ព័ត៌មានជាតិ
ការផ្សព្វផ្សាយរូបសម្ដេច ហ៊ុន ម៉ាណែត តាមដងវិថីនាទីក្រុងញូវយ៉ក គឺមិនអស់លុយឡើយ
ការផ្សព្វផ្សាយរូបភាពរបស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា តាមដងវិថីនៅក្នុងទីក្រុងញូវយ៉ក អំឡុងពេលចូលរួមមហាសន្និបាតអង្គការសហប្រជាជាតិ គឺមិនមានគិតថ្លៃនោះទេ តែជាក្ដីស្រឡាញ់របស់យុវជនខ្មែរម្នាក់ ដែលធ្វើការនៅក្រុមហ៊ុនផ្សព្វផ្សាយនោះ ឱ្យជួយចាត់ចែងផ្សាយ។

បើតាមលោក សុទ្ធ ដាវីដ ការផ្សព្វផ្សាយរូបសម្តេចធិបតី ហ៊ុន ម៉ាណែត នៅទឹកដីសហរដ្ឋអាមេរិកនេះ គឺជាការសម្តែងការគាំទ្ររបស់លោកចំពោះមេដឹកនាំកម្ពុជា។ អ្វីដែលលោក សុទ្ធ ដាវីដ បានធ្វើ គឺជាទឹកចិត្ត និងសណ្តានចិត្តរបស់គាត់សុទ្ធសាត ពិសេសបានផ្តល់នូវការគាំទ្ររបស់ខ្លួនចំពោះសម្តេចធិបតី ក៏ដូចជារាជរដ្ឋាភិបាលកម្ពុជា។
លោក សុទ្ធ ដាវីដ ជាពលរដ្ឋខ្មែររស់នៅសហរដ្ឋអាមេរិក ដែលបានបំពេញការងារនៅក្នុងក្រុមហ៊ុន Billboard ដែលជាក្រុមហ៊ុនរបស់អាមេរិក ហើយលោក ដាវីដ ជាបុគ្គលសំខាន់នៃក្រុមហ៊ុននេះ។ ដោយមានស្មារតីជាតិនិយម លោក សុទ្ធ ដាវីដ បានសម្របសម្រួល រហូតដល់ថៅកែរបស់ខ្លួន បានផ្តល់នូវការគាំទ្រ ហើយសម្រេចឱ្យផ្សព្វផ្សាយរូបរបស់សម្តេចធិបតី ហ៊ុន ម៉ាណែត ដោយមិនគិតថ្លៃតែម្តង។

ការចេញមកបញ្ជាក់ខាងលើនេះ គឺបន្ទាប់ពីមានការផ្សព្វផ្សាយចោទប្រកាន់ដោយគ្មានមូលដ្ឋានពីសំណាក់ក្រុមអ្នកប្រឆាំងជ្រុលនិយម ថា បានចំណាយថវិការាប់សិបម៉ឺនក្នុងការជួលក្រុមហ៊ុន Billboard ដើម្បីផ្សព្វផ្សាយរូបរបស់សម្តេចធិបតី ហ៊ុន ម៉ាណែត នៅតាមដងវិថីនាទីក្រុងញូវយ៉ក សហរដ្ឋអាមេរិក។
សម្ដេចធិបតី ហ៊ុន ម៉ាណែត បានអរគុណចំពោះលោក សុទ្ធ ដាវីដ ដោយបានសម្របសម្រួលជាមួយនឹងក្រុមហ៊ុនផ្សាយពាណិជ្ជកម្ម ដែលខ្លួនកំពុងធ្វើការជាមួយ ដើម្បីផ្សព្វផ្សាយអំពីរូបភាពស្វាគមន៍ដល់រូបសម្ដេច នៅលើ Billboard តាមតំបន់សំខាន់ៗមួយចំនួននៅទីក្រុង ញូយ៉ក ជាពិសេសនៅ Time Square ដោយឥតគិតថ្លៃ និងដោយមិនមានការស្នើសុំពីអ្នកណា។

សម្ដេចធិបតី ចាត់ទុកថា នេះគឺជាទឹកចិត្តដ៏ប្រពៃរបស់លោក សុទ្ធ ដាវីដ សម្រាប់រូបសម្ដេចផ្ទាល់ ក៏ដូចជារាជរដ្ឋាភិបាលកម្ពុជា ហើយក៏បានអរគុណចំពោះក្រុមហ៊ុនផ្សាយពាណិជ្ជកម្មតាម Billboard ដែលបានជួយផ្សាយដោយឥតគិតថ្លៃចំពោះសារស្វាគមន៍នេះផងដែរ៕
ដោយ៖ ធឿន វ៉ាន់សុង

-
ព័ត៌មានជាតិ៤ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៤ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១៣ ម៉ោង ago
បាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានជាតិ៣ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ព័ត៌មានអន្ដរជាតិ៣ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ចរាចរណ៍៥ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៥ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ២ ថ្ងៃ ago
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ