ព័ត៌មានជាតិ

រដ្ឋមន្រ្តីក្រសួងសាធារណការ ចុះពិនិត្យស្ថានភាពផ្លូវរងការខូចខាតដោយជំនន់ទឹកភ្លៀង

បានផុស

១ year មុន

នៅ

ថ្ងៃចន្ទ ២ តុលា ២០២៣

ដោយ

កាលពីថ្ងៃទី ០១ តុលា ឆ្នាំ ២០២៣ លោក ប៉េង ពោធិ៍នា រដ្ឋមន្ត្រីក្រសួងសាធារណការនិងដឹកជញ្ជូន បានចុះពិនិត្យស្ថានភាពផ្លូវមួយចំនួននៅក្នុងខេត្តពោធិ៍សាត់ និងខេត្តបាត់ដំបង ដែលរងគ្រោះដោយជំនន់ទឹកភ្លៀង។ ការចុះពិនិត្យស្ថានភាពជាក់ស្តែង ដើម្បីវាយតម្លៃពីផលប៉ះពាល់ និងចាត់វិធានការទប់ស្កាត់កាត់បន្ថយការខូចខាតទ្រព្យសម្បត្តិប្រជាពលរដ្ឋ និងទ្រព្យសម្បត្តិសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមអាជ្ញាធរខេត្តបាត់ដំបង ផ្លូវដែលរងផលប៉ះពាល់ដោយសារជំនន់ទឹកភ្លៀងមានដូចជា ផ្លូវខេត្តលេខ ៥៧B១ លេខ ១៥៦ លេខ១៥៦A លេខ១៥៧១ លេខ ១៥៧១A។

ដោយឡែកនៅថ្ងៃដដែល លោករដ្ឋមន្រ្តីក៏ចុះទៅពិនិត្យស្ថានភាពជំនន់ទឹកភ្លៀង និងជំនន់ពីស្ទឹងពោធិ៍សាត់ ដោយមានការអមដំណើរពីថ្នាក់ដឹកនាំខេត្ត រួមទាំងមន្រ្តីបច្ចេកទេសមួយចំនួន។

ក្នុងខេត្តពោធិ៍សាត់ ផ្លូវជាច្រើនខ្សែក៏រងការប៉ះពាល់ដោយទឹកជំនន់ទឹកភ្លៀងក្នុងនោះរួមមាន ផ្លូវខេត្តលេខ ១៥២H លេខ ១៥៤ លេខ ១៥៥ លេខ ១៥៥A លេខ ១៥៥A១ និងកំណាត់ផ្លូវជាតិលេខ ៥៥។

បើតាមអាជ្ញាធរខេត្តពោធិ៍សាត់ បច្ចុប្បន្ននេះស្ថានភាពទឹកមានភាពធូរស្រាលនិងផ្លូវមួយចំនួនអាចចរាចរណ៍បានជាបណ្តើរៗហើយ៕