ព័ត៌មានជាតិ
លោកស្រី អ៊ឹម រចនា៖ មនុស្សជាតិសុទ្ធតែត្រូវការអាហារ ១ ថ្ងៃ ៣ ពេល ត្រូវគិតគូរពីសុវត្ថិភាពផលិត
លោកស្រី អ៉ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានពន្យល់ថា ការផលិតចំណីអាហារ និងមុខម្ហូបកែច្នៃរបស់សហគ្រាសចាំបាច់ណាស់ត្រូវគិតគូរនិងយកចិត្តទុកដាក់ខ្ពស់អំពីសុវត្ថិភាពចំណីអាហារឱ្យបានត្រឹមត្រូវ ព្រោះវាមានសារៈសំខាន់ដល់សុខភាពមនុស្សគ្រប់រូប។
នៅក្នុងការដឹកនាំអ្នកសារព័ត៌មានទស្សនកិច្ចសហគ្រាសជលផលក្រោយប្រមូលផលនៅតាមបណ្ដារាជធានី-ខេត្តចំនួន ៣ ដែលទទួលបានការគាំទ្រពីគម្រោង CAP-Fish លោកស្រី អ៉ឹម រចនា បានចង្អុលបង្ហាញថា ការគិតគូរទៅដល់សុវត្ថិភាពម្ហូបអាហារ គឺពិតជាមានសារៈសំខាន់ណាស់សម្រាប់សុខភាពរបស់មនុស្សគ្រប់រូប ព្រោះមនុស្សជាច្រើននៅក្នុងពិភពលោក សុទ្ធតែត្រូវការអាហារ ១ ថ្ងៃ ៣ ពេលមិនអាចខ្វះបាន។
លោក ស្រី បានគូសបញ្ជាក់ថា «ករណីនេះ រដ្ឋបាលជលផលបានសហការជាមួយ CAP FISH-Capture គម្រោងអភិវឌ្ឍន៍ជលផលក្រោយប្រមូលផល អនុវត្តរួមគ្នាដោយ FiA និង UNIDO ក្រោមសហហិរញ្ញប្បទានពីសហភាពអឺរ៉ុប ជំរុញឱ្យដៃគូពាក់ព័ន្ធផលិតម្ហូបអាហារឱ្យមានសុវត្ថិភាព មានស្តង់ដារ លក់ក្នុងតម្លៃសមរម្យ ឱ្យអ្នកប្រើប្រាស់មានលទ្ធភាពទិញបរិភោគ ដើម្បីកាត់បន្ថយការចំណាយ ទើបអាចប្រកួតប្រជែងនៅលើទីផ្សារជាតិ និងអន្តរជាតិ»។
លោក ពុំ សុថា ប្រតិភូរាជរដ្ឋាភិបាលទទួលបន្ទុកជាអគ្គនាយករដ្ឋបាលជលផលបានថ្លែងដែរថា ដើមចមដែលរដ្ឋបាលជលផលសហការជាមួយអង្គការ UNIDO ផលិតអាហារសុវត្ថិភាពលក់នៅលើទីផ្សារជាតិ និងអន្តរជាតិក៏ដើម្បីជាផ្នែកមួយជួយពង្រឹងវិស័យឯកជន និងគិតពីសុខភាពរបស់អ្នកប្រើប្រាស់។
បច្ចុប្បន្ននេះ មានសហគ្រាសចំនួន ២៨ ដែលបានចូលរួមអនុវត្តក្នុងគម្រោងនេះ ដែលក្នុងនោះមានសហគ្រាសចំនួន ៨ ទទួលបានវិញ្ញាបនបត្របញ្ជាក់គុណភាព CQS ពេញលេញ និងសហគ្រាសចំនួន ៤ ទទួលបានវិញ្ញាបនបត្របញ្ជាក់គុណភាព CQS ខណៈសហគ្រាសចំនួន ៦ ទៀត បានស្នើសុំចុះពិនិត្យវាយតម្លៃ ដើម្បីទទួលបានវិញ្ញាបនបត្រ CQS ពីសំណាក់ FiA/DFPTQ ។
ទៀតសោត រដ្ឋបាលជលផល និងក្រសួងកសិកម្មក៏បានយកចិត្តទុកដាក់នៅក្នុងការផ្តល់ពូជល្អ កាត់បន្ថយថ្លៃដើម ចំណេញពេលវេលា ខណៈធនធានជលផលក្រោយប្រមូលផលពីធម្មជាតិ និងផលដែលទទួលបានពីវារីវប្បកម្ម ត្រូវបានរក្សា និងយកទៅកែច្នៃអាហារសុវត្ថិភាពបន្ថែមដើម្បីប្រកួតប្រជែងលើទីផ្សារជាតិ និងអន្តរជាតិ។
ដោយឡែក លោកបណ្ឌិត សេតធី ស៊ីថារ៉ាម៉ា ថមបាធូ ប្រធានទីប្រឹក្សាបច្ចេកទេសអង្គការយូនីដូ (UNIDO) មានប្រសាសន៍ថា ផលិតជនផលក្រោយប្រមូលផលស្តីពីអាហារសុវត្ថិភាព រួមមាន ត្រីឆ្អើរ ត្រីងៀត ទឹកត្រី និងបង្គាក្រៀម មានសារៈសំខាន់ណាស់ ក្នុងប្រកួតប្រជែងជាមួយផលិតផលក្នុងស្រុក និងប្រទេសជិតខាង។ ជាពិសេសអាហារសុវត្ថិភាពនេះ នឹងត្រូវយកទៅប្រកួតប្រជែងនៅលើទីផ្សារជាតិ អន្តរជាតិ រួមទាំងសហភាពអឺរ៉ុបផងដែរ៕
កម្ពុជា អាចជំនួសនៅពាន Asian Cup បើ FIFA ព្យួរ ប៉ាគីស្ថាន តម្កល់ទុក
យន្តហោះដឹកអ្នកដំណើរអាមេរិកមួយគ្រឿង បាត់ចេញពីរ៉ាដា មិនដឹងជោគវាសនាទៅជាយ៉ាងណា
យន្តហោះឈ្លបយកការណ៍របស់អាមេរិកធ្លាក់នៅភាគខាងត្បូងហ្វីលីពីន
ជំងឺផ្តាសាយបក្សីប្រភេទថ្មី ឆ្លងដល់សត្វគោយកទឹកដោះនៅសហរដ្ឋអាមេរិក បង្កក្តីបារម្ភខ្លាំង
ថៃសង្គ្រោះជនរងគ្រោះ៦១នាក់ពីកន្លែងឆបោកនៅមីយ៉ាន់ម៉ា
ភ្លើងឆេះព្រៃលើភ្នំសំពៅ បង្ខំឲ្យព្រះសង្ឃជម្លៀសព្រះកាយចេញរកកន្លែងសុវត្ថិភាព
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
មនុស្សស្និទ្ធនឹង កឹម សុខា សង្ស័យលើការសារភាពរបស់លោក សេង សារី
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
ផ្សារក្រមួន យូណាយ អាជីវករធ្លាប់លក់តែមួយព្រឹក ពេលនេះលក់ពេញមួយថ្ងៃ ពលរដ្ឋថា ពិបាកធ្វើដំណើរ
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ agoត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត