ព័ត៌មានជាតិ
តំណាងសហជីព នឹងបើកយុទ្ធនាការផ្សព្វផ្សាយស្ថានភាពការពិភាក្សាប្រាក់ឈ្នួលកម្មករឆ្នាំ ២០២៤
តំណាងភាគីសហជីព បានឲ្យដឹងថា សហជីព នឹងបើកយុទ្ធនាការផ្សព្វផ្សាយអំពីស្ថានភាពការពិភាក្សាប្រាក់ឈ្នួលកម្មករ ឆ្នាំ ២០២៤ ចំនួនពីរ ដែលមានតួលេខ ២០៤ ដុល្លារ និង ២០១៣ ដុល្លារ ដល់កម្មករនិយោជិតបានយល់ដឹងថា តើមូលហេតុអ្វីបានជាមានតួលេខពីរដូច្នេះសម្រាប់ប្រាក់ឈ្នួលកម្មករ ឆ្នាំ ២០២៤។
ថ្លែងក្រោយកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមាលើកទី ៥ នៅថ្ងៃទី ១៨ កញ្ញានេះ លោក គឹម ចាន់សំណាង អនុប្រធានក្រុមប្រឹក្សាជាតិប្រាក់ឈ្នួលអប្បបរមាអាណត្តិទី ៣ បានមានប្រសាសន៍ថា ក្នុងកិច្ចប្រជុំលើកទី ៥ នេះ តំណាងភាគីសហជីពបានដាក់តួលេខចំនួនពីរ គឺ ចំនួន២០៤ ដុល្លារ ដែលមានការឯកភាពពីសមាជិកចំនួន ១២ រូប និង ២០១៣ ដុល្លារ មានការឯកភាពពីសមាជិកចំនួន ៥ រូប។
លោកបានបន្តថា «ការទទួលបាននូវតួលេខពីរខុសគ្នានេះ ដោយសារភាគីសហជីពមានការគិត និងទឡ្ហីករណ៍ផ្សេងៗគ្នា មិនដូចភាគីនិយោជកមានការឯកភាពនូវតួលេខរួមគ្នានោះទេ»។
លោកបានបន្តថា សម្រាប់តួលេខ ២០៤ ដុល្លារ ដែលតំណាងសហជីពទាំង ១២ ស្នើសុំនេះ គឺមិនឲ្យលើសពីការប្រកួតប្រជែងទេ ព្រោះជាធម្មតាការដំឡើងប្រាក់ឈ្នួលស្ថិតនៅលើលក្ខណៈវិនិច្ឆ័យទាំង ៧ ដោយផ្តោតលើអតិផរណា និងការប្រកួតប្រជែងជាចំណុចសំខាន់។
លោកបានបន្ថែមថា «ក្នុងនាមសហជីពយើងនៅជាមួយកម្មករពិតប្រាកដ គឺដើម្បីឲ្យកម្មករមានការងារធ្វើកាន់តែច្រើនជាងមុន ពិសេសយើងមើលឃើញថា ស្ថានភាពបច្ចុប្បន្នមានរោងចក្រមួយចំនួនត្រូវបានព្យួរ ហើយបើយើងចេះតែបន្តទាមទារដំឡើងខ្ពស់ពេកពិបាកនឹងការប្រកួតប្រជែងជាមួយប្រទេសជិតខាងដែលពុំទាន់មានប្រទេសណាមួយមានគោលការណ៍ដំឡើងប្រាក់ឈ្នួលដូចកម្ពុជាយើងទេ។ ដូចនេះយើងត្រូវមើលពីទិដ្ឋភាពជាក់ស្ដែង បើយើងមិនគិតទេ នឹងមានក្រុមហ៊ុនមួយចំនួននឹងរើចេញពីកម្ពុជា ធ្វើឲ្យប៉ះពាល់ដល់ការងារកម្មករកាន់តែច្រើន»។
លោកបានបញ្ជាក់ថា ដើម្បីឲ្យកម្មករនិយោជិតបានយល់កាន់តែច្បាស់ ចាប់ពីពេលនេះទៅសហជីពនឹងបើកយុទ្ធនាការផ្សព្វផ្សាយអំពីស្ថានភាពការពិភាក្សាប្រាក់ឈ្នួលកម្មករ ឆ្នាំ ២០២៤ ចំនួនពីរ ដែលមានតួលេខ ២០៤ ដុល្លារ និង ២០១៣ ដុល្លារ ដល់កម្មករនិយោជិតបានយល់ដឹងថា តើមូលហេតុអ្វីបានជាមានតួលេខពីរដូច្នេះ សម្រាប់ប្រាក់ឈ្នួលកម្មករឆ្នាំ ២០២៤ ខណៈពីដំបូងបានទាមទារដំឡើងដល់ ២១៥ ដុល្លារ។
លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានឲ្យដឹងថា ក្រៅពីភាគីសហជីពដាក់តួលេខថ្មី ខាងភាគីរាជរដ្ឋាភិបាលបានដាក់តួលេខជាផ្លូវការដែរ គឺ ២០២ ដុល្លារ ខណៈភាគីនិយោជកបានដំឡើងដល់ ២០១,៥០ ដុល្លារ ដែលពីដំបូងដាក់ត្រឹម ២០១ ដុល្លារប៉ុណ្ណោះ។
យ៉ាងណាក៏ដោយ បើតាម លោក ហេង សួរ ត្រីភាគី នឹងជួបប្រជុំចុងក្រោយនៅថ្ងៃទី ២៨ កញ្ញាខាងមុខ ហើយក្នុងករណីមិនអាចរកឃើញតួលេខណាមួយទេ នឹងមានការបោះឆ្នោតសម្រេចយកតែម្ដង។
គួរបញ្ជាក់ថា ត្រីភាគី មានសមាជិកសរុបចំនួន ៥១ រូប ក្នុងនោះភាគីរដ្ឋាភិបាល ១៧ រូប ភាគីសហជីព ១៧ រូប និងភាគីនិយោជកមាន ១៧ រូប៕
អត្ថបទ ៖ សំអឿន
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៣ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ