ព័ត៌មានជាតិ

ដើមឆ្នាំ២០២១នេះ នៅលើផ្លូវ៦០ម៉ែត្រ មានគ្រោះថ្នាក់ចារចរណ៍៣លើកស្លាប់ម្នាក់របួស២នាក់

បានផុស

៤ years មុន

នៅ

ថ្ងៃអង្គារ ២ កុម្ភៈ ២០២១

ដោយ

តាមប្រភពពីលោកអនុសេនីយ៍ឯក ស៊ិន អ៊ឹង អនុប្រធានផ្នែកចរាចរណ៍នគរបាលខណ្ឌមានជ័យបានប្រាប់កម្ពុជាថ្មីថា ករណីគ្រោះថ្នាក់ចរាចរណ៍លើកំណាត់ផ្លូវ៦០ម៉ែត្រក្នុងទឹកដីខណ្ឌមានជ័យរាជធានីភ្នំពេញកើតឡើង៣លើកបណ្តាលឲ្យមនុស្សម្នាក់ស្លាប់ និង៣នាក់ទៀតរងរបួសមធ្យម។

លោកអនុប្រធានផ្នែកបន្តថា ករណីដែលធ្ងន់ធ្ងរ១ករណីនោះគឺរថយន្តធំបុកអ្នកបើកបរម៉ូតូបណ្តាលស្លាប់ម្នាក់ចំណែករងយន្តបង្កបានបើកគេចបាត់។ ដោយឡែក២ករណីទៀតនោះគឺម៉ូតូបុកជាមួយម៉ូតូបង្កឲ្យរងរបួស៣នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ិន អ៊ឹង បន្តថា កំណាត់ផ្លូវ៦០ម៉ែត្រដែលតភ្ជាប់ពីរង្វង់មូលក្បាលថ្នល់ដល់ផ្លូវជាតិលេខ២ព្រំប្រទល់ខណ្ឌដង្កោគឺជាផ្លូវធំទូលាយប៉ុន្តែក៏សម្បូរទៅដោយរថយន្តធុនធំដឹកដីចាក់តាមការដ្ឋានដែលស្ថិតនៅជាប់ផ្លូវ៦០ម៉ែត្រនេះ។ ចំពោះការបើកបររបស់រថយន្តធំវិញគឺអ្នកបើកបរគាត់ឃើញផ្លូវធំហើយរលោងស្អាតធ្វើឲ្យគាត់ជាន់ហ្គែរ៍ម៉ាឆ្ងាញ់ទើបបង្កគ្រោះថ្នាក់ចរាចរណ៍បែបនេះ។

លោកអនុប្រធានផ្នែកចរាចរណ៍នគរបាលខណ្ឌមានជ័យបានសំណូមពរដល់អ្នកបើកបរទាំងអស់សូមនាំគ្នាគោរពច្បាប់ចរាចរណ៍ឲ្យបានគ្រប់គ្នាព្រោះបើគ្រោះថ្នាក់ទៅគឺមានតែស្លាប់និងរបួសធ្វើឲ្យក្រុមគ្រួសារជួបទុក្ខវេទនាខ្លាំងណាស់។ពិសេសគឺអ្នកបើកបររថយន្តធុនធំសូមកុំបើកបរលឿនពេក។ព្រោះជួបរឿងគ្រោះថ្នាក់ច្រើនណាស់៕

អត្ថបទ ៖ នរា