ព័ត៌មានជាតិ
នគរបាលស្រុកស្រែអំបិល ផ្ដល់សេវាធ្វើអត្តសញ្ញាណប័ណ្ណជូនពលរដ្ឋ បានជាង ៣ ពាន់នាក់
នគរបាល នៃអធិការដ្ឋានស្រុកស្រែអំបិល បានបំពេញបែបបទធ្វើអត្តសញ្ញាណប័ណ្ណជូនប្រជាពលរដ្ឋបាន ៣.១៤១ នាក់ គិតត្រឹមត្រីមាសទី ៣ ឆ្នាំ ២០២៣ នេះ។ សម្រាប់ថ្ងៃដាក់បិណ្ឌខាងមុខ កងកម្លាំងជំនាញ នឹងពង្រាយទៅដល់វត្តអារាម និងតាមភូមិកាន់តែល្អប្រសើរ។
ត្រីមាសទី ៣ ឆ្នាំ ២០២៣ នេះ មានប្រជាពលរដ្ឋប្រមាណ ៣.១៤១ នាក់ហើយ បានបំពេញបែបបទធ្វើអត្តសញ្ញាណប័ណ្ណខ្លួនរាល់ម៉ោងធ្វើការរបស់កងកម្លាំងនគរបាលស្រុកស្រែអំបិល។ ក្នុងចំណោម ៣.១៤១ នាក់ មានប្រុសចំនួន ១.៦៣៩ នាក់។
លោកវរសេនីយ៍ទោ ដូង វណ្ណា អធិការនគរបាលស្រុកស្រែអំបិល បានឲ្យដឹងនៅថ្ងៃទី ២៧ ខែកញ្ញា ឆ្នាំ ២០២៣ នេះថា កងកម្លាំងជំនាញរបស់លោក ធ្វើរួចរាល់នូវសន្លឹកអត្តសញ្ញាណប័ណ្ណ ហើយបានចែកជូនពលរដ្ឋសរុប ២.៥១២ នាក់ ក្នុងនោះ ប្រុស ១.១៤៨ នាក់។
លោកអធិការនគរបាលស្រុកស្រែអំបិល បានបន្តថា ថ្មីៗកន្លងទៅនេះ មានប្រជាពលរដ្ឋច្រើនបានសម្រុកនាំគ្នាមកបន្តសុពលភាពអត្តសញ្ញាណប័ណ្ណសម្រាប់ប្រើប្រាស់ ខណៈជិតផុតកំណត់។
ជាមួយគ្នានេះ លោកវរសេនីយ៍ទោ ដូង វណ្ណា ក៏អំពាវនាវដល់ប្រជាពលរដ្ឋទាំងអស់ សូមមកធ្វើអត្តសញ្ញាណប័ណ្ណឲ្យបានគ្រប់ៗ គ្នា ករណីមានតម្រូវការ ខូច ឬ បាត់ប្រការណាមួយ ចៀសវាងពេលត្រូវការប្រើប្រាស់ភ្ជាប់ឯកសារធ្វើបែបបទអ្វីមួយលំបាក។
តបនឹងផែនការខាងមុខ លោកអធិការនគរបាលស្រុកស្រែអំបិល ក៏នឹងចាត់កម្លាំងជំនាញចុះបម្រើសេវាមួយនេះដល់តាមមូលដ្ឋាន ឬ វត្តអារាមតែម្ដង ដោយលោកយល់ថា ការធ្វើបែបនេះ អាចផ្តល់ភាពកាន់តែងាយស្រួលជូនប្រជាពលរដ្ឋ និងយុវជនដែលមានតម្រូវការធ្វើអត្តសញ្ញាណប័ណ្ណ។
ដោយឡែកចំពោះប្រជាពលរដ្ឋដែលហួសសុពលភាពប្រើប្រាស់អត្តសញ្ញាណប័ណ្ណ ថ្លែងថា នៅខែវិច្ឆិកាខាងមុខ អត្តសញ្ញាណប័ណ្ណផុតកំណត់ហើយ ទើបប្រញាប់មកអធិការដ្ឋាននគរបាលធ្វើថ្មី។
លក្ខខណ្ឌអាចបំពេញបែបបទធ្វើអត្តសញ្ញាណប័ណ្ណបាន គឺ ភ្ជាប់មកជាមួយនូវអត្តសញ្ញាណប័ណ្ណចាស់ដែលហួសសុពលភាព សៀវភៅគ្រួសារ ឬ សៀវភៅស្នាក់នៅ បម្រើការធ្វើអត្តសញ្ញាណប័ណ្ណថ្មីជំនួសវិញ តបតាមលក្ខខណ្ឌតម្រូវ។
ពលរដ្ឋកោតសរសើរថា រាល់ការផ្តល់សេវារដ្ឋបាលរបស់សមត្ថកិច្ច គឺបានយកចិត្តទុកដាក់ផ្តល់សេវាឆាប់រហ័ស និងមិនគិតកម្រៃថវិកានោះទេ៕
អត្ថបទ ៖ សិរីវឌ្ឍនៈ
ខេមរ: សិរីមន្ត នាំយកសម្លៀកបំពាក់ខ្មែរដោយរំលេចនូវរូបអង្គរវត្ត ស៊ីក្លូ និងរទេះគោ ទៅសម្តែងនៅអាមេរិក
អាជ្ញាធរខេត្តក្រចេះ ត្រៀមទីទួលសុវត្ថិភាព១១៧កន្លែង សម្រាប់ជម្លៀសពលរដ្ឋពីគ្រោះទឹកជំនន់
សិប្បកម្មដូងតាកែវ បច្ចុប្បន្នអាចកែច្នៃដូងទុំ ចេញជាផលិតផលប្រើប្រាស់បានប្រមាណជាង១០មុខ
លើកដំបូង! ក្រុមហេសបូឡា បាញ់មីស៊ីលដល់ទីក្រុងពាណិជ្ជកម្ម Tel Aviv របស់ អ៊ីស្រាអែល
រដ្ឋមន្ត្រីមហាផ្ទៃ ណែនាំអាជ្ញាធររៀបចំយុទ្ធសាស្ត្រពង្រឹងសន្តិសុខឡើងវិញ តាមការវិវត្តរបស់សង្គម
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
លោក លៀក លីដា បង្ហាញការខកចិត្តចំពោះការរិះគន់របស់ Allan
ម្ចាស់ផលិតកម្ម LD ប្រកាសថា បើជំនួបវិនិយោគរឿងខ្ទង់ ៨មុឺនដុល្លារ របស់ Allan មិនជោគជ័យ មករកលោក
ទឹកជំនន់នៅភាគខាងជើងថៃ បង្កការខាតបងរហូតដល់ ៣ ប៊ីលានបាត
ឆេះផ្ទះស្តុកគ្រឿងកង្ហារខូចខាតសម្ភារគិតជាទឹកប្រាក់សរុប ២០មុឺនដុល្លារ
-
ព័ត៌មានជាតិ៦ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៦ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១ សប្តាហ៍ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានអន្ដរជាតិ២ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ
-
ជីវិតកម្សាន្ដ៨ ម៉ោង agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព