ស្វែងយល់ស្ថាប័នជាតិ​គ្រប់គ្រងវិស័យអាកាសចរស៊ីវិល​នៅកម្ពុជា

រដ្ឋលេខាធិការដ្ឋានអាកាសចរស៊ីវិល ត្រូវបានរាជរដ្ឋាភិបាលកម្ពុជា ប្រគល់បេសកកម្ម​ឲ្យដឹកនាំ​និងគ្រប់គ្រងវិស័យអាកាសចរស៊ីវិល​នៃព្រះរាជាណាចក្រកម្ពុជា។

លោក​ ម៉ៅ ហាវណ្ណាល់ រដ្ឋមន្ដ្រីទទួលបន្ទុករដ្ឋលេខាធិការដ្ឋានអាកាសចរស៊ីវិល

រដ្ឋលេខាធិការដ្ឋានអាកាសចរស៊ីវិល មានមុខងារ និងភារកិច្ចដូចតទៅ៖

– រៀបចំ និងអនុវត្តគោលនយោបាយជាតិស្តីពីវិស័យអាកាសចរស៊ីវិល ដោយរៀបចំគោលការណ៍ ច្បាប់ និងសហការជាមួយស្ថាប័ននានា ដើម្បីអភិវឌ្ឍវិស័យអាកាសចរស៊ីវិល

– ចងក្រង និងរៀបចំតាក់តែង​ច្បាប់ លិខិតបទដ្ឋានគតិយុត្ត និងបទប្បញ្ញត្តិ ដែល​ពាក់ព័ន្ធ​ដល់ការ​គ្រប់គ្រង​អាកាសចរ​ស៊ីវិលជាតិ​និងអន្តរជាតិ ព្រមទាំងតាមដានលើការអនុវត្ត

– ធានាផ្តល់​សេវាកម្ម​លើការងារ​ត្រួតពិនិត្យ​ចរាចរ​ដែនអាកាស គ្រប់គ្រង​ការប្រើប្រាស់​ដែនអាកាស ទូរគមនាគមន៍​អាកាសចរណ៍ កំណត់​តំបន់ហាមឃាត់ ធានាសេវាកម្ម​ឧតុនិយម​អាកាសចរស៊ីវិល និង​សេវាកម្មផ្សេងៗ​ទៀត​ដែលជាសមត្ថកិច្ចរបស់​រដ្ឋលេខាធិការដ្ឋាន​អាកាសចរស៊ីវិល

– រៀបចំ​បទប្បញ្ញត្តិ បទបញ្ញ និងត្រួតពិនិត្យការដឹកជញ្ជូន​តាមផ្លូវអាកាស​របស់​សហគ្រាសដឹកជញ្ជូន តាម​ផ្លូវអាកាស

– ពិនិត្យ និងផ្តល់វិញ្ញាបនបត្រប្រតិបត្តិការ​ផ្លូវអាកាស ដល់ក្រុមហ៊ុនសេវាកម្មអាកាសចរណ៍ និង អាជ្ញាប័ណ្ណ​ដល់ក្រុម​អាកាសយានិក អ្នកបច្ចេកទេសរោងជាង អ្នកបច្ចេកទេសថែរក្សា​អាកាសយាន ព្រមទាំង​ធ្វើការចុះបញ្ជីអាកាសយានស៊ីវិលគ្រប់ប្រភេទ

– គ្រប់គ្រងប្រព័ន្ធ​អេឡិចត្រូនិក ដែលបម្រើឲ្យសេវាកម្មចរាចរដែនអាកាស និងសិក្សាពីតម្រូវការ របស់​ប្រព័ន្ធ

– ធានាសន្តិសុខ និងសុវត្ថិភាពហោះហើរដល់សហគ្រាសដឹក​ជញ្ជូនតាមផ្លូវអាកាសជាតិ និង អន្តរជាតិ ដែលធ្វើសេវាកម្មនៅក្នុង ចេញ-ចូល និងឆ្លងកាត់ព្រះរាជាណាចក្រកម្ពុជា

– គ្រប់គ្រង និងអភិវឌ្ឍធនធានមនុស្សក្នុងវិស័យអាកាសចរស៊ីវិល ឲ្យស្របតាម​តម្រូវការ និងស្តង់ដា​របស់អង្គការអាកាសចរ​ស៊ីវិលអន្តរជាតិ

– រៀបចំមជ្ឈមណ្ឌលហ្វឹកហ្វឺន ផែនការហ្វឹកហ្វឺន​និងធ្វើការបណ្ដុះបណ្តាល​ជំនាញ​បច្ចេកទេស អាកាសចរ​ស៊ីវិលនៅ​នឹងកន្លែង​ឲ្យស្របតាមតម្រូវការ និងឆ្លើយតប​បានតាមច្បាប់​និងបទប្បញ្ញត្តិ ស្តីពី​អាកាសចរស៊ីវិលជាតិនិងអន្តរជាតិ

– ចេញបទប្បញ្ញត្តិស្តីពីអាកាសចរស៊ីវិល កម្រង​នីតិវិធីប្រតិបត្តិ និងសេចក្តីកំណត់​ដោយយោង តាម​ច្បាប់ស្តីពី​អាកាសចរស៊ីវិលនៃព្រះរាជាណាចក្រកម្ពុជា និង​ស្តង់ដានិងអនុសាសន៍របស់អង្គការ អាកាសចរ​ស៊ីវិលអន្តរជាតិជាមូលដ្ឋាន ព្រមទាំង​ផ្សព្វផ្សាយ និងអនុវត្តវិធានការសន្តិសុខ និងសុវត្ថិភាព

– គ្រប់គ្រងអាកាសយានដ្ឋានស៊ីវិល និងហេដ្ឋារចនាសម្ព័ន្ធសំណង់

-ចេញវិញ្ញាបនបត្រអាកាសយានដ្ឋាន និងត្រួតពិនិត្យការប្រតិបត្តិរបស់ប្រតិបត្តិករអាកាសយានដ្ឋាន

– គ្រប់គ្រងការងារជួសជុល ថែទាំ កែលម្អ ការធ្វើនីតិសម្បទា ការអភិវឌ្ឍ និងការសាងសង់ អាកាសយានដ្ឋាន ដែលទទួលខុសត្រូវ​ដោយរដ្ឋលេខាធិការដ្ឋាន​អាកាសចរស៊ីវិល ព្រមទាំង

-តាមដា​នគម្រោងការអភិវឌ្ឍ​អាកាសយានដ្ឋាន​មូលដ្ឋាននិងអន្តរជាតិ

-ចេញអាជ្ញាប័ណ្ណសម្រាប់ការអភិវឌ្ឍពង្រីកអាកាសយានដ្ឋាន និងការកសាង​អាកាសយានដ្ឋានថ្មី បន្ទាប់​ពីមានការយល់​ព្រមពីរាជរដ្ឋាភិបាល

– កំណត់ភូមិសាស្ត្រ និងទីតាំងសម្រាប់ពង្រីកអាកាសយានដ្ឋាន​ដែលមានស្រាប់ និងទីតាំងសម្រាប់ កសាង​អាកាសយានដ្ឋានថ្មី ព្រមទាំងកំណត់ព្រំខណ្ឌដីអាកាសយានដ្ឋាន

– រៀបចំកម្មវិធីជាតិ​ស្ដីពីសន្តិសុខអាកាសចរស៊ីវិល និងកម្មវិធីផ្សេងៗទៀត ដែល​ពាក់ព័ន្ធនឹង​សន្តិសុខ​អាកាសចរស៊ីវិល ឲ្យស្របតាម​ស្តង់ដាជាតិ​និងអន្តរជាតិ

– អនុវត្តច្បាប់ បទប្បញ្ញត្តិ លិខិតបទដ្ឋានគតិយុត្តជាតិនិងអន្តរជាតិ និងកម្មវិធីជាតិស្ដីពីសន្តិសុខ អាកាសចរ​ស៊ីវិល

– ទទួលខុសត្រូវ​ចំពោះការធ្វើ​សវនកម្មរបស់​អង្គការអាកាសចរស៊ីវិលអន្តរជាតិ និង​ការធ្វើអធិការកិច្ច​លើវិស័យ​អាកាសចរស៊ីវិល

– ស៊ើបអង្កេត និងវាយតម្លៃ​ឧប្បត្តិហេតុ ឬគ្រោះថ្នាក់​អាកាសចរណ៍ ដោយ​សហការជាមួយក្រសួង សា្ថប័ន​ជាតិ និងអន្តរជាតិពាក់ព័ន្ធ

-ធ្វើផែនការ និងអនុវត្តចំណូល-ចំណាយថវិកា ឲ្យស្របតាមច្បាប់ហិរញ្ញវត្ថុ

– ផ្សព្វផ្សាយការងារបច្ចេកទេសពាក់ព័ន្ធនឹងវិស័យអាកាសចរស៊ីវិល

– ធ្វើរបាយការណ៍ពីសកម្មភាព​របស់ខ្លួនតាមកាលកំណត់ជូនរាជរដ្ឋាភិបាល

-អនុវត្តភារកិច្ចផ្សេងទៀត ដែលរាជរដ្ឋាភិបាលប្រគល់ជូន។

រដ្ឋលេខាធិការដ្ឋានអាកាសចរស៊ីវិល មានរចនាសម្ព័ន្ធ៖

– អគ្គនាយកដ្ឋានបច្ចេកទេស
– អគ្គនាយកដ្ឋានរដ្ឋបាល និងកិច្ចការទូទៅ
– ខុទ្ទកាល័យ
– អង្គភាពស៊ើបអង្កេតគ្រោះថ្នាក់អាកាសចរណ៍ ថ្នាក់ស្មើនាយកដ្ឋាន
– នាយកដ្ឋានសេវាកម្មអាកាសចរណ៍
– អាកាសយានដ្ឋានអន្តរជាតិ ថ្នាក់ស្មើនាយកដ្ឋាន
– នាយកដ្ឋានដឹកជញ្ជូនតាមផ្លូវអាកាស
– នាយកដ្ឋានទំនាក់ទំនងអន្តរជាតិ និងនីតិកម្ម
– វិទ្យាស្ថានជាតិ​អាកាសចរ​ស៊ីវិល ថ្នាក់ស្មើនាយកដ្ឋាន
– អាកាសយានដ្ឋានមូលដ្ឋាន ថ្នាក់ស្មើការិយាល័យ

អគ្គនាយកដ្ឋានបច្ចេកទេស

អគ្គនាយកដ្ឋានបច្ចេកទេសមានភារកិច្ចដឹកនាំសម្របសម្រួល និងគ្រប់គ្រងសកម្មភាពលើការងារ ស្តង់ដា​និងសុវត្ថិភាពហោះហើរ លទ្ធភាពហោះហើរ ស្តង់ដានិងសុវត្ថិភាពនាំផ្លូវអាកាស ស្ដង់ដា​និង​សុវត្ថិភាព អាកាសយានដ្ឋាន ការងារសន្តិសុខអាកាសចរស៊ីវិល និង​ត្រួតពិនិត្យ​សន្តិសុខ​និង​សុវត្ថិភាព​អាកាសចរណ៍។

អគ្គនាយកដ្ឋានបច្ចេកទេស ដឹកនាំដោយអគ្គនាយកមួយរូប អមដោយអគ្គនាយករងមួយចំនួន ជាជំនួយការ តាមការចាំបាច់។

អគ្គនាយកដ្ឋានបច្ចេកទេសមាននាយកដ្ឋានចំណុះចំនួន០៦ (ប្រាំមួយ)៖

– នាយកដ្ឋានស្ដង់ដា និងសុវត្ថិភាពហោះហើរ
– នាយកដ្ឋានលទ្ធភាពហោះហើរ
– នាយកដ្ឋានស្ដង់ដា និងសុវត្ថិភាពនាំផ្លូវអាកាស
– នាយកដា្ឋនស្ដង់ដា និងសុវត្ថិភាពអាកាសយានដ្ឋាន
– នាយកដ្ឋានសន្តិសុខអាកាសចរស៊ីវិល
– នាយកដ្ឋានត្រួតពិនិត្យ សន្តិសុខ និងសុវត្ថិភាពអាកាសចរណ៍។

អគ្គនាយកដ្ឋានរដ្ឋបាល និងកិច្ចការទូទៅ

អគ្គនាយកដ្ឋានរដ្ឋបាល និងកិច្ចការទូទៅ មានភារកិច្ចដឹកនាំ សម្របសម្រួល និងគ្រប់គ្រង សកម្មភាព​លើការងាររដ្ឋបាល មន្ត្រីរាជការ ការអភិវឌ្ឍនិងបណ្ដុះបណ្តាល​ធនធានមនុស្ស ភស្តុភារ ហិរញ្ញកិច្ច ផែនការ យុទ្ធសាស្ត្រ និង​គោលនយោបាយ​អភិវឌ្ឍន៍វិស័យអាកាសចរស៊ីវិល។

អគ្គនាយកដ្ឋានរដ្ឋបាល និងកិច្ចការទូទៅ ដឹកនាំដោយអគ្គនាយកមួយរូប អមដោយអគ្គនាយករងមួយចំនួនជាជំនួយការ​តាមការចាំបាច់។

អគ្គនាយកដ្ឋានរដ្ឋបាល និងកិច្ចការទូទៅមាននាយកដ្ឋានចំណុះចំនួន០៣ (បី)៖

– នាយកដ្ឋានរដ្ឋបាល និងគ្រប់គ្រងធនធានមនុស្ស
– នាយកដ្ឋានភស្ដុភារ និងហិរញ្ញវត្ថុ
-នាយកដ្ឋានផែនការ យុទ្ធសាស្ត និងគោលនយោបាយ។

ខុទ្ទកាល័យរដ្ឋលេខាធិការទទួលបន្ទុកបេសកកម្មទាំងឡាយ ដែលបានកំណត់តាមបទប្បញ្ញត្តិ នៃ អនុក្រឹត្យលេខ២០ អនក្រ.បក ចុះថ្ងៃទី៣០ ខែមេសា ឆ្នាំ១៩៩៦ ស្តីពីការរៀបចំ និងការ ប្រព្រឹត្តទៅ របស់ ក្រសួង និងរដ្ឋលេខាធិការដ្ឋាន។

អង្គភាពស៊ើបអង្កេតគ្រោះថ្នាក់អាកាសចរណ៍

អង្គភាពស៊ើបអង្កេតគ្រោះថ្នាក់អាកាសចរណ៍មានភារកិច្ច៖

– ចូលរួមស៊ើបអង្កេត និងវាយតម្លៃឧប្បត្តិហេតុ ឬគ្រោះថ្នាក់​ពាក់ព័ន្ធដល់​វិស័យ​អាកាសចរណ៍ ដោយ​សហការជាមួយស្ថាប័នជាតិ និងអន្តរជាតិពាក់ព័ន្ធ
– ស៊ើបអង្កេតឧប្បត្តិហេតុ ឬគ្រោះថ្នាក់ពាក់ព័ន្ធ​ដល់អាកាសយាន​ទាំងក្នុង និង​ក្រៅប្រទេស ដែល បាន​ចុះបញ្ជី​នៅរដ្ឋលេខាធិការដ្ឋានអាកាសចរស៊ីវិល ដោយ​សហការជាមួយ​ស្ថាប័នជាតិ និងអន្តរជាតិ​ពាក់ព័ន្ធ
– ទទួលខុសត្រូវ និងសហការរៀបចំ និងអនុវត្តរាល់កិច្ច​ព្រមព្រៀងស្តីពីឧប្បត្តិហេតុ ឬគ្រោះថ្នាក់ ពាក់ព័ន្ធ​ដល់វិស័យអាកាសចរណ៍
– ត្រួតពិនិត្យ និងវាយតម្លៃលទ្ធផលស៊ើបអង្កេត និងគ្រប់គ្រងព័ត៌មាន
– រៀបចំផែនការ​ទប់ស្កាត់ឧប្បត្តិហេតុ ឬគ្រោះថ្នាក់ពាក់ព័ន្ធដល់វិស័យអាកាសចរណ៍
– ទទួលខុសត្រូវចំពោះការធ្វើសវនកម្មរបស់អង្គការអាកាសចរស៊ីវិលអន្តរជាតិ
-ពិនិត្យ និងផ្តល់យោបល់លើការវាយតម្លៃបច្ចេកទេស ដែលទាក់ទង​នឹងឧប្បត្តិហេតុ ឬគ្រោះថ្នាក់ ពាក់ព័ន្ធ​ដល់វិស័យអាកាសចរណ៍ និងសុំការសម្រេចពីថ្នាក់ដឹកនាំរដ្ឋលេខាធិការដ្ឋាន
– ធ្វើរបាយការណ៍ពីសកម្មភាពការងាររបស់ខ្លួន
– អនុវត្តភារកិច្ចផ្សេងទៀត ដែលថ្នាក់ដឹកនាំរដ្ឋលេខាធិការដ្ឋានប្រគល់ជូន។

អង្គភាពស៊ើបអង្កេតគ្រោះថ្នាក់អាកាសចរណ៍ ដឹកនាំដោយ​ប្រធានមួយរូប អមដោយ​អនុប្រធាន មួយចំនួន​ជាជំនួយការ​តាមការចាំបាច់។

នាយកដ្ឋានសេវាកម្មអាកាសចរណ៍

នាយកដ្ឋានសេវាកម្មអាកាសចរណ៍ មានភារកិច្ច៖

– គ្រប់គ្រងចាត់ចែង និងផ្តល់សេវាកម្មនាំផ្លូវអាកាសនៅក្នុង ចេញ-ចូល និងឆ្លងកាត់ដែនអាកាស នៃព្រះរាជាណាចក្រកម្ពុជា ដោយអនុលោមឲ្យស្របទៅតាមច្បាប់ បទប្បញ្ញត្តិអាកាសចរស៊ីវិល កម្ពុជា និងស្តង់ដានិងអនុសាសន៍របស់អង្គការអាកាសចរស៊ីវិលអន្តរជាតិរួមមាន៖

ក- គ្រប់គ្រង និងផ្តល់សេវាកម្មព័ត៌មានឧតុនិយម និងអាកាសចរវិទ្យា
ខ- គ្រប់គ្រង និងត្រួតពិនិត្យចរាចរនាំផ្លូវអាកាស
គ- គ្រប់គ្រង និងត្រួតពិនិត្យលើប្រព័ន្ធទូរគមនាគមន៍ ប្រព័ន្ធបរិក្ខារអេឡិចត្រូនិចនាំផ្លូវអាកាស និងស្ថានីយ៍ផ្កាយរណប។

– សហការលើការងាររុករក សង្គ្រោះ និងពន្លត់អគ្គីភ័យ
– សហការលើការងារផ្តល់សេវាកម្មអាកាសយានដ្ឋាន
– ទទួលខុសត្រូវចំពោះការធ្វើសវនកម្មរបស់អង្គការអាកាសចរស៊ីវិលអន្តរជាតិ
-ពិនិត្យ និងផ្តល់យោបល់លើការវាយតម្លៃបច្ចេកទេស ដែល​ពាក់ព័ន្ធដល់ប្រព័ន្ធ និងសេវាកម្មនាំផ្លូវ អាកាស និងសុំការសម្រេចពីថ្នាក់ដឹកនាំរដ្ឋលេខាធិការដ្ឋាន
-ធ្វើរបាយការណ៍ពីសកម្មភាពការងាររបស់ខ្លួន
-អនុវត្តភារកិច្ចផ្សេងទៀត ដែលថ្នាក់ដឹកនាំរដ្ឋលេខាធិការដ្ឋានប្រគល់ជូន។

នាយកដ្ឋានសេវាកម្មអាកាសចរណ៍ ដឹកនាំដោយប្រធាននាយកដ្ឋានមួយរូប អមដោយអនុប្រធាននាយកដ្ឋានមួយចំនួនជាជំនួយការ តាមការចាំបាច់។

អាកាសយានដ្ឋានអន្តរជាតិ

អាកាសយានដ្ឋានអន្តរជាតិមានភារកិច្ច៖

-នាយកអាកាសយានដ្ឋានអន្តរជាតិនីមួយៗ ជាតំណាង​រដ្ឋលេខាធិការដ្ឋានអាកាសចរ​ស៊ីវិល ក្នុងការ​គ្រប់គ្រង​អាកាសយានដ្ឋានអន្តរជាតិ
-សហការជាមួយក្រុមហ៊ុនគ្រប់គ្រង​អាកាសយានដ្ឋានអន្តរជាតិ ក្នុងការគ្រប់គ្រងកិច្ច​ប្រតិបត្តិការ និង​ការ​អភិវឌ្ឍ​អាកាសយានដ្ឋានអន្តរជាតិ
-សហការជាមួយក្រុមហ៊ុនគ្រប់គ្រង​សេវាកម្មចរាចរដែនអាកាស ក្នុងការគ្រប់គ្រងកិច្ចប្រតិបត្តិការ និង​ការអភិវឌ្ឍប្រព័ន្ធ​នាំផ្លូវអាកាសនៅក្នុងព្រះរាជាណាចក្រកម្ពុជា
– សហការជាមួយ​អាជ្ញាធរមានសមត្ថកិច្ច ក្រុមហ៊ុន​គ្រប់គ្រងអាកាសយានដ្ឋានអន្តរជាតិ ក្រុមហ៊ុន គ្រប់គ្រង​សេវាកម្មនាំផ្លូវអាកាស ក្រុមហ៊ុន​អាកាសចរណ៍ និងស្ថាប័នពាក់ព័ន្ធនានា ដើម្បីធានា សន្តិសុខ សុវត្ថិភាព សណ្តាប់ធ្នាប់​សាធារណៈ និងការធ្វើអាជីវកម្មនៅក្នុង​និងជុំវិញអាកាស យានដ្ឋាន​អន្តរជាតិ

-សហការជាមួយក្រសួង ស្ថាប័នពាក់ព័ន្ធ និងអាជ្ញាធរមាន​សមត្ថកិច្ចក្នុង​ការដឹកនាំ​ធ្វើលំហាត់ សមយុទ្ធ គ្រប់គ្រងគ្រោះអាសន្នឲ្យបាន​ទៀងទាត់ និងចូលរួមកែលម្អផែនការ​គ្រប់គ្រង​គ្រោះ​អាសន្ន ជាមួយ​ក្រុមហ៊ុន​គ្រប់គ្រងអាកាសយានដ្ឋាន​អន្តរជាតិ
-ពិនិត្យ និងផ្តល់យោបល់លើការវាយតម្លៃបច្ចេកទេស ដែលទាក់ទង​ទៅនឹងការគ្រប់គ្រង និងការអភិវឌ្ឍ​អាកាសយានអន្តរជាតិ និង​សុំការសម្រេច​ពីថ្នាក់ដឹកនាំរដ្ឋលេខាធិការដ្ឋាន
– សហការ​ទទួលខុសត្រូវ ចំពោះ​ការធ្វើសវនកម្មរបស់អង្គការ​អាកាសចរស៊ីវិលអន្តរជាតិ
– ធ្វើរបាយការណ៍ពីសកម្មភាពការងាររបស់ខ្លួន
– អនុវត្តភារកិច្ចផ្សេងទៀត ដែលថ្នាក់ដឹកនាំរដ្ឋលេខាធិការដ្ឋានប្រគល់ជូន។

នាយកដា្ឋនដឹកជញ្ជូនតាមផ្លូវអាកាស

នាយកដ្ឋានដឹកជញ្ជូនតាមផ្លូវអាកាស មានភារកិច្ច៖

-រៀបចំ និងចងក្រងគោលនយោបាយ និងបទប្បញ្ញត្តិស្តីពីការដឹកជញ្ជូន​តាមផ្លូវអាកាស ឲ្យស្របទៅ តាម​គោលបំណង និងចក្ខុវិស័យរបស់​រាជរដ្ឋាភិបាល​កម្ពុជា និង​អង្គការអាកាសចរស៊ីវិលអន្តរជាតិ
– ជួយគាំទ្រឲ្យមាននិរន្តភាព​ទីផ្សារសេដ្ឋកិច្ច និងប្រសិទ្ធភាព​ឧស្សាហកម្ម​ដឹកជញ្ជូ​តាមផ្លូវអាកាស
– រៀបចំ ចរចា និង​បង្កើតអនុស្សរណៈយោគយល់ កិច្ចព្រមព្រៀង និង​លិខិតបទដ្ឋានគតិយុត្តនានា ស្តីពីការ​ធ្វើសេវាកម្មដឹកជញ្ជូន​តាមផ្លូវអាកាស
-ចូលរួមគ្រប់គ្រង និងចាត់ចែងលើការងារអាកាសចរណ៍​ចាំបាច់មួយចំនួន ដូចជា សេរីភាវូបនីយកម្ម ដឹកជញ្ជូន​តាមផ្លូវអាកាស ជាមួយ​សមាគមន៍អាស៊ាន និងអង្គការ​ដទៃទៀត​ទាំងក្នុងកម្រិតតំបន់ និង​អន្តរជាតិ ដោយ​សហការជាមួយ​នាយកដ្ឋានទំនាក់ទំនងអន្តរជាតិ និង​នីតិកម្ម
– ពិនិត្យ និងវាយតម្លៃបច្ចេកទេសក្នុងការផ្ដល់លិខិតអនុញ្ញាត ឬវិញ្ញាបនបត្រ​ដឹកជញ្ជូន​តាម​ផ្លូវ​អាកាស ដោយ​សហការជាមួយ​នាយកដ្ឋានស្ដង់ដានិងសុវត្ថិភាពហោះហើរ និង​នាយកដ្ឋាន​លទ្ធភាព​ហោះហើរ
– ពិនិត្យ និងវាយតម្លៃបច្ចេកទេសក្នុងការផ្ដល់លិខិត​អនុញ្ញាតដឹកជញ្ជូនទំនិញគ្រោះថ្នាក់​តាមផ្លូវ អាកាស ដោយសម្របសម្រួលជាមួយ​នាយកដ្ឋានស្តង់ដា និងសុវត្ថិភាពហោះហើរ និងនាយកដា្ឋន សន្តិសុខអាកាសចរ​ស៊ីវិល
– រៀបចំ និងផ្តល់ការអនុញ្ញាតសេវាកម្មហោះហើរតាមកម្មវិធី និង​ក្រៅ​កម្មវិធី និង​រៀបចំចងក្រង ឯកសារ​ស្ថិតិ និងទិន្នន័យ​ស្តីពីអាកាសចរស៊ីវិល ដោយ​សហការជាមួយ​នាយកដ្ឋាន និងស្ថាប័ន ពាក់ព័ន្ធ
– ទទួលខុសត្រូវចំពោះការធ្វើ​សវនកម្មរបស់​អង្គការ​អាកាសចរ​ស៊ីវិល​អន្តរជាតិ
– ពិនិត្យ និងផ្តល់យោបល់លើការវាយតម្លៃ​បច្ចេកទេស និងសេដ្ឋកិច្ច ដែល​ពាក់ព័ន្ធដល់គោល នយោបាយ​ដឹកជញ្ជូន​តាមផ្លូវអាកាស និងសុំការសម្រេចពីថ្នាក់ដឹកនាំរដ្ឋលេខាធិការដ្ឋាន
– ធ្វើរបាយការណ៍​ពីសកម្មភាព​ការងាររបស់ខ្លួន
– អនុវត្តភារកិច្ចផ្សេងទៀត​ដែលថ្នាក់ដឹកនាំរដ្ឋលេខាធិការដ្ឋានប្រគល់ជូន។

នាយកដ្ឋានដឹកជញ្ជូនតាមផ្លូវអាកាស ដឹកនាំដោយ​ប្រធាននាយកដ្ឋានមួយរូប អមដោយអនុប្រធាន នាយកដ្ឋានមួយចំនួនជាជំនួយការ តាមការចាំបាច់។

នាយកដា្ឋនទំនាក់ទំនងអន្តរជាតិ និងនីតិកម្ម

នាយកដ្ឋាន​ទំនាក់ទំនងអន្តរជាតិ និងនីតិកម្ម មានភារកិច្ច៖

– សហប្រតិបត្តិការ​និងសម្របសម្រួលរាល់ការងា​រជាមួយអង្គការអាកាសចរ​ស៊ីវិល​អន្តរជាតិស្តីពីការ​កំណត់​ស្តង់ដា និងអនុសាសន៍ដែល​ត្រូវយកទៅអនុវត្ត កម្មវិធីសវនកម្មសន្តិសុខ និងសុវត្ថិភាព
-កម្មវិធីហ្វឹកហ្វឺន កម្មវិធី​ការងារ និងព្រឹត្តិការណ៍​ដែលទាក់ទងនឹងអាកាសចរស៊ីវិល និងការបង់វិភាគទាន
– សហការសម្របសម្រួលរៀបចំ​កិច្ចប្រជុំ និងបដិសណ្ឋារកិច្ច
– គ្រប់គ្រងបណ្ណាល័យ និងមជ្ឈមណ្ឌល​ឯកសាររបស់រដ្ឋលេខាធិការដ្ឋានអាកាសចរស៊ីវិល
– សិក្សារៀបចំតាក់តែងសេចក្តីព្រាងបទប្បញ្ញត្តិ និងលិខិតបទដ្ឋាន​គតិយុត្តនានា ឬសិក្សារៀបចំ ធ្វើវិសោធន​កម្ម ការកែសម្រួលបទប្បញ្ញត្តិ និងលិខិត​បទដ្ឋានគតិយុត្ត​ដែលពាក់ព័ន្ធ​វិស័យអាកាសចរ ស៊ីវិល​ជាតិ និងអន្តរជាតិ ដោយសហការជាមួយ​នាយកដ្ឋានពាក់ព័ន្ធ​របស់​រដ្ឋលេខាធិការដ្ឋាន អាកាសចរ​ស៊ីវិល និងក្រុមប្រឹក្សាអ្នកច្បាប់​នៃទីស្តីការគណៈរដ្ឋមន្ត្រី ព្រមទាំង​ផ្សព្វផ្សាយ និងតាមដាន​ការអនុវត្ត
– ចូលរួមពិនិត្យផ្តល់យោបល់​លើការតាក់តែង ឬការកែសម្រួល​ឯកសារ​គតិយុត្ត ដូចជា កិច្ច​ព្រមព្រៀង អនុស្សរណៈយោគយល់ កិច្ចសន្យា និងសេចក្តីកំណត់​និងសេចក្តីណែនាំ​ទាំងឡាយណា ដែល​បម្រើឲ្យផលប្រយោជន៍​របស់រដ្ឋលេខាធិការដ្ឋានអាកាសចរ​ស៊ីវិល
– សម្របសម្រួល​រាល់ការងារជាមួយ​បណ្តាស្ថាប័ន អង្គការ សមាគមន៍ជាតិ អន្តរជាតិ និងបណ្ត ប្រទេស​ជាមិត្ត ដែលទាក់ទងទៅនឹងការងារច្បាប់ និងគម្រោង​សហប្រតិបត្តិការ​ផ្តល់ជំនួយ
-ពិនិត្យ និងផ្តល់យោបល់​លើការងារដែលទាក់ទង​ទៅនឹងកិច្ចសហប្រតិបត្តិការ​អន្តរជាតិ និង នីតិកម្ម និង​សុំការសម្រចពីថ្នាក់​នាំរដ្ឋលេខាធិការដ្ឋាន
-សហការ​ទទួលខុសត្រូវ​ចំពោះ​ការធ្វើសវនកម្មរបស់អង្គការ​អាកាសចរស៊ីវិល​អន្តរជាតិ
– ធ្វើរបាយការណ៍​ពីសកម្មភាពការងាររបស់ខ្លួន
– អនុវត្តភារកិច្ចផ្សេង​ទៀត ដែលថ្នាក់ដឹកនាំរដ្ឋលេខាធិការដ្ឋានប្រគល់ជូន។

នាយកដា្ឋនទំនាក់ទំនងអន្តរជាតិ និងនីតិកម្ម ដឹកនាំដោយ​ប្រធាន​នាយកដ្ឋានមួយរូប​អមដោយ អនុប្រធាន​នាយកដ្ឋានមួយ​ចំនួនជាជំនួយការ តាមការចាំបាច់។

វិទ្យាស្ថានជាតិ​អាកាសចរ​ស៊ីវិល (ថ្នាក់​ស្មើ​អគ្គនាយកដ្ឋាន)

វិទ្យាស្ថានជាតិ​អាកាសចរ​ស៊ីវិល​មានភារកិច្ចដូចតទៅ៖

– ធ្វើការ​បណ្តុះបណ្តាល និងហ្វឹកហ្វឺន​ជំនាញ​បច្ចេកទេស​ក្នុង​វិស័យ​អាកាសចរ​ស៊ីវិល ទៅតាម​កម្មវិធី និង​ផែនការ​បណ្តុះបណ្តាល ឲ្យស្របតាម​ច្បាប់​និង​បទប្បញ្ញត្តិ​ពាក់ព័ន្ធ​នឹងវិស័យ​អាកាសចរ ស៊ីវិល​នៃ​ព្រះរាជាណាចក្រ​កម្ពុជា និងឲ្យស្របតាមស្តង់ដា​និងអនុសញ្ញាស្តីពី​អាកាសចរ​ស៊ីវិល​អន្តរជាតិ
– ពង្រឹង​គុណភាព និងសមត្ថភាព​ជំនាញរបស់មន្ត្រីពាក់ព័ន្ធ ឲ្យស្របតាម​ផែនការអភិវឌ្ឍ​ធនធាន មនុស្ស​នៃព្រះរាជាណាចក្រកម្ពុជា ដើម្បីឆ្លើយតប​ទៅនឹងតម្រូវការរបស់​សហគ្រាសដឹកជញ្ជូន តាម​ផ្លូវអាកាសទាំងរដ្ឋ និងឯកជន
– សហការ និងផ្លាស់ប្ដូរបទពិសោធជាមួយស្ថាប័នជាតិ​និងអន្តរជាតិ បណ្តុះបណ្តាល​ធនធានមនុស្ស​ក្នុងវិស័យ​អាកាសចរស៊ីវិល​
– ពិនិត្យ ផ្តល់យោបល់លើការងារដែលទាក់ទង​នឹងមជ្ឈមណ្ឌលហ្វឹកហ្វឺនអាកាសចរស៊ីវិល និងសុំការ​សម្រេចពីថ្នាក់ដឹកនាំ​រដ្ឋលេខាធិការដ្ឋាន
– ទទួលខុសត្រូវចំពោះ​ការធ្វើសវនកម្មរបស់អង្គការអាកាសចរស៊ីវិលអន្តរជាតិ
– ធ្វើរបាយការណ៍ពីសកម្មភាពការងាររបស់ខ្លួន
– អនុវត្តភារកិច្ចផ្សេងទៀត ដែលថ្នាក់ដឹកនាំរដ្ឋលេខាធិការដ្ឋានប្រគល់ជូន។

វិទ្យាស្ថានជាតិ​អាកាសចរ​ស៊ីវិល ដឹកនាំ​ដោយនាយកមួយរូប (ឋានៈ​ស្មើ​អគ្គនាយក) អមដោយ​នាយករង​មួយ​ចំនួន​ជា​ជំនួយ​ការ​តាម​ការ​ចាំបាច់។

អាកាសយានដ្ឋានមូលដ្ឋាន

អាកាសយានដ្ឋានមូលដ្ឋាន មានភារកិច្ច៖

– នាយកអាកាសយានដ្ឋានមូលដ្ឋាននីមួយៗ ជា​តំណាងរដ្ឋលេខាធិការដ្ឋានអាកាសចរ​ស៊ីវិលក្នុងការ​សម្របសម្រួល គ្រប់គ្រងកិច្ចប្រតិបត្តិការ​អាកាសយានដ្ឋានមូលដ្ឋាន
– ធានាសុវត្ថិភាព​ហោះហើរ និងចុះចតឲ្យអាកាសយានរបស់​ក្រុមហ៊ុន​អាកាសចរណ៍ ដែលកំពុង ធ្វើសេវាកម្ម​នៅអាកាសយានដ្ឋាន
– អនុវត្តការងារ​ត្រួតពិនិត្យ និងគ្រប់គ្រងសេវាកម្មចរាចរ​ដែនអាកាស ក្នុងដែនទទួលខុស​ត្រូវរបស់អាកាសយានដ្ឋាន
– សហការជាមួយអាជ្ញាធរ​មានសមត្ថកិច្ច និងស្ថាប័នពាក់ព័ន្ធនានា ក្នុងការធានា​សន្តិសុខ សុវត្ថិភាព សណ្ដាប់ធ្នាប់​សាធារណៈ និងការធ្វើអាជីវកម្មនៅក្នុង និងជុំវិញអាកាសយានដ្ឋានមូលដ្ឋាន
– សហការរុករក សង្គ្រោះ និងពន្លត់អគ្គីភ័យនៅក្នុង និងជុំវិញអាកាសយានដ្ឋាន ក្នុងដែនសមត្ថកិច្ចទទួលខុសត្រូវ
– សហការចូលរួមពិនិត្យ​និងផ្តល់យោបល់លើ​ផែនការជួសជុលកែ​លម្អនិង​អភិវឌ្ឍន៍​អាកាស យានដ្ឋាន​មូលដ្ឋាន និងប្រព័ន្ធនាំផ្លូវអាកាស និងសុំការសម្រេចពីថ្នាក់ដឹកនាំរដ្ឋលេខាធិការដ្ឋាន
– ទទួលខុសត្រូវចំពោះការធ្វើសវនកម្មរបស់អង្គការអាកាសចរស៊ីវិលអន្តរជាតិ
– ធ្វើរបាយការណ៍ពីសកម្មភាពការងាររបស់ខ្លួន
– អនុវត្តភារកិច្ចផ្សេងទៀត ដែលថ្នាក់ដឹកនាំរដ្ឋលេខាធិការដ្ឋានប្រគល់ជូន។

អាកាសយានដ្ឋានមូលដ្ឋាន ដឹកនាំដោយនាយកមួយរូប អម​ដោយនាយករងមួយចំនួនជា​ជំនួយការតាមការ​ចាំបាច់។

អង្គភាពត្រួតពិនិត្យហិរញ្ញវត្ថុ

អង្គភាពត្រួតពិនិត្យហិរញ្ញវត្ថុ ត្រូវបានបង្កើតឡើង​ដោយរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ តាមល័ក្ខខ័ណ្ឌ​នៃបទបញ្ហាកំណត់​ក្នុងអនុក្រឹត្យលេខ៨១ ចុះថ្ងៃទី១៦ ខែវិច្ឆិកា ឆ្នាំ១៩៩៥ ស្តីពីការ​បង្កើត ស្ថាប័នត្រួត​ពិនិត្យហិរញ្ញវត្ថុលើការ​ចំណាយថវិកាក្នុង​បណ្តាក្រសួង៕