ព័ត៌មានជាតិ

ខេត្តកណ្តាលជាប់ដងទន្លេ មានកោះសរុប ២៥ ស្គាល់ឈ្មោះកោះណាខ្លះ?

បានផុស

២ years មុន

នៅ

ថ្ងៃពុធ ២៧ កញ្ញា ២០២៣

ដោយ

ខេត្តកណ្ដាលមានភូមិសាស្រ្តហ៊ុំព័ទ្ធរាជធានីភ្នំពេញ។ ដោយសារមានទីតាំងជាប់ដងទន្លេ សំបូរដំណាំដាំដុះជាពិសេសបន្លែបង្ការ ខេត្តកណ្តាលដែលនៅមិនឆ្ងាយពីរាជធានីភ្នំពេញក៏មានកោះធម្មជាតិមួយចំនួន ដុះលាតសន្ធឹងតាមបណ្ដោយដងទន្លេមេគង្គ ទន្លេសាប និងទន្លេបាសាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នូវប៉េង ច័ន្ទតារា អភិបាលរងខេត្តកណ្តាលបានឲ្យកម្ពុជាថ្មីដឹងថា ខេត្តកណ្ដាលមានកោះសរុបចំនួន ២៥។ ជាមួយចំនួនកោះជាច្រើន បើតាមមន្រ្តីខេត្តរូបនេះមានកោះមួយចំនួនក៏មិនទាន់បានកំណត់ឈ្មោះហៅជាផ្លូវការនោះដែរ។

លោកអភិបាលរងខេត្តកណ្តាលលើកពីបណ្តាកោះស្ថិតនៅនៅក្នុងខេត្តកណ្តាល។ ដូចជានៅមេគង្គលើមានកោះឧកញ៉ាតី កោះតាង កោះខ្សាច់ និងកោះចិន។ មេគង្គក្រោមមាន កោះមាស កោះតេជោ កោះចំរើន កោះកន្ធាយ កោះស្នេហ៍ កោះទឹកឃ្លាំង និងកោះមួយចំនួនទៀតមិនទាន់មានឈ្មោះ។

តាមដងទន្លេបាសាក់មានកោះអន្លង់ចិន កោះគរ កោះខ្សាច់ទន្លា កោះថ្មី កោះឈើខ្មៅ កោះហ៊ីង កោះវាំងកែវអណ្តែត កោះសង្សារ កោះកែត។ តាមដងទន្លេសាប មានកោះចិន។

ខេត្តកណ្តាលបែងចែកតំបន់រដ្ឋបាលគ្រប់គ្រងមាន ១០ ស្រុក ៣ ក្រុង (ទើបបង្កើតថ្មីចំនួនពីរទៀតគឺក្រុងអរិយក្សត្រ និងក្រុងសំពៅពូន) មាន១០១ ឃុំ ២៦ សង្កាត់ និង ១ ០១០ ភូមិ ជាមួយចំនួនប្រជាពលរដ្ឋរស់នៅប្រមាណ ១ លាន ៣ សែននាក់៕ GDP សម្រាប់មនុស្សម្នាក់ក្នុងឆ្នាំ ២០២២ មានចំនួន ២ ០៦៤ ដុល្លារ ខណៈអត្រាភាពក្រីក្រពលរដ្ឋមានត្រឹម ៣.៦៨ %៕