ព័ត៌មានជាតិ

ត្រួតពិនិត្យស្ថានីយ/ដេប៉ូប្រេងឥន្ធនៈ ១៦ ទីតាំង រកឃើញ ២ ទីតាំង មិនមានអនុលោមភាព

បានផុស

១ year មុន

នៅ

ថ្ងៃពុធ ២៧ កញ្ញា ២០២៣

ដោយ

មន្ត្រីជំនាញ រកឃើញដេប៉ូប្រេងឥន្ធនៈចំនួន ២ ទីតាំង មិនមានអនុលោមភាព ក្នុងចំណោមស្ថានីយ/ដេប៉ូប្រេងឥន្ធនៈ ១៦ ទីតាំង ដែលបានត្រួតពិនិត្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ២៦ ខែកញ្ញា ឆ្នាំ ២០២៣ នេះ មន្ត្រីជំនាញ ក.ប.ប សាខាខេត្តកំពត កណ្ដាល កំពង់ស្ពឺ និងរាជធានីភ្នំពេញ បាននិងបន្តត្រួតពិនិត្យទៅលើស្ថានីយ/ដេប៉ូប្រេងឥន្ធនៈស្ថិតក្នុងទីតាំងសំខាន់ៗ ជាច្រើន។

ការបន្តត្រួតពិនិត្យទៅលើស្ថានីយ/ដេប៉ូប្រេងឥន្ធនៈនេះ គោលបំណងដើម្បីការពារផលប្រយោជន៍ជូនអ្នកប្រើប្រាស់ និងស្វែងរកភាពមិនអនុលោមក្នុងវិស័យប្រេងឥន្ធនៈដែលកើតចេញពីម្ចាស់ស្ថានីយ/ដេប៉ូប្រកបរបរមិនសុចរិតក្នុងវិស័យមួយនេះផងដែរ។

ជាក់ស្ដែងជាលទ្ធផល មន្ត្រីជំនាញ រកឃើញដេប៉ូប្រេងឥន្ធនៈចំនួន ២ ទីតាំង មិនមានអនុលោមភាព ក្នុងចំណោមស្ថានីយ/ដេប៉ូប្រេងឥន្ធនៈ ១៦ ទីតាំង ដែលបានត្រួតពិនិត្យ និងពិន័យអន្តរការណ៍លើម្ចាស់ដេប៉ូប្រេងឥន្ធនៈខាងលើផងដែរ៕

អត្ថបទ ៖ ពិសី