ព័ត៌មានជាតិ
រដ្ឋបាលជលផល ខេត្តកំពង់ចាម រកឃើញអ្នកប្រព្រឹត្តល្មើសច្បាប់នេសាទចំនួន១៤នាក់
មន្ត្រីជំនាញ នៃខណ្ឌរដ្ឋបាលជលផលកំពង់ចាម បន្តចុះយុទ្ធនាការបង្ក្រាបបទល្មេីសនេសាទ និងរកឃេីញអ្នកដែលប្រព្រឹត្តល្មេីសច្បាប់ចំនួន១៤នាក់ និងបន្តវែកមុខអ្នកដែលប្រព្រឹត្តល្មេីសច្បាប់នេសាទបន្ថែមទៀត។

លោក អ៊ុក ណារិន នាយខណ្ឌ រដ្ឋបាលជលផល កំពង់ចាម បានប្រាប់ឱ្យដឹងថា លោក អ៊ុន ចាន់ដា អភិបាលខេត្តកំពង់ចាម បានបញ្ជាឱ្យមន្ត្រីជំនាញរដ្ឋបាលជលផល សហការ ជាមួយអាជ្ញាធរ មូលដ្ឋាន កងកម្លាំងសមត្ថកិច្ច ធ្វេីប្រតិបត្តិការចុះបង្ក្រាបបទល្មេីសនេសាទនៅតាមមូលដ្ឋានដែលជាតំបន់គោលដៅដែលមានប្រភពត្រីពងកូន ដូចជាទន្លេ បឹងបួរ ព្រែកជាដេីម។ លោកនាយខណ្ឌ បានបង្ហើបឱ្យដឹងទៀត ថា សមត្ថកិច្ច នឹងបន្តចុះបង្ក្រាបបទល្មេីសនេសាទដូចភ្លៀងរលឹម និងវែកមុខសញ្ញាដែលប្រព្រឹត្តល្មេីសច្បាប់នេសាទ ដេីម្បីបញ្ជូនទៅតុលាការ។

ជាមួយគ្នានេះ លោក អ៊ុក ណារិន ក៏បានគូសបញ្ជាក់ថា ការចុះបង្ក្រាបនៅតាមទីតាំងបទល្មេីសទាំងអស់នោះ គឺមានស្ថានភាពលក្ខណៈស្មុគស្មាញ និងលំបាកចូលទៅដល់ភ្លាមៗ។ លោកនាយខណ្ឌ ទទូចសុំឱ្យអាជ្ញាធរមូលដ្ឋានចូលរួមសហការរាយការណ៍ និងបង្ក្រាប។ លោក អ៊ុក ណារិនក៏បានទទូចឱ្យ ប្រជាពលរដ្ឋចូលរួមសហការទប់ស្កាត់ ការនេសាទខុសច្បាប់ ដេីម្បីរក្សាពូជត្រីបានច្រេីន។

យោងតាមរបាយការណ៍របស់ រដ្ឋបាលជនផលកំពង់ចាម បានបញ្ជាក់ឱ្យដឹងថា សកម្មភាព ចុះបង្ក្រាបទបល្មេីសនេសាទក្នុងរដូវបិតនេសាទនេះ សមត្ថកិច្ច បានបង្ក្រាបបានចំនួនជាង៨០ករណី ហេីយ ដែលបង្ក្រាបបទល្មេីសជាក់ស្តែង រួមមាន៖ លូស្បៃមុងជាង៦០០មាត់ របាំងស្បៃមុងចំនួន១៦៨៥០ម៉ែត្រ បង្គោលចំនួន៨៥៥៨ដេីម ហេីយបានប្រលែងកូនត្រីតូចចំរុះប្រមាណជាង៩០០គីឡូ ក្រាម រួមទាំងបានបញ្ជូនសំណុំរឿងមួយករណីបញ្ជូនទៅតុលាការផងដែរ៕
អត្ថបទនិងរូបភាព៖ ឡេក ចាន់ពេជ្រ





-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ