ព័ត៌មានជាតិ
ក្នុង១ម៉ោងក្រុមហ៊ុនទឹកស្អាតស្រុកស្រែអំបិល បញ្ចេញទឹកស្អាតពី៧០ទៅ៨០ម៉ែត្រគីប
កោះកុង ៖ តំណាងក្រុមហ៊ុនទឹកស្អាតនៅស្រុកស្រែអំបិល ខេត្តកោះកុង លើកឡើងថា អំឡុងពេលរដូវវស្សាបែបនេះ ក្នុង១ម៉ោងក្រុមហ៊ុនបញ្ចេញទឹកស្អាតជូនទៅតាមខ្នងផ្ទះប្រជាពលរដ្ឋចាប់ពី៧០ទៅ៨០ម៉ែត្រគីប។
ស្របពេលអំឡុងខែវស្សានេះ បរិមាណនៃការប្រើប្រាស់ទឹកស្អាតរបស់ក្រុមហ៊យពីសំណាក់ពលរដ្ឋរស់នៅក្នុងស្រុកស្រែអំបិលពុំច្រើនដូចពេលរដូវប្រាំងនោះទេ ពោលគឺពី៧០ទៅ៨០ម៉ែត្រគីប ប៉ុន្តែខែប្រាំងវិញអាចបញ្ចេញបរិមាណទឹករហូតដល់១០០ម៉ែត្រគីបឯណោះ។
នេះបើតាមការបញ្ជាក់របស់លោកស្រី ហ៊ិន កែវសុគន្ធា តំណាងក្រុមហ៊ុនទឹកស្អាតស្រែអំបិល។ ចំនួនអ្នកប្រើប្រាស់ទឹកស្អាតនៅក្នុងមូលដ្ឋានស្រុកមួយនេះកាន់តែច្រើន១ឆ្នាំទៅ១ឆ្នាំ ខណៈទឹកស្អាតមានសុវត្ថិភាព ជៀសទឹកដឹកតាមរថយន្ត ឬទឹកអណ្តូង។
ដើម្បីផ្តល់ទំនុកចិត្ត និងបំពេញតម្រូវការដល់ប្រជាពលរដ្ឋប្រើប្រាស់ ក្រុមហ៊ុនទឹកស្អាតស្រែអំបិល បានកំពុងពង្រីកបណ្តាញទឹកស្អាតទៅកាន់ប្រវែង១៣គីឡូម៉ែត្រទៅភូមិចំនួន៦ ក្នុងឃុំជ្រោយស្វាយ ឆ្លើយតបតាមផែនការមេរបស់ខ្លួន។
បច្ចុប្បន្នឃុំដែលមានទឹកស្អាតប្រើប្រាស់គ្រប់គ្រាន់ គឺឃុំស្រែអំបិល និងឃុំបឹងព្រាវ ដែលមានចំនួនប្រជាពលរដ្ឋសរុបប្រមាណ១.២០០គ្រួសារ ចំពោះការបង់សេវាថ្លៃទឹកស្អាត ត្រូវបានលោកស្រី ហ៊ិន កែវសុគន្ធា ក៏ស្នើសុំដល់ប្រជាពលរដ្ឋមួយចំនួនតូចដែលគេចវេះមិនចូលរួមបង់ថ្លៃសេវាសូមចូលរួមបង់ ព្រោះការចូលរួមបែបនេះដើម្បីឱ្យក្រុមហ៊ុនមានលទ្ធភាពបន្តអភិវឌ្ឍន៍បណ្តាញទឹកស្អាតចែកចាយជូនប្រកបដោយការទទួលខុសត្រូវ។
លោកអ៊ុំ ស៊ី តាវ និងអ្នកស្រី ម៉េង គួយ ជាប្រជាពលរដ្ឋឃុំបឹងព្រាវ យល់ឃើញថា ការប្រើប្រាស់ទឹកស្អាតតាមទុយោរបស់ក្រុមហ៊ុនទឹក មានសុវត្ថិភាពល្អ សម្រាប់ការដាំស្ល បោកសំលៀកបំពាក់ និងធ្វើអ្វីៗផ្សេងៗទៀត។
តំណាងប្រជាពលរដ្ឋដដែល អះអាងថា ក្នុង១ខែៗពួកគាត់ប្រើប្រាស់ទឹកស្អាតអស់២ទៅ៣ម៉ឺ0នរៀលប៉ុណ្ណោះតាមការប្រើតិចឬច្រើន ពិសេសតាមខែវស្សា និងខែប្រាំង។ ពេលមិនទាន់មានទឹកស្អាត ពួកគាត់បង្ខំចិត្តទិញទឹកតាមរថយន្តដែលចំណាយថវិកាច្រើនជាងទឹកស្អាត។
មិនពិបាកដូចមុនទេ ចំពោះរាល់ការបង់សេវាថ្លៃប្រើប្រាស់វិញ គឺមិនដែលខាតខានទេ ជួនកាលបង់តាមប្រព័ន្ធQR Code និងបង់ផ្ទាល់ដៃពេលបុគ្គលិកផ្តល់វិក្កយបត្រដល់ផ្ទះ។ ពលរដ្ឋសង្ឃឹមថា ក្រុមហ៊ុនទឹកស្អាតស្រែអំបិល នឹងបង្កើនការពង្រីកបណ្តាញទឹកស្អាតកាន់តែច្រើនដល់ពលរដ្ឋដែលមិនទាន់មានទឹកស្អាតប្រើ ដោយឆ្លើយតបទៅនឹងគោលនយោបាយរបស់រាជរដ្ឋាភិបាលអំពីការលើកកម្ពស់សុខភាពតាមរយៈការប្រើប្រាស់ទឹកស្អាតឱ្យបានគ្រប់ៗគ្នា៕
អត្ថបទ ៖ សិរីវឌ្ឍនៈ
ខេត្តកោះកុង កំពុងមានចំណាប់អារម្មណ៍ពីអ្នកវិនិយោគ និងត្រូវការកម្លាំងពលកម្មច្រើន
អ្នកនាំពាក្យ ៖ មន្ត្រីរាជការ អាចស្នើធ្វើប័ណ្ណ ប.ស.ស ជូន ប្ដី ឬ ប្រពន្ធ និង កូន ក្នុងបន្ទុក ដោយមិនបង់វិភាគទានទេ
រដ្ឋបាលសង្កាត់ភ្លើងឆេះរទេះសហការជាមួយក្រុមហ៊ុនប្រមូលសំរាមផ្លាស់ប្តូរធុងសំរាមថ្មី១៨ធុង
ភាពអត់ឃ្លាន និង ការគំរាមកំហែងបង្ខំឱ្យគ្រិស្តបរិស័នៅមីយ៉ាន់ម៉ាប្ដូរមកកាន់ព្រះពុទ្ធសាសនា
អ៊ីស្រាអែលលក់ប្រព័ន្ធការពារដែនអាកាសនិងមីស៊ីលតម្លៃជិត៦០០លានដុល្លារដល់ស្លូវ៉ាគី
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
ករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន
ក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
តុលាការផ្ដន្ទាទោស ជនដៃដល់ ស្រី ស៊ីណា វ័យ៥១ឆ្នាំ ដាក់ពន្ធនាគារ ៣១ ឆ្នាំ និងសងសំណងជូនអ្នកស្លាប់២លានដុល្លារ និងអ្នករងរបួស៥០ម៉ឺនដុល្លារ
ស្ត្រីអ្នកលក់ភេសជ្ជៈម្នាក់ត្រូវជនមិនស្គាល់មុខវាយសម្លាប់ទាំងព្រឹក
-
ព័ត៌មានជាតិ៤ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៤ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ចរាចរណ៍៣ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
នយោបាយ១ សប្តាហ៍ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ព័ត៌មានជាតិ១ សប្តាហ៍ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
សន្តិសុខសង្គម៤ ម៉ោង agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ព័ត៌មានអន្ដរជាតិ១ សប្តាហ៍ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៦ ថ្ងៃ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ