ព័ត៌មានជាតិ
ក្រុមហ៊ុនចិន ចាប់ផ្ដើមជួសជុលផ្លូវជាតិលេខ៣ ចំណុចត្រពាំងល្ពៅឆ្ពោះទៅវាលរេញ ប្រើប្រាស់បណ្ដោះអាសន្ន
ក្រុមហ៊ុនសារជីវកម្មស្ពាន-ថ្នល់ ចិន (CRBC) បានចាប់ផ្តើមជួយជួសជុលផ្លូវជាតិលេខ៣ នៅត្រង់ចំណុចត្រពាំងល្ពៅឆ្ពោះទោវាលរេញ ដើម្បីប្រើប្រាស់ជាបណ្តោះអាសន្ន។ នេះបើយោងតាមសំណេរនៅលើគណនីហ្វេសប៊ុករបស់លោក បូរី វង្សសានិត្យ ប្រធានមន្ទីរសាធារណៈការ និងដឹកជញ្ជូន ខេត្តព្រះសីហនុ នៅថ្ងៃទី២៩ ខែកញ្ញានេះ។
![](https://www.kampucheathmey.com/wp-content/uploads/2023/09/image-2521.png)
ក្រុមហ៊ុនសារជីវកម្មស្ពាន-ថ្នល់ចិន បានចាប់ផ្ដើមជួសជុលផ្លូជាតិលេខ៣ ត្រង់ចំណុចត្រពាំងល្ពៅឆ្ពោះទៅវាលរេញនេះ ដោយប្រើប្រាស់ថ្មធំ ថ្ម៤x៦ និងថ្មមិច ចាក់បំពេញ កៀរ កិនបង្ហាប់ ដើម្បីបន្ធូរភាពលំបាកក្នុងការធ្វើចរាចរនារដូវវស្សានេះ។ សម្រាប់ការងារជួយសម្រួលនេះ អាចនឹងចំណាយពេលប្រមាណ២០ថ្ងៃ ក្នុងការជួសជុលស្ថានភាពផ្លូវដែលទទួលរងនូវការខូចខាតធ្ងន់ធ្ងរប្រវែង២០គីឡូម៉ែត្រ ។
![](https://www.kampucheathmey.com/wp-content/uploads/2023/09/image-2523-1024x768.png)
មែនទែនទៅ ស្ថានភាពផ្លូវជាតិលេខ៣ ត្រង់ចំណុចត្រពាំងល្ពៅឆ្ពោះទៅវាលរេញនេះ រាជរដ្ឋាភិបាលធ្លាប់បាន ជួសជុលឡើងវិញជាច្រើនដងរួចមកហើយ ក៏ប៉ុន្តែស្ថានភាពផ្លូវប្រវែង២០គីឡូម៉ែត្រនេះនៅតែមានការខូចខាតឥតឈប់ឈរ។ កន្លងមក កាលដែល លោក ស៊ុន ចាន់ថុល កាន់ការជារដ្ឋមន្ត្រីក្រសួងសាធារណការ និងដឹកជញ្ជូន លោក ស៊ុន ចាន់ថុល បានសូមទោសប្រជាពលរដ្ឋចំពោះបញ្ហាផ្លូវពីត្រពាំងល្ពៅឆ្ពោះទៅវាលរេញចេះតែខូចខាត មិនចេះចប់មិនចេះហើយ រំខានដល់ការធ្វើដំណើររបស់ប្រជាពលរដ្ឋ។
![](https://www.kampucheathmey.com/wp-content/uploads/2023/09/image-2525.png)
អតីតរដ្ឋមន្ត្រីក្រសួងសាធារណការ លោក ស៊ុន ចាន់ថុល ក៏ធ្លាប់បានលើឡើងម្ដងហើយម្ដងទៀត ពីបញ្ហាដែលផ្លូវត្រពាំងល្ពៅឆ្ពោះទៅវាលរេញ ខូចខាតឥតឈប់ឈរ គឺបណ្ដាលមកពីដីប្រវែង៥គីឡូម៉ែត្រ នៅតំបន់នោះជាប្រភេទដីស្អុយ មានជម្រៅរហូតដល់ទៅ១៨ម៉ែត្រចុះក្រោម ជាប្រភេទដីភក់ មមោកសមុទ្រ ទើបផ្លូវតំបន់នោះ ជុះជុលយ៉ាងណាក៏នៅតែខូចខាតឥតមានឈប់។ លោក ស៊ុន ចាន់ថុល លើកឡើងបន្ថែមថា ផ្លូវនៅតំបន់ត្រពាំងល្ពៅ ឆ្ពោះទៅវាលរេញនោះ ទាល់តែកាយយកដីស្អុយនោះចេញឱ្យអស់ ហើយចាក់បំពេញដោយថ្មធំៗ ចាក់បេតុងធ្វើជាគ្រឹះ ទើបផ្លូវនោះលែងខូចខាត។ ជាការកត់សម្គាល់ លោក ស៊ុន ចាន់ថុល បានស្វះស្វែងស្នើថវិកាពីមិត្តចិន សម្រាប់យកមកជួសជុលផ្លូវនៅតំបន់នេះ ឱ្យស្របតាមបទដ្ខានស្តង់ដារបច្ចេកទេស ដើម្បីជួយសម្រួលការធ្វើដំណើររបស់ប្រជាពលរដ្ឋ។
![](https://www.kampucheathmey.com/wp-content/uploads/2023/09/image-2524-1024x682.png)
ជាមួយគ្នានេះ លោក បូរី វង្សសានិត្យ ប្រធានមន្ទីរសាធារណៈការ និងដឹកជញ្ជូន ខេត្តព្រះសីហនុ កំពុងតែរងចាំថវិកាពីភាគីចិន ដើម្បីជួសជុលកំណាត់ផ្លូវប្រវែង២០គីឡូម៉ែត្រនេះឱ្យស្របតាមស្តង់ដារ មានគុណភាពខ្ពស់ ធានាបម្រើឱ្យការប្រើប្រាស់មានអាយុកាលយូរអង្វែង៕
ដោយ៖ ង៉ិល ណារ៉ាត់
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៦ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព