ព័ត៌មានជាតិ
សមត្ថកិច្ចខេត្តកំពង់ចាម ឃាត់ខ្លួនក្មេងបង្ហោះម៉ូតូ ២នាក់ យកមកអប់រំ និងឱ្យសំពះសូមទោសម្តាយ
កងកម្លាំងសមត្ថកិច្ចនៃស្នងការនគរបាលខេត្តកំពង់ចាម បានឃាត់ខ្លួនក្មេងទំនើង២នាក់ ដែលបានផ្សព្វផ្សាយវីដេអូបង្ហោះម៉ូតូរបស់ខ្លួននៅក្នុងវត្តអារាមនៅលើហ្វេសប៊ុក យកមកអប់រំណែនាំ និងបានឱ្យក្រាបសំពះសូមទោសម្តាយនូវទង្វើដែលបានធ្វើ។

បន្ទាប់ពីទទួលបានព័ត៌មានពីព្រះសង្ឃ និងពលរដ្ឋ នៅថ្ងៃទី២៥ ខែកញ្ញា ឆ្នាំ២០២៣ លោក ឯក ប៉ាន់ដន អធិការនគរបាលស្រុកកំពង់សៀមក្រោមបញ្ជារបស់លោក ហេង វុទ្ធី ស្នងការនគរបាលខេត្តកំពង់ចាម បានចាត់តាំងកម្លាំងជំនាញបើកកិច្ចប្រតិបត្តិការស្រាវជ្រាវរកឃើញថា មុខសញ្ញាដែលបាធ្វើសកម្មភាពបង្ហោះម៉ូតូខាងលើ គឺមានឈ្មោះ គីវ ប៊ុនរិទ្ធ ភេទប្រុស អាយ១៧ឆ្នាំ ជាតិខ្មែរ មុខររបរកម្មករសំណង់ មានទីលំនៅភូមិឡឥដ្ឋ សង្កាត់បឹងកុក ក្រុងកំពង់ចាម ខេត្តកំពង់ចាម។ បុរសខាងលើជាមុខសញ្ញាដែលធ្លាប់បានធ្វើសកម្មភាពបង្ហោះម៉ូតូ កាលពីថ្ងៃទី០៧ ខែកក្កដា ឆ្នាំ២០២៣ នៅក្នុងបរិវេណវត្តឥន្ទខីលារាម ថ្មគោល ចំនួន០១លើកដែរ ហើយត្រូវបានសមត្ថកិច្ចធ្វើការអប់រំឲ្យត្រឡប់ទៅផ្ទះវិញ។

ក្រៅពីរូបគេ សមត្ថកិច្ចក៏បានចាប់ឃាត់ខ្លួនបក្ខពួកម្នាក់ទៀតជាម្ចាស់ម៉ូតូមានឈ្មោះ ចាន់ ណា ភេទប្រុស អាយុ១៦ឆ្នាំ ជាតិខ្មែរ មុខរបរជាងភ្លើង មានទីលំនៅភូមិឡឥដ្ឋ សង្កាត់បឹងកុក ក្រុងកំពង់ចាម ខេត្តកំពង់ចាម រួមជាមួយម៉ូតូធ្វើសកម្មភាពចំនួន០១គ្រឿងម៉ាក Vision ពណ៌ក្រហម ពាក់ស្លាកលេខកំពង់ចាម1M-0583។

បច្ចុប្បន្ន មុខសញ្ញា និងវត្ថុតាង ត្រូវបានបញ្ជូនទៅការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តកំពង់ចាម ធ្វេីការអប់រំណែនាំ និងឲ្យក្មេងៗទាំង២នាក់នោះ ដោះកង់ម៉ូតូលេីក និងស្រែកថា ខ្ញុំឈប់បង្ហោះម៉ូតូទៀតហេីយ និងកុំយកតម្រាប់តាមខ្ញុំអី។
អត្ថបទ៖ ឡេក ចាន់ពេជ្រ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ