ព័ត៌មានជាតិ

ឃុំខ្លួនមេការចិនម្នាក់ចោទពីបទរំលោភលើទំនុកចិត្ត

បានផុស

៤ years មុន

នៅ

ថ្ងៃអង្គារ ២ កុម្ភៈ ២០២១

ដោយ

បុរសជនជាតិចិនម្នាក់ ត្រូវបានចៅក្រមសាលាដំបូងរាជធានីភ្នំពេញចេញដីកាសម្រេចឃុំខ្លួនដាក់ពន្ធនាគារជាបណ្ដោះអាសន្នក្រោមការចោទប្រកាន់ពីបទរំលោភលើទំនុកចិត្ត ពាក់ព័ន្ធនិងការលួចកិបកេងប្រាក់កាសរបស់ក្រុមហ៊ុនចិន។

ជនជាប់ចោទដែលតុលាការឃុំខ្លួនឈ្មោះ Chen fu yi ភេទប្រុស អាយុ៣៥ឆ្នាំ ជាមេការក្រុមហ៊ុនចិនឈ្មោះ ហ្គ្រេត អ៊ីសធើន ស្ទេលីសស្ទីលគ្រប់ មានទីតាំងស្ថិតនៅអាគារលេខ៣៧បេ ភូមិសន្សំកុសល សង្កាត់បឹងទំពន់ ខណ្ឌមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Chen fu yi ត្រូវបានសមត្ថកិច្ចអាវុធហត្ថចាប់ខ្លួនកាលពីថ្ងៃទី៣០ ខែមករា ឆ្នាំ២០២១ ក្រោយពេលនាយកក្រុមហ៊ុនដាក់ពាក្យប្ដឹងមកការិយាល័យប្រឆាំងបទល្មើសព្រហ្មទណ្ឌនៃកងរាជអាវុធហត្ថរាជធានីភ្នំពេញ ដោយចោទប្រកាន់លោក Chen fu yi បានលួចគៃបំបាត់ប្រាក់របស់ក្រុមហ៊ុនជាបន្តបន្ទាប់អស់ជាច្រើនម៉ឺនដុល្លារ ប៉ុន្តែពេលចាប់ខ្លួនជនសង្ស័យមានប្រាក់តែ៤០ដុល្លារប៉ុណ្ណោះ និងទូរស័ព្ទដៃ២គ្រឿង។ ក្នុងនោះនៅថ្ងៃទី០១កុម្ភៈ សមត្ថកិច្ចបានបញ្ជូនលោក Chen fu yi មកតុលាការ ហើយក្រោយពីសាកសួរចប់លោក ម៉ុត ដារា ព្រះរាជអាជ្ញារងអមតុលាការបានសម្រេចចោទប្រកាន់លោក Chen fu yi ពីបទលួច ហើយបញ្ជូនអោយចៅក្រមសើបសួរចាត់ការជាបន្តបន្ទាប់រហូតដល់ចេញដីកាសម្រេចឃុំខ្លួនបបណ្ដោះអាសន្ន៕

អត្ថបទ ៖ មករា

Related Topics:ឃុំខ្លួន