពឺនៅព្រឹកនេះ សម្តេចធិបតី ហ៊ុន ម៉ាណែត បានលើកឡើងថា នៅក្នុងកិច្ចប្រជុំកំពូលអាស៊ាន សម្តេចបានស្នើមេដឹកនាំហ្វីលីពីនជំរុញការតភ្ជាប់ជើងហោះហើរត្រង់ពីទីក្រុងទេសចរណ៍របស់ប្រទេសហ្វីលីពីនមកខេត្តសៀមរាប។

សម្តេចនាយករដ្ឋមន្រ្តីបញ្ជាក់ថា ហ្វីលីពីនមានជើងហោះហើរចំនួន ៥ ជើងមកប្រទេសកម្ពុជា តែប្រមុខដឹកនាំកម្ពុជាចង់ឲ្យមានជើងហោះត្រង់ពីទីក្រុងសេបូដែលជាទីក្រុងទេសចរណ៍ដ៏ទាក់ទាញរបស់ហ្វីលីពីនមកខេត្តសៀមរាបដោយផ្ទាល់ ដើម្បីជំរុញកំណើនភ្ញៀវទេសចរបន្ថែមទៀត។

ជាមួយគ្នានេះ ថ្លែងរំលឹកពីការចូលរួមនៅក្នុងកិច្ចប្រជុំកំពូលអាស៊ាននៅប្រទេសឥណ្ឌូណេស៊ីដែលទើបតែបញ្ចប់កាលពីពេលថ្មីៗនេះ សម្តេចប្រមុខរដ្ឋាភិបាលបានបញ្ជាក់ថា នៅក្នុងកម្មវិធីសម្តេចមានជំនួបជាមួយថ្នាក់ដឹកនាំប្រទេសផ្សេងៗយ៉ាងមមាញឹក ដោយមានការចរចានិងចុះកិច្ចព្រមព្រៀងផ្សេងៗ។ សម្តេចបានគូសបញ្ជាក់ថា ការប្រឹងប្រែងទាំងអស់នេះសម្តេចគ្មានចង់បានអ្វី ក្រៅពីខិតខំដើម្បីនាំប្រយោជន៍សម្រាប់ជាតិមាតុភូមិ៕

Related Topics:សម្ដេចធិបតី ហ៊ុន ម៉ាណែត