ព័ត៌មានជាតិ
សាលារៀននៅភ្នំពេញ២កន្លែងមិនអនុញ្ញាតឲ្យបើកឡើងវិញទេ
ភ្នំពេញ៖លោក រស់ សុវាចារ អ្នកនាំពាក្យក្រសួងអប់រំ យុវជន និងកីឡាបានមានប្រសាសន៍ថា សាលារៀននៅរាជធានីភ្នំពេញចំនួន២កន្លែង សម្រាប់ធ្វើចត្តាឡីស័កអ្នកដំណើរដែលវិលត្រឡប់មកពីក្រៅប្រទេសនោះ មិនត្រូវបានអនុញ្ញាតឲ្យបើកដំណើរការឡើងវិញនៅក្នុងដំណាក់ទី៣នេះទេ។

សាលារៀន២កន្លែងនោះទី១ គឺអនុវិទ្យាល័យពោធិចិនតុងនិងទី២សាលាបុរី១០០ខ្នងដែលមានសិស្សប្រមាណ២ពាន់នាក់ហើយសិស្សានុសិស្សទាំងនោះក្រសួងបានប្តូរទៅរៀននៅតាមសាលាផ្សេងរួចហើយនៅក្នុងដំណាក់កាលទី៣នេះ។
លោកបន្តទៀតថាចំពោះសាលារៀនមួយចំនួនដែលស្ថិតនៅតាមបណ្តាខេត្តដែលរៀបចំជាកន្លែងធ្វើចត្តាឡីស័កសម្រាប់ពលករចំណាកស្រុក និងអ្នកធ្វើដំណើរមកពីក្រៅប្រទេសស្នាក់នៅនៅតែអាចបើកដំណើរឡើងវិញបានដដែល។
ថ្លែងនៅក្នុងសន្និសីទកាសែតស្តីពីការបើកដំណើរការឡើងវិញដំណាក់កាលទី៣នៅទីស្តីការក្រសួង ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាបានបញ្ជាក់ថា«សាលានៅតាមខេត្តមិនមានបញ្ហាចោទទេ។ ប៉ុន្តែនៅរាជធានីភ្នំពេញ មានសាលារៀនចំនួន២ ដែលជាប់ចត្តាឡីស័ក។ អ៊ីចឹងកន្លងមកនេះយើងបានសហការជាមួយនឹងសាលារាជធានីភ្នំពេញដើម្បីអាចឲ្យសិស្សរៀននៅសាលាផ្សេងទៀត។ យើងនឹងមិនយកសាលាពីរនេះធ្វើជាបញ្ហាមិនឲ្យបើកដំណើរការឡើងវិញក្នុងដំណាក់កាលទី៣ឡើយ»។
លោករដ្ឋមន្រី្តអប់រំបានបញ្ជាក់ថា នៅថ្ងៃអនាគតសាលារាជធានីភ្នំពេញនឹងមិនជ្រើសរើសសាលារៀនធ្វើជាកន្លែងធ្វើចត្តាឡីស័កទៀតឡើយដោយជ្រើសរើសនៅកន្លែងផ្សេងវិញ។ លោករដ្ឋមន្ត្រីបានអះអាងថា បើកាលណាសាលាណាមួយមានផ្ទុះនៅករណីអ្នកឆ្លងជំងឺកូវីដ-១៩ថ្មី សាលារៀននោះនឹងត្រូវបិទបណ្តោះអាសន្ន។
បច្ចុប្បន្នក្រសួងសុខាភិបាលបានកំណត់កន្លែងចត្តាឡីស័កដែលឲ្យពលករ និងអ្នកធ្វើដំណើរពីក្រៅប្រទេសស្នាក់នៅរយៈពេល១៤ថ្ងៃ នៅតាមសាលារៀន មណ្ឌលកងទ័ពជើងអាកាស សណ្ឋាគារមួយចំនួននៅរាជធានីភ្នំពេញ។
គួរបញ្ជាក់ថាក្រសួងអប់រំបានបើកដំណើរការសាលារៀនឡើងវិញដំណាក់កាលទី៣ដែលជាការបើកសាលានៅគ្រប់កម្រិតនៅទូទាំងប្រទេសចាប់ពីថ្ងៃទី២ខែវិច្ឆិការហូតដល់ដំណាច់ខែធ្នូឆ្នាំ២០២០នេះ៕
អត្ថបទ៖ សំអឿន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ