​អាជ្ញាធរត្រៀមបង្វែរទឹកជំនន់ចូលទៅក្នុងទន្លេ បញ្ចៀសការជន់លិចរាជធានីភ្នំពេញ

ក្រសួងធនធានទឹក និងឧតុនិយមនឹងធ្វើការបង្វែរទឹកជំនន់មួយភាគធំ តាមប្រព័ន្ធដោះទឹកនានា ទៅកាន់ទន្លេបាសាក់ ទន្លេមេគង្គ និងតំបន់វាលទំនាប ដើម្បីដោះទឹកជំនន់ពីរាជធានីភ្នំពេញ ក្នុងគោលបំណងធានានូវសុវត្ថិភាពជូនប្រជាពលរដ្ឋ និងស្ថិរភាពសង្គម។

លោក ចាន់ ស៊ីណាត រដ្ឋលេខាធិការ ក្រសួងធនធានទឹក និងឧតុនិយមកាលពីពេលថ្មីៗនេះ បានចុះពិនិត្យទីតាំងជាក់ស្តែង ដែលត្រូវដោះទឹកជំនន់ទឹកភ្លៀងពីរាជធានីភ្នំពេញ។

ជាមួយគ្នានោះនៅឆ្នាំ២០២៤ ក្រសួងធនធានទឹកក៏គ្រោងនឹងពង្រឹងការគ្រប់គ្រងទឹកជំនន់ប្រកបដោយប្រសិទ្ធភាពតាមរយៈការធ្វើទំនើបកម្មប្រព័ន្ធដោះទឹក និងបំពាក់ស្ថានីយបូមទឹកខ្នាតធំ ព្រមទាំងបញ្ចប់ការងារធ្វើទំនើបកម្មវិស្វកម្ម និងការរៀបចំឱ្យមានលក្ខណៈគ្រប់ជ្រុងជ្រោយលើប្រព័ន្ធដោះទឹកចេញពីរាជធានីភ្នំពេញប្រកបដោយស័ក្តិសិទ្ធិភាព និងប្រសិទ្ធភាពខ្ពស់៕