សន្តិសុខសង្គម

អាជ្ញាធរមីនឱ្យប្រុងប្រយ័ត្ន មីន និងសំណល់ជាតិផ្ទុះអំឡុងពេលគ្រោះទឹកជំនន់

បានផុស

១ year មុន

នៅ

ថ្ងៃអាទិត្យ ១ តុលា ២០២៣

ដោយ

អាជ្ញាធរមីន បានប្រកាសពង្រឹងវិធានការបង្ការ និងទប់ស្កាត់គ្រោះថ្នាក់ដោយសារយុទ្ធភណ្ឌគ្រឿងផ្ទុះ ក្នុងពេល និងក្រោយពេលគ្រោះទឹកជំនន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុប្រធានទី១ នៃអាជ្ញាធរមីន លោកទេសរដ្ឋមន្ត្រី លី ធុជ បានឱ្យដឹងថា ក្រោយពេលទឹកជំនន់ មីន និងសំណល់ជាតិផ្ទុះពីសង្គ្រាមមួយចំនួនត្រូវអាចនឹងប្រទះឃើញដោយសារការហូរច្រោះដី ឬហូរតាមខ្សែទឹក ដែលអាចបង្កគ្រោះថ្នាក់ដល់អាយុជីវិតប្រជាពលរដ្ឋជាយថាហេតុ ជាពិសេសប្រជាពលរដ្ឋដែលកំពុងរស់នៅតំបន់ប៉ះពាល់ដោយសារទឹកជំនន់។

អាជ្ញាធរមីនណែនាំឱ្យប្រតិបត្តិករបោសម្អាតមីន និងអ្នកពាក់ព័ន្ធផ្សព្វផ្សាយដល់ប្រជាពលរដ្ឋឱ្យមានការប្រុងប្រយ័ត្នចំពោះមីន និងសំណល់ជាតិផ្ទុះពីសង្គ្រាម ដែលអាចមកជាមួយទឹកជំនន់ដោយសារការហូរច្រោះដីរសាត់មកពីតំបន់ដែលមានមីន និងសំណល់ជាតិផ្ទុះពីសង្គ្រាម៕