ព័ត៌មានជាតិ
យុវជនសង្ឃឹមថានឹងទទួលបានការងារធ្វើក្រោយពីបានដាក់ពាក្យនៅ NEA
យុវជននិងអ្នកស្វែងរកការងារធ្វើ បានបង្ហាញក្តីសង្ឃឹមយ៉ាងមោះមុតថា នឹងទទួលបានការងារធ្វើក្រោយពីបានមកដាក់ពាក្យស្វែងរកការងារធ្វើនៅទីភ្នាក់ងារជាតិមុខរបរ និងការងារ (NEA) នៅថ្ងៃទី ២៨ ខែ កញ្ញា ឆ្នាំ២០២៣ នេះ នៅក្រសួងការងារ និងបណ្តុះបណ្តាលវិជ្ជាជីវៈ។
ទីភ្នាក់ងារជាតិមុខរបរ និងការងារ (NEA)នៃក្រសួងការងារបានប្រកាសថា ក្រុមហ៊ុនធំៗចំនួន ៦ បានផ្តល់ឱកាសការងារថ្មីបន្ថែមទៀតសរុបចំនួន ៣៩៩ កន្លែង សម្រាប់យុវជនសិស្ស/និស្សិត និងអ្នកកំពុងស្វែងរកការងារធ្វើក្នុងវេទិកាការងារប្រចាំខែ។
និស្សិតម្នាក់ឈ្មោះ ប៉ៃ ភឿន មកពីរាជធានីភ្នំពេញ បាននិយាយថា រូបនាងបានមកដាក់ពាក្យដើម្បីស្វែងរកការងារធ្វើនៅNEA ដោយរំពឹងថានឹងទទួលបានជោគជ័យជាប់បានការងារធ្វើពីសំណាក់ក្រុមហ៊ុនជ្រើសរើសបុគ្គលិក។
និស្សិតរូបនេះនិយាយថា៖ « កន្លងមកខ្ញុំពិបាកក្នុងការដាក់ពាក្យស្វែងរកការងារធ្វើ តែពេលមកដល់ NEA ខាងNEA ជួយសម្របសម្រួល និងមានឱកាសជួបជាមួយតំណាងក្រុមហ៊ុនដើម្បីសម្ភាសន៍ការងារផ្ទាល់តែម្តង»។
និស្សិតរូបនេះ បានថ្លែងអំណរគុណដល់ក្រសួងការងារដែលបានបង្កើតវេទិកាការងារនេះក្នុងការផ្តល់ឱកាសដល់សិស្ស និស្សិត និងអ្នកស្វែងរកការងារធ្វើដឹងពីតម្រូវការក្រុមហ៊ុនជ្រើសរើសបុគ្គលិក។
ចំណែកនិស្សិតម្នាក់ទៀត ឈ្មោះ ធឹម ចាន់លៃ ជានិស្សិតឆ្នាំទី១ មកពីខេត្តតាកែវ បាននិយាយឲ្យដឹងផងដែរថា និស្សិតរូបនេះធ្លាប់មកដាក់ពាក្យនៅNEA ច្រើនដងមកហើយតែបរាជ័យ ហើយមកលើកនេះរូបនាងនៅតែមានភាពជឿជាក់ថា នឹងមានឱកាសជាប់ទទួលបានការងារធ្វើ។
និស្សិតរូបនេះនិយាយថា ៖ « ខ្ញុំធ្លាប់មកដាក់ពាក្យច្រើនដងហើយ អារម្មណ៍ខ្ញុំខ្លាច នៅតែបរាជ័យ តែមិនអស់សង្ឃឹមទេ ព្រោះចង់បានបទពិសោធន៍សម្ភាសន៍ការងារ និងរៀបចំCVឲ្យបានល្អដើម្បីក្រុមហ៊ុនពេញចិត្ត»។
រីឯនិស្សិតម្នាក់ទៀត ពៅ មុនីរ័ត្ន និយាយស្រដៀងគ្នាដែរថា បានបង្ហាញចំណាប់អារម្មណ៍រីករាយពេលដែលបាន ចូលរួមវេទិកាការងារហើយនិស្សិតរូបនេះលើកទឹកចិត្តបងប្អូន យុវជនផ្សេងទៀតអាចមកស្វែងរកការងារធ្វើតាមរយៈវេទិកាការងាររបស់ NEA នេះ។
សម្រាប់និស្សិត លីន រ៉ូហ្សា ជានិស្សិតឆ្នាំទី៣ នៅវិទ្យាស្ថានស៊ីតិកបាននិយាយថា នៅNEA មានឱកាសការងារប្រមូលផ្តុំគ្នាពីក្រុមហ៊ុនជ្រើសរើសបុគ្គលិក ដូចនេះងាយស្រួលដល់អ្នកស្វែងរកការងារធ្វើ ។ និស្សិតរូបនេះនិយាយថា៖ « អត់ពិបាកដើរស្វែងរកការងារធ្វើទៀតទេ ដាក់ពាក្យភ្លាម សម្ភាសន៍ភ្លាម»។
សូមជម្រាបថា ក្រុមហ៊ុនធំៗទាំង៦ ក្នុងនោះរួមមាន៖ ក្រុមហ៊ុន VCAM FASHION គ្រឹះស្ថានមីក្រូហិរញ្ញវត្ថុ ចម្រើន ម.ក ក្រុមហ៊ុន MR Training ក្រុមហ៊ុន ម៉ាស្ទ័រស៊ុគីស៊ុប ធនាគារ WOORI និងមីក្រូហិរញ្ញវត្ថុ AMK៕
កសិករម្នាក់ ដាំដំណាំមួយប្រភេទនៅក្នុងស្រុកទឹកឈូ ដែលផ្លែវា១គីឡូក្រាមអាចលក់តម្លៃបានជាង១ពាន់ដុល្លាអាមេរិក
អ្នកធ្លាប់ប្រើ ប.ស.ស.ថា គ្មានការកំណត់ចំនួនដងដូចការប្រឌិតព័ត៌មានឡើយ
អភិបាលខណ្ឌឬស្សីកែវ បញ្ជាឱ្យជំនាញពាក់ព័ន្ធតាមដានត្រួតពិនិត្យជួសជុលកែលំអផ្លូវថ្នល់ ដែលមានការខូចខាត
រដ្ឋមន្ត្រីមហាផ្ទៃប្រាប់ក្រុមការងារចុះមូលដ្ឋានបញ្ឈប់កិច្ចអន្តរាគមន៍យកមន្ត្រីក្រៅមូលដ្ឋានមកកាន់តំណែង
មហាជនបារម្ភ! ក្រោយឃើញអ្នកជិះកង់សប្បុរសធម៌ ជំនះធ្វើដំណើរកាត់ព្រិល រឹងខ្លួនប្រាណសឹងនិយាយលែងបាន
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
ការផ្សាយថាចោរប្លន់សម្លាប់នៅខេត្តកំពត៖ស្នងការ ថាមិនមែនប្លន់សម្លាប់ឡើយ គឺជាករណីស្នេហាត្រីកោណ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១០ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត