ព័ត៌មានជាតិ
មន្ត្រីជំនាញ ដកហូតទំនិញចម្រុះខូចគុណភាព ជិត ១៣០ គីឡូក្រាម ពីទីផ្សារ
មន្ត្រីជំនាញ ចុះអង្កេតត្រួតពិនិត្យទំនិញចម្រុះគ្រប់ប្រភេទដែលដាក់លក់នៅលើទីផ្សារ រកឃើញទំនិញចម្រុះហួសកាលបរិច្ឆេទប្រើប្រាស់ ខូចគុណភាព ជាពិសេសប្រហិតចម្រុះពុំអនុលោមតាមបទដ្ឋានបច្ចេកទេសក្នុងការវេចខ្ចប់ សរុបចំនួន ១២៧.៨៣ គីឡូក្រាម។
នៅថ្ងៃទី ១៨-១៩ ខែកញ្ញា ឆ្នាំ ២០២៣ នេះ មន្ត្រីអធិការកិច្ចម្ហូបអាហារ ក.ប.ប. សាខាខេត្តតាកែវ កែប កំពង់ធំ សៀមរាប រតនគិរី បាត់ដំបង បានបន្តអនុវត្តភារកិច្ចរបស់ខ្លួនអនុលោមតាមច្បាប់ និងបទប្បញ្ញត្តិជាធរមាន ដោយចុះអង្កេត និងត្រួតពិនិត្យទំនិញចម្រុះគ្រប់ប្រភេទដាក់លក់នៅលើទីផ្សារ ក្នុងគោលបំណងបន្តគាំពារសុខុមាលភាព និងផលប្រយោជន៍ជូនប្រជាពលរដ្ឋ។
ជាមួយគ្នានេះ ជាលទ្ធផល មន្ត្រីជំនាញ បានត្រួតពិនិត្យការដាក់លក់ផលិតផលសម្រាប់ចិញ្ចឹមទារក និងកុមារ(ម្សៅទឹកដោះគោ) ឃើញថា អនុលោមតាមបញ្ញត្តិ នៃអនុក្រឹត្យលេខ ១៣៣ ស្ដីពីការផ្សព្វផ្សាយលក់ផលិតផលសម្រាប់ចិញ្ចឹមទារក និងកុមារ។
យ៉ាងណាមិញ មន្ត្រីជំនាញ ក៏បានរកឃើញទំនិញចម្រុះ រួមមាន ៖ ប៊ីចេង នំកូនក្មេង ចាហួយ សាប៊ូដុសខ្លួន ទឹកជ្រលក់ ហួសកាលបរិច្ឆេទប្រើប្រាស់ ខូចគុណភាព និងជាពិសេសប្រហិតចម្រុះពុំអនុលោមតាមបទដ្ឋានបច្ចេកទេសក្នុងការវេចខ្ចប់ សរុបចំនួន ១២៧.៨៣ គីឡូក្រាម ផងដែរ។
សូមបញ្ជាក់ថា ចំពោះទំនិញពុំមានអនុលោមភាពទាំងនោះ ត្រូវបានមន្ត្រីជំនាញ ដកហូត ដើម្បីបន្តនីតិវិធីនាពេលសមស្រប។ ក្នុងនោះ មន្ត្រីជំនាញ ក៏បានចែក បិទផ្ទាំងរូបភាពអប់រំផ្នែកម្ហូបអាហារ(Poster) អំពីរបៀបទុកដាក់ទំនិញ និងរបៀបមើលកាលបរិច្ឆេទប្រើប្រាស់ មុនទិញមក ឬ ដាក់លក់ផងដែរ៕
អត្ថបទ ៖ ពិសី
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក