Connect with us

ព័ត៌មានជាតិ

ឯកអគ្គរាជទូត៖ ជប៉ុនមិនទារទាមឱ្យកម្ពុជាចាប់ យកភាគីណាមួយឡើយ

បានផុស

នៅ

ជប៉ុនមិនទាមទារ ឬដាក់សម្ពាធណាមួយឡើយទៅលើកម្ពុជា ដើម្បីឱ្យកម្ពុជាចាប់យកនូវភាគីណាមួយ មិនថា ជប៉ុន ចិន ឬក៏អាមេរិកក៏ដោយ។ តែផ្ទុយទៅវិញ ជប៉ុន តែងគោរពជំហរការទូតរបស់កម្ពុជា។ នេះជាការអះអាងរបស់ឯកអគ្គរាជទូតជប៉ុនប្រចាំនៅកម្ពុជា តាមរយៈអ្នកបកប្រែ ក្នុងកិច្ចពិភាក្សាតុមូល រៀបចំដោយក្លិបអ្នកកាសែតកម្ពុជា នៅព្រឹកថ្ងៃទី២៦ ខែកញ្ញានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅចំពោះមុខក្រុមអ្នកសារព័ត៌មាន លោក អ៊ូអិណូ អាត់ស៊ូស៊ី (UENO Atsushi) ឯកអគ្គរាជទូតជប៉ុនប្រចាំនៅកម្ពុជា បានលើកឡើងថា ជប៉ុនមិនអាចទាមទារឱ្យរាជរដ្ឋាភិបាលកម្ពុជា ត្រូវតែប្រកាន់យកខាងណាមួយឡើយ ដោយជប៉ុនបានយល់អំពីជំហរការទូតរបស់កម្ពុជា ដែលរក្សានូវអព្យាក្រឹតភាព មិនចូលបក្សសម្ព័ន្ធ ដូចមានចែងនៅក្នុងរដ្ឋធម្មនុញ្ញរបស់កម្ពុជា។ លោកឯកអគ្គរាជទូត បានលើកឡើងចំៗថា ជប៉ុន មិនមានបំណងដាក់សម្ពាធ ឬចង់ប្រឆាំងជុំវិញទំនាក់ទំនងរវាងកម្ពុជាជាមួយភាគីចិនឡើយ បើទោះបីជាមានគោលជំហរផ្ទុយគ្នាក៏ដោយ។

មន្ត្រីការទូតរូបនេះ សង្កត់ធ្ងន់ថា ជប៉ុននៅតែគោរពទៅលើគោលជំហររបស់កម្ពុជាក្នុងការតភ្ជាប់ទំនាក់ទំនង និងកិច្ចសហប្រតិបត្តិជាមួយបណ្ដាប្រទេសនានានៅលើពិភពលោក ហើយជប៉ុន សុំកោតសរសើរ និងថ្លែងអំណរគុណចំពោះការគាំទ្ររបស់កម្ពុជាមកលើជប៉ុន ក្នុងនាមជាមិត្តភាពដ៏យូរអង្វែង រហូតឈានដល់ភាពជាដៃគូគ្រប់ជ្រុងជ្រោយ នាពេលថ្មីៗនេះ។ លោក បន្តថា កម្ពុជា និងជប៉ុន នៅមានឱកាសជាច្រើន ដើម្បីដើរទៅកាន់គោលដៅរួមគ្នាបន្តទៀត ដោយប្រទេសទាំងពីរ នឹងបន្តពង្រឹងពង្រីកលើកិច្ចសហប្រតិបត្តិការទ្វេភាគី ពហុភាគី ក៏ដូចជាទំនាក់ទំនងកម្រិតតំបន់ និងពិភពលោក តាមរយៈការផ្ដល់ការគាំទ្រគ្នាទៅវិញទៅមក។

បើតាមលោកឯកអគ្គរាជទូតជប៉ុន នៅក្នុងជំនួបទ្វេភាគីរវាងសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោក ហ្វូមីអូ គីស៊ីដា នាយករដ្ឋមន្ត្រីជប៉ុន នៅកិច្ចប្រជុំកំពូលអាស៊ាន នៅទីក្រុងហ្សាការតា កន្លងទៅនេះ ថ្នាក់ដឹកនាំទាំងពីរ បានប្ដេជ្ញារួមគ្នាលើការជំរុញកិច្ចសហប្រតិបត្តិការកម្ពុជា-ជប៉ុន ឱ្យកាន់តែជិតស្និទ្ធថែមទៀត ក្នុងភាពជាដៃគូគាំទ្រគ្នាទៅវិញទៅមក។ លោកឯកអគ្គរាជទូត បញ្ជាក់ថា ជប៉ុន បានគាំទ្រដល់កម្ពុជាក្នុងការអភិវឌ្ឍសង្គម-សេដ្ឋកិច្ច តាមរយៈការផ្ដល់ជំនួយអភិវឌ្ឍន៍នានា ខណៈកម្ពុជា ក៏បានគាំទ្រលើគោលជំហរនានារបស់ជប៉ុន ជាពិសេសទិដ្ឋភាពនយោបាយ ក៏ដូចជាកិច្ចសហប្រតិបត្តិការផ្សេងៗទាំងកម្រិតតំបន់ និងពិភពលោក៕  

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៥ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៩ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ១០ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១២ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម