សន្តិសុខសង្គម
បុរសម្នាក់ត្រូវទឹកហូរកួចជាប់ក្នុងគុម្ពឫស្សីរាប់ម៉ោងត្រូវបានសង្គ្រោះ
ភ្លៀងធ្លាក់ជាប់ៗគ្នារយៈពេល ២ ថ្ងៃបង្ករឲ្យទៅជាទឹកជំនន់លិចផ្លូវខូចខាតលំនៅឋានផលដំណាំចំនួន ៧ ភូមិក្នុងស្រុកវាលវែង ខេត្តពោធិ៍សាត់ ខណៈបុរសម្នាក់ត្រូវទឹកហូរកួចទៅជាប់គុម្ពឫស្សីត្រូវបានជួយសង្រ្គោះ។
លោក ខូយ រីដា អភិបាលខេត្តដឹកនាំមន្រ្តីដែលពាក់ព័ន្ធ និងកម្លាំងប្រដាប់អាវុធកំពុងចុះជួយអន្តរាគមន៍នាព្រឹកថ្ងៃទី២៨ ខែកញ្ញា ឆ្នាំ២០២៣ ដោយស្ថានភាពកម្ពស់ទឹកបានស្រកចុះបន្ដិច តែភ្លៀងនៅបន្តធ្លាក់។

លោក វង្ស អេង អភិបាលស្រុកវាលវែងបានឲ្យដឹងថា៖ ភ្លៀងធ្លាក់ជាប់គ្នារយៈពេល២យប់ ២ ថ្ងៃនេះនៅក្នុងស្រុកវាលវែងរហូតដល់ទី២៨ ខែកញ្ញា នេះ វាបានបង្ករឲ្យមានជំនន់ជន់លិចដល់ផ្ទះប្រជាពលរដ្ឋចំនួន៧ភូមិក្នងនោះរងកាខូចខាត៥៣ ខ្នងផ្ទះ ដំណាំស្រែចំការ ដូចជា ស្រូវ ដំឡូងមី ពោត ក្រូចពោធិ៍សាត់ ចេក ទុរេន ល្ហុង តាង៉ែន សរុបជិត២ ហិកតា ធ្វើឱ្យប្រជាពលរដ្ឋជួបនូវបញ្ហាខ្វះខាតស្បៀងចំនួន ២៦៣ គ្រួសារ។
ជំនន់ទឹកភ្លៀងនេះបានបង្កឱ្យងាប់សត្វគោមួយចំនួន២ក្បាលផងដែរ និងខូចខាត ផ្ទាំង សូឡាតម្លៃ ៣ ០០០ដុល្លារ ១ឈុត ហើយផ្លូវមួយចំនួនបានរងការខូចខាត។

សាក្សីម្នាក់បានឱ្យដឹងថា ក្នុងហេតុការណ៍ទឹកជំនន់នេះវេលាម៉ោងប្រមាណជា៩យប់ថ្ងៃទី ២៧ ខែកញ្ញា ឆ្នាំ២០២៣ ត្រង់ចំនុចអូរកំបោ ភូមិឃុំប្រម៉ោយ ស្រុកវាលវែង បុរសរងគ្រោះមា្នក់ ឈ្មោះ យឹន ផេង នៅខាងលើ ត្រូវបានទឹកជំនន់កួចហូរទៅបោកជាប់គុម្ពឫស្សីជាប់រយៈពេលជិត៤ម៉ោងទើបអាជ្ញាធរសង្រ្គោះបាន តែពុំមានគ្រោះថ្នាក់អ្វីឡើយ។
ស្របពេលជាមួយគ្នានោះដែរ នៅព្រឹកថ្ងៃទី ២៨ នេះវត្តមាន លោកនខូយ រីដា អភិបាលខេត្តពោធិ៍សាត់ក៏បានដឹកនាំកម្លាំងជំនាញពាក់ព័ន្ធនិងប្រដាប់អាវុធចុះជួយអន្តរាគមន៍ផងដែរ។

ហើយលោកអភិបាលខេត្តក៍បានផ្ញើរសាទៅ អាជ្ញាធរប្រជាពលរដ្ឋទាំងបីស្រុកក្រុង ជាប់ដងស្ទឹងពោធិ៍សាត់ឲ្យមានការប្រុងប្រយ័ត្នខ្ពស់ ព្រោះទឹកវាកំពុងហូរធ្លាក់ទៅហើយ ត្បិតខាងលើក្បាលស្ទឹងស្រកបន្តិចមែនតែភ្លៀងនៅតែបន្ត៕




អត្ថបទ៖ លាន គ្រន

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២០ ម៉ោង ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល