ព័ត៌មានជាតិ

បណ្ឌិត សាម អ៊ីន៖ សម្រាប់អ្នកសេដ្ឋកិច្ចសេរី “លោភៈ” មិនមែនរឿងអាក្រក់ទេ តែជាគន្លឹះឲ្យមនុស្សចេះរកស៊ី

បានផុស

១ year មុន

នៅ

ថ្ងៃអង្គារ ៣ តុលា ២០២៣

ដោយ

លោកបណ្ឌិត សាម អ៉ីន បានគូសបញ្ជាក់ថា សម្រាប់អ្នកសេដ្ឋកិច្ចទីផ្សារសេរី កិលេស “លោភៈ” មិនជារឿងដែលអាក្រក់អ្វីទេ តែវានឹងជួយឲ្យមនុស្សចេះបោះទុនរកស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការលើកឡើងខាងលើនេះ បណ្ឌិត សាម អ៉ីន បានចង្អុលបង្ហាញថា សម្រាប់មនុស្សធម្មតា នៅពេលដែលអាចដើរ ដេក អង្គុយ ឬហូបបានស្រួលធម្មតាហើយនោះ គឺតែងទាមទារចង់ឲ្យបានច្រើនជាងនេះ។ ជាក់ស្ដែង ពេលមនុស្សមានលុយ ១ពាន់ដុល្លារ ក្នុងគណនី តែងចង់បាន ១ ម៉ឺនដុល្រលា ហើយពេលបាន ១ ម៉ឺនដុល្លារ គឺរីករាយបានតែមួយភ្លែត តែងនឹកគិតដល់ ១ សែនដុល្លារ និងបន្តទៅ ១លានដុល្លារ ដោយមិនរីករាយនូវអ្វីដែលកំពុងមាននោះឡើយ។

និយាយទៅក្នុងន័យសេដ្ឋកិច្ចវិញ បណ្ឌិត សាម អ៉ីន លើកឡើងថា «សម្រាប់ការមាន “លោភៈ” មិនបានបង្ហាញចំណុចអ្វីដែលអាក្រក់ឡើយ។ ព្រោះសម្រាប់អ្នកសេដ្ឋកិច្ចសេរី នៅពេលដែលមនុស្សមានគំនិតចង់មាន ចង់បាន វានឹងជួយជំរុញឲ្យមនុស្សចេះបោះទុនរកស៊ី ដើម្បីភាពចំណេញ បង្កើតការងារដល់អ្នកអត់ទុន និងបានបង់ពន្ធជូនរដ្ឋ ដើម្បីធានាសុខ សុវត្ថិភាពសង្គម កសាងផ្លូវថ្នល់ សាលារៀន មន្ទីរពេទ្យជាដើម»។

ក្នុងនោះ បណ្ឌិត សាម អ៉ីន បន្ថែមដែរថា «ក្នុងកម្រិតបថុជ្ជន យើងមិនអាចលុបបំបាត់កិលេស “លោភៈ” បានទេ ក៏ប៉ុន្តែ បើយើងចេះសម្គាល់ ចេះសង្កេតចិត្តយើង វាអាចជួយយើងបានច្រើនកុំឲ្យមានចិត្តក្តៅក្រហាយ ខ្វល់ខ្វាយ សៅហ្មងខ្លាំងពេក ហើយឲ្យចេះរីករាយជាមួយអ្វីដែលយើងកំពុងមាន»។