ព័ត៌មានជាតិ
កម្ពុជា មានមនុស្ស គ-ថ្លង់ ជិត ១០ ម៉ឺននាក់ ស្មើនឹង ៦.៨% នៃជនមានពិការភាពនៅទូទាំងប្រទេស
មន្ត្រីជាន់ខ្ពស់ក្រសួងសង្គមកិច្ច អតីតយុទ្ធជន និងយុវនីតិសម្បទា បានឲ្យដឹងថា បច្ចុប្បន្ននេះ កម្ពុជា មានមនុស្សគ-ថ្លង់ ប្រមាណជិត ១០ ម៉ឺននាក់ ស្មើនឹង ៦.៨% នៃជនមានពិការភាពទូទាំងប្រទេស។
ថ្លែងក្នុងទិវាមនុស្សគ-ថ្លង់កម្ពុជា លើកទី ១១ និងអន្តរជាតិ លើកទី ៦៦ ឆ្នាំ ២០២៣ នៅទីស្ដីការក្រសួង នៅថ្ងៃទី ១៧ កញ្ញា លោក ឯម ច័ន្ទមករា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាអគ្គលេខាធិការក្រុមប្រឹក្សាសកម្មភាពជនពិការ បានមានប្រសាសន៍ថា យោងតាមរបាយការណ៍ នៃការអង្កេតប្រជាសាស្ត្រ និងសុខភាពរបស់វិទ្យាស្ថានជាតិស្ថិតិ នៃក្រសួងផែនការឆ្នាំ ២០២១-២០២២ បានបង្ហាញថា ក្នុងចំណោមប្រជាជនដែលមានអាយុចាប់ពី ៥ ឆ្នាំឡើង មានចំនួនសរុប ១៤ ១០២ ០៥២ នាក់ ក្នុងនោះជនមានពិការភាពសរុបមានចំនួន ៣ ៤៤០ ៩០១ នាក់ ស្មើនឹង ២៤.៤%។ ក្នុងចំណោមនោះ មនុស្សគ-ថ្លង់ កម្ពុជាមានចំនួនសរុប ៩៥៨ ៩៣៨ នាក់ ស្មើនឹង ៦.៨% នៃជនមានពិការភាពសរុប។
លោករដ្ឋលេខាធិការ បានបន្តថា មានមូលហេតុជាច្រើនដែលបណ្ដាលឲ្យកើតមានបញ្ហាគ-ថ្លង់ រួមមាន ការកើតមានជំងឺមុន និងក្រោយសម្រាល កំឡុងពេលមានផ្ទៃពោះ ការបង្ករោគ ការប្រើប្រាស់ឱសថមិនបានត្រឹមត្រូវ កង្វះអុកស៊ីសែននៅពេលសម្រាល ឬមានការរបួសប្រព័ន្ធសោតវិញ្ញាណ ឬប្រព័ន្ធបញ្ជានិយាយដោយសារគ្រោះថ្នាក់ផ្សេងៗ ការប្រើប្រាស់ឧបករណ៍បំពងសំឡេងខ្លាំងហួស មានគភ៌ពេលអាយុកាន់តែចាស់។
លោករដ្ឋលេខាធិការ បានបន្តទៀតថា មនុស្សគ-ថ្លង់ អាចចំណាយជីវិតដ៏មានន័យរបស់ពួកគេបានដោយសារប្រើប្រាស់ភាសាសញ្ញានេះឯង សម្រាប់ទទួលបានការអប់រំ ការងារ ការចូលរួមក្នុងនយោបាយ និងនៅគ្រប់សកម្មភាពផ្សេងៗទៀត នៃជីវិតប្រចាំរបស់ពួកគេ។ ប៉ុន្តែតាមការស្រាវជ្រាវ ភាសាសញ្ញា គឺត្រូវបានប្រើប្រាស់តាមប្រទេសនីមួយៗដោយខ្លួនឯងពោលគឺត្រូវពុំបានទទួលស្គាល់ជាភាសាសកលនៅឡើយ។
លោករដ្ឋលេខាធិការ បានបន្ថែមថា «មនុស្សគ-ថ្លង់មួយចំនួនធំ រស់នៅក្នុងពិភពលោក មិនសុទ្ធតែមានឱកាសទទួលបានការសិក្សារៀនសូត្រ និងប្រើប្រាស់ភាសាសញ្ញានៅគ្រប់ដំណាក់កាល នៃជីវិតរបស់ពួកគេឡើយ ប៉ុន្តែការប្រើកាយវិការទំនាក់ទំនងត្រូវបានប្រើប្រាស់ក្នុងចំណោមមនុស្សគ-ថ្លង់ យល់លឿនជាងភាសាសញ្ញា»។
លោករដ្ឋលេខាធិការ បានរំលឹកថា នៅឆ្នាំសិក្សា ២០២១-២០២២ កន្លងមកនេះ សិស្សគ-ថ្លង់ចំនួន ១២ នាក់ (ស្រី ០៦ នាក់) បានទទួលជោគជ័យក្នុងសម័យប្រឡងសញ្ញាបត្រមធ្យមសិក្សាទុតិយភូមិ។ ប្រការនេះ បានបង្ហាញអំពីវឌ្ឍនភាព និងសមត្ថភាព របស់សិស្សគ-ថ្លង់ ដែលមានសិទ្ធិទទួលបានការអប់រំស្មើគ្នា ប្រកួតប្រជែងដូចគ្នា ដូចសិស្សមិនមានពិការភាពផងដែរ។ កុមារ គ -ថ្លង់ មានចំនួន ៥៧៧ នាក់ (ស្រី ២៤២ នាក់) បាននិងកំពុងសិក្សានៅថ្នាក់សមាហរណកម្ម និងកម្រិតបឋមសិក្សា។ នៅថ្នាក់មហាវិទ្យាល័យមាននិស្សិត គ-ថ្លង់ ចំនួន ៤២ នាក់ កំពុងសិក្សា ហើយបានបញ្ចប់ការសិក្សាថ្នាក់បរិញ្ញាបត្រ ចំនួន ១៧ រូប (ស្រី ៣ នាក់)។ ទន្ទឹមនេះសិស្សគ-ថ្លង់ក៏បាននិងកំពុងបម្រើការងារនៅតាមភោជនីយដ្ឋាន និងវិស័យឯកជននានាប្រមាណ ១៨០ នាក់ (ស្រី ៧២ នាក់)។
លោករដ្ឋលេខាធិការ បានបញ្ជាក់ថា «ក្នុងបរិការណ៍ និងកាលៈទេសៈរបៀបនេះ ជាចាំបាច់ណាស់ឲ្យយើងទាំងអស់គ្នារួមគ្នាគិត រួមគ្នាធ្វើ និងមានការចូលរួមពីគ្រប់ភាគីពាក់ព័ន្ធប្រកបដោយឆន្ទៈ និងការទទួលខុសត្រូវខ្ពស់។ ការលើកកម្ពស់ និងពង្រឹងសិទ្ធិជាមូលដ្ឋានរបស់ជនមានពិការភាពជាគោលដៅអាទិភាព នៃគោលនយោបាយសង្គមកិច្ចរបស់រាជរដ្ឋាភិបាល»។
លោក ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា សូមអំពាវនាវដល់គ្រប់ភាគីទាំងអស់ បន្តយកចិត្តទុកដាក់ លើកស្ទួយសុខុមាលភាពជនមានពិការភាព ពិសេសមនុស្សគ-ថ្លង់នៅកម្ពុជា ដោយប្រែក្លាយផែនការយុទ្ធសាស្ត្រជាតិស្ដីពីពិការភាព និងឯកសារគតិយុត្តិ ទាំងឡាយពាក់ព័ន្ធនឹងពិការភាពឲ្យក្លាយជាការពិត។
លោករដ្ឋមន្ត្រី បានបន្តថា «ជារួមការវិនិយោគជាមួយជនមានពិការភាពលើការអប់រំ បណ្ដុះបណ្ដាល ជំនាញ គឺជាទុនដ៏សំខាន់សម្រាប់ផ្តល់ធនធានមនុស្ស ការលើកកម្ពស់ និងជំរុញឲ្យជនមានពិការភាពមានលទ្ធភាពទទួលបានការងារ មុខរបរ មានប្រាក់កម្រៃកាន់តែប្រសើរឡើង ពិសេសគឺអាចរស់នៅបានដោយឯករាជ្យប្រកបដោយភាពសុខដុមរមនា»៕
អត្ថបទ ៖ សំអឿន
ខេត្តកោះកុង កំពុងមានចំណាប់អារម្មណ៍ពីអ្នកវិនិយោគ និងត្រូវការកម្លាំងពលកម្មច្រើន
អ្នកនាំពាក្យ ៖ មន្ត្រីរាជការ អាចស្នើធ្វើប័ណ្ណ ប.ស.ស ជូន ប្ដី ឬ ប្រពន្ធ និង កូន ក្នុងបន្ទុក ដោយមិនបង់វិភាគទានទេ
រដ្ឋបាលសង្កាត់ភ្លើងឆេះរទេះសហការជាមួយក្រុមហ៊ុនប្រមូលសំរាមផ្លាស់ប្តូរធុងសំរាមថ្មី១៨ធុង
ភាពអត់ឃ្លាន និង ការគំរាមកំហែងបង្ខំឱ្យគ្រិស្តបរិស័នៅមីយ៉ាន់ម៉ាប្ដូរមកកាន់ព្រះពុទ្ធសាសនា
អ៊ីស្រាអែលលក់ប្រព័ន្ធការពារដែនអាកាសនិងមីស៊ីលតម្លៃជិត៦០០លានដុល្លារដល់ស្លូវ៉ាគី
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
ករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន
ក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
តុលាការផ្ដន្ទាទោស ជនដៃដល់ ស្រី ស៊ីណា វ័យ៥១ឆ្នាំ ដាក់ពន្ធនាគារ ៣១ ឆ្នាំ និងសងសំណងជូនអ្នកស្លាប់២លានដុល្លារ និងអ្នករងរបួស៥០ម៉ឺនដុល្លារ
ស្ត្រីអ្នកលក់ភេសជ្ជៈម្នាក់ត្រូវជនមិនស្គាល់មុខវាយសម្លាប់ទាំងព្រឹក
-
ព័ត៌មានជាតិ៤ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៤ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ចរាចរណ៍៣ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
នយោបាយ១ សប្តាហ៍ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ព័ត៌មានជាតិ១ សប្តាហ៍ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
សន្តិសុខសង្គម៤ ម៉ោង agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ព័ត៌មានអន្ដរជាតិ១ សប្តាហ៍ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៦ ថ្ងៃ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ