Connect with us

ព័ត៌មានជាតិ

លោក នេត្រ ភក្ត្រា៖ ធនធានមនុស្សកម្ពុជារីកចម្រើន ប្រព័ន្ធផ្សព្វផ្សាយចាំបាច់ត្រូវពង្រឹងគុណភាពផលិតព័ត៌មាន

បានផុស

នៅ

«កម្រិត​នៃ​ចំណេះ​ដឹង និង​ធនធាន​មនុស្ស​កម្ពុជា​មាន​ការ​រីកចម្រើន ដូច្នេះ​ប្រព័ន្ធ​ផ្សព្វផ្សាយ​ទាំង​អស់​ចាំ​បាច់​ត្រូវ​ពង្រឹង​ការ​ផលិត​ព័ត៌មាន​ប្រកប​ដោយ​គុណភាព​ ដើម្បី​បម្រើ​ឲ្យ​អ្នក​អាន​របស់​ខ្លួន»។ នេះ​គឺ​ជា​ការ​ថ្លែង​របស់​លោក​ នេត្រ ភក្ត្រា រដ្ឋមន្ត្រី​ក្រសួង​ព័ត៌មាន នា​ថ្ងៃទី១២ ខែ​សីហា ឆ្នាំ២០២៣ ក្នុង​ឱកាស​ដែល​លោក​ទទួល​ជួប ឧកញ៉ា ជា ចំរើន អគ្គនាយក​ទូរទស្សន៍​ខ្សែកាប​រាជធានី​ភ្នំពេញ នៅ​ទីស្ដីការ​ក្រសួងព័ត៌មាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​ឱកាស​នោះ លោក នេត្រ ភក្ត្រា មាន​ប្រសាសន៍​ថា ស្រប​ដែល​ពេល​ធនធាន​​មនុស្ស​ កាន់​តែ​មាន​ការ​រីក​ចម្រើន​ពី​មួយ​ថ្ងៃ​ទៅ​មួយ​ថ្ងៃ ដូច្នេះ​ដើម្បី​ដើរ​ឲ្យ​ទាន់​តម្រូវ​ការ និង​ភាព​ជឿន​លឿន​ គឺ​ចាំ​បាច់​ណាស់​ដែល​គ្រប់​ប្រព័ន្ធ​ផ្សព្វផ្សាយ​ទាំង​អស់​ ចាំ​បាច់​ត្រូវ​ពង្រឹង​ការ​ផលិត​ព័ត៌មាន​ប្រកប​ដោយ​គុណភាព​ ដើម្បី​បម្រើ​ឲ្យ​អ្នក​អាន​របស់​ខ្លួន ព្រម​ទាំង​​ដើម្បី​ចូលរួម​នៅ​ក្នុង​ការ​ពង្រឹង​គុណភាព​ធនធាន​មនុស្ស​របស់​កម្ពុជា​ តាម​រយៈ​ការ​ផ្ដល់​ព័ត៌មាន​ពិត រហ័ស និង​មាន​គុណភាព។

លោក​រដ្ឋមន្ត្រី​ បាន​គូស​បញ្ជាក់​ថា ខ្លឹម​សារ​ គឺ​ជា​កត្តា​សំខាន់​សម្រាប់​ស្ថាប័ន​ព័ត៌មាន​នី​មួយ​ៗ ក្នុង​ការ​ទាក់ទាញ​អតិថិជន​ អ្នក​អាន និង​អ្នក​ទស្សនា​របស់​ខ្លួន។

ជាក់ស្ដែង កាល​ពី​អតីតកាល ប្រព័ន្ធ​ផ្សព្វផ្សាយ ជា​អ្នក​កំណត់​ខ្លឹម​សារ​ដល់​អ្នក​ទស្សនា​ និង​អ្នក​ស្ដាប់ ប៉ុន្តែ​ស្រប​ពេល​ដែល​ប្រព័ន្ធ​ផ្សព្វផ្សាយ​ទំនើប​ដើរ​តួនាទី​​សំខាន់ ហើយ​ពលរដ្ឋ​មាន​​សេរីភាព​ពេញ​លេញ​ក្នុង​ការ​បង្កើត​ខ្លឹមសារ និង​​ស្វែងរក​ខ្លឹមសារ​សម្រាប់​ខ្លួនឯង ដូច្នេះ​ប្រព័ន្ធ​ផ្សព្វផ្សាយ​ទាំង​អស់​ចាំ​បាច់​ត្រូវ​យក​​ចិត្ត​ទុកដាក់​លើ​​ខ្លឹមសារ​ដែល​ឆ្លើយ​តប​នឹង​​តម្រូវ​ការ​របស់​ពលរដ្ឋ។

បន្ថែម​ពី​នេះ លោក នេត្រ​ ភក្ត្រា ក៏​បាន​ស្នើ​ដល់​អគ្គនាយក​ទូរទស្សន៍​ខ្សែកាប​រាជធានី​ភ្នំពេញ​ចូលរួម​ផលិត​កម្មវិធី​ព័ត៌មាន និង​កម្មវិធី​កម្សាន្ត​ផ្សេង​ៗ​ដែល​បម្រើ​ផលប្រយោជន៍​នៃ​ការ​យល់​ដឹង និង​កម្សាន្ត​ប្រកប​ដោយ​ក្រមសីលធម៌​ដល់​ប្រជាពលរដ្ឋ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២១ ម៉ោង មុន

បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ

ព័ត៌មានអន្ដរជាតិ២ ម៉ោង មុន

ក្រោយភ្លើង​ឆេះ​ដ៏សាហាវ​បំផុត​ រដ្ឋកាលីហ្វ័រញ៉ា​ នឹង​ជួបព្យុះភ្លៀង​នាំ​សារធាតុ​​ពុល​ម្តង​​

ព័ត៌មានអន្ដរជាតិ៦ ម៉ោង មុន

អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់ 

ព័ត៌មានអន្ដរជាតិ២១ ម៉ោង មុន

​ធ្លាក់​ព្រឹលខ្លាំង​ពេក រដ្ឋភាគខាងត្បូងអាមេរិកប្រកាសអាសន្ន ​ខណៈ​​មនុស្ស​២២០​លាននាក់​រង​ផល​ប៉ះពាល់

សន្តិសុខសង្គម៥ ម៉ោង មុន

ទុស្សេខ្សែភ្លើងឆេះផ្ទះជាន់ទី ០២ ខូចខាតសម្ភារៈមួយចំនួនធំ នៅខណ្ឌបឹងកេងកង

Sokha Hotels

ព័ត៌មានពេញនិយម