លោកជំទាវ ហ៊ុន ម៉ាណា នាំយកទេយ្យវត្ថុប្រគេនដល់វត្តចំនួន២ និងផ្ដល់អំណោយជូនពលរដ្ឋខ្វះខាតចំនួន ៤៨៩គ្រួសារ

នៅព្រឹកថ្ងៃទី១៤ ខែកញ្ញា ឆ្នាំ២០២៣ លោកជំទាវ ហ៊ុន ម៉ាណា អគ្គនាយិកាវិទ្យុ និងទូរទស្សន៍បាយ័ន បានដឹកនាំក្រុមការងារនាំយកនូវទេយ្យវត្ថុរបស់លោកជំទាវ និងក្រុមគ្រួសារផ្ទាល់ ប្រគេនដល់វត្តចំនួន២ រួមមានវត្ត ល្វាក្រាំង និងវត្តបូរណ៍ ក្នុងក្រុងសៀមរាប ខេត្តសៀមរាប។

ជាមួយគ្នានោះ លោកជំទាវក៏បានចែកអំណោយដែលមានជារបស់របរប្រើប្រាស់ គ្រឿឧបភោគ បរិភោគ និងថវិកាជូនដល់ប្រជាពលរដ្ឋដែលមានជីវភាពខ្វះខាតចំនួន៤៨៩នាក់ និងមានរៀបចំអាហារមួយពេលសម្រាប់ពួកគាត់ផងដែរ ព្រមទាំងបានចែកជូននូវកាតាប និងសម្ភារៈសិក្សាដល់សិស្សានុសិស្សមួយចំនួនធំផងដែរ។

សម្រាប់ទេយ្យវត្ថុរបស់ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ប្រគេនវត្តក្នុង១វត្ត រួមមាន៖
១-អង្ករ២តោន
២-ត្រីខចំនួន១កេស មាន១០យួរ
៣-មីចំនួន៥កេសធំ(៣០កេសតូច)
៤- ត្រីងៀតចំនួន១០ គីឡូ
៥- សាច់ក្រកចំនួន១០ គីឡូ
៦- សាច់ជ្រូផាត់ចំនួន១០ គីឡូ
៧- ទឹកដោះគោខាប់ ចំនួន២កេស
៨- កាហ្វេ ចំនួន៥កញ្ចប់ធំ
៩- តែចំនួន ២គីឡូក្រាម
១០- ស្ករសចំនួន១បេ
១១- អំបិលចំនួន១បេ
១២- ប៊ីចេងចំនួន១បេ
១៣- ទឹកត្រីចំនួន៥យួរ
១៤- ទឹកស៊ីអុីវចំនួន៥យួរ
១៥- សាប៊ូដុំ ចំនួន៣០ ដុំតូច
១៦- ច្រាស និងថ្នាំដុសធ្មេញ ចំនួន១០០ឈុត
១៧- ប្រេងកូឡា ចំនួន៥ដុំ
១៨- ប្រេងខ្យល់ ចំនួន៥ដុំ
១៩- ស្លាដក់ប្រគេនព្រះសង្ឃចំនួន១២៦ស្លាដក់
២០- ថវិកាចំនួន២លានរៀល៕