ព័ត៌មានជាតិ

បង្ហើបផែនការការងារ ១០០ ថ្ងៃ រដ្ឋមន្រ្តីថ្មីក្រសួងសាធារណការនិងដឹកជញ្ជូន

បានផុស

២ years មុន

នៅ

ថ្ងៃពុធ ២៧ កញ្ញា ២០២៣

ដោយ

លោកជំទាវ កុយ សុដារី រដ្ឋលេខាធិការប្រចាំការក្រសួងសាធារណការនិងដឹកជញ្ជូន បានលើកពីផែនការការងារ ១០០ ថ្ងៃ របស់រដ្ឋមន្ត្រីថ្មីក្រសួងសាធារណការនិងដឹកជញ្ជូន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងជំនួបពិភាក្សាការងារជាមួយគណៈប្រតិភូស្ថានទូតជប៉ុនប្រចាំកម្ពុជាកាលពីពេលថ្មីៗនេះ លោកជំទាវ កុយ សុដានី រដ្ឋលេខាធិការប្រចាំការក្រសួងសាធារណការ និងដឹកជញ្ជូនបានជម្រាបជូនអំពីគម្រោងផែនការសកម្មភាពការងាររបស់រដ្ឋមន្ត្រីក្រសួងសាធារណការក្នុងរយៈពេល ១០០ ថ្ងៃ ក្នុងនោះរួមមានការត្រៀមសម្ពោធដាក់ឲ្យប្រើប្រាស់កំណាត់ផ្លូវជាតិលេខ ៥ ទស្សនកិច្ចផ្លូវល្បឿនលឿនភ្នំពេញ-បាវិត និងច្រកទ្វារព្រំដែនបាវិត និងចុះសួរសុខទុក្ខមន្រ្តីរាជការរាជធានី-ខេត្ត។

លោក ប៉េង ពោធិ៍នា ទទួលបានការតែងតាំងជារដ្ឋមន្ត្រីក្រសួងសាធារណការ និងដឹកជញ្ជូនជំនួសលោក ស៊ុន ចាន់ថុល ក្នុងរដ្ឋាភិបាលនីតិកាលទី ៧។

មុនទទួលការតែងតាំងដឹកនាំនៅក្រសួងសាធារណការនិងដឹកជញ្ជូន លោកធ្លាប់បម្រើការងារជាមន្រ្តីនៅទីស្តីការគណៈរដ្ឋមន្រ្តី ជាជំនួយការផ្ទាល់សម្តេចវិបុលបញ្ញា សុខ អាន។ រដ្ឋមន្រ្តីបន្តវេនរូបនេះជាបញ្ញវន្តមួយរូប ដែលទទួលបានការអប់រំជ្រៅជ្រះដោយបានបញ្ចប់ការសិក្សាពីប្រទេសកាណាដា៕