ព័ត៌មានជាតិ

រដ្ឋមន្ត្រីក្រសួងបរិស្ថាន ដាក់ផែនការដាំឫស្សីឲ្យបាន ១ ម៉ឺនដើមរយៈពេលពីរខែ

បានផុស

២ years មុន

នៅ

ថ្ងៃអង្គារ ៣ តុលា ២០២៣

ដោយ

លោក អ៊ាង សុផល្លែត រដ្ឋមន្ត្រីក្រសួងបរិស្ថាន បានដាក់ចេញផែនការសំដៅដល់ការថែរក្សាតំបន់ការពារធម្មជាតិ គឺការផ្ដួចផ្ដើមដាំដើមឫស្សីចំនួន ១ ម៉ឺនដើមក្នុងរយៈពេលពីរខែ ដែលស្របជាមួយយុទ្ធសាស្ត្ររង្វង់សម្រាប់ការប្រើប្រាស់ប្រកបដោយនិរន្តរភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងទៅកាន់ឯកអគ្គរដ្ឋទូតនៃសាធារណរដ្ឋតួកគី លោក អ៊ាង សុផល្លែត មានប្រសាសន៍ថា ដើម្បីជួយដល់ការកាត់បន្ថយការប្រែប្រួលអាកាសធាតុ ការគ្រប់គ្រងសំរាម និងការអភិរក្សជីវចម្រុះនៅក្នុងប្រទេស ក្រសួងបានយកកំណត់ផែនការ ថែរក្សាតំបន់ការពារធម្មជាតិ ដោយផ្ដល់ឲ្យសហគមន៍ដែលពឹងផ្អែកលើតំបន់ទាំងនេះជាមួយនឹងឱកាសសម្រាប់ការរីកចម្រើន និងវិបុលភាព។ មជ្ឈិមនៃផែនការនេះ គឺការផ្ដួចផ្ដើមដាំដើមឫស្សីចំនួន ១ ម៉ឺនដើមក្នុងរយៈពេល ពីរខែ ដែលស្របជាមួយយុទ្ធសាស្ត្ររង្វង់សម្រាប់ការប្រើប្រាស់ប្រកបដោយនិរន្តរភាព។

លោករដ្ឋមន្ត្រីក្រសួងបរិស្ថានបន្តថា ទំពាំងស្នងឫស្សី ត្រូវបានគេស្គាល់ថា ការលូតលាស់លឿន និងចំណាយថាមពលតិចបំផុតលើការផលិតស្លឹក អាចបង្កើតឡើងវិញក្នុងអត្រាពន្លឿន បើប្រៀបធៀបនឹងដើមឈើដទៃទៀត។ លើសពីនេះ ក៏អាចប្រើប្រាស់ជាប្រភពប្រេងឥន្ធនៈប្រកបដោយនិរន្តរភាព ផ្តល់ជម្រើសដល់អុសដុត និងជួយប្រយុទ្ធប្រឆាំងនឹងការកាប់បំផ្លាញព្រៃឈើ។

បន្ថែមនេះ លោក អ៊ាង សុផល្លែត សង្កត់ធ្ងន់ថា «សមត្ថភាពពិសេសរបស់ឫស្សី អាចស្រូបយកបរិមាណកាបូនឌីអុកស៊ីតទ្វេដងដូចគ្នាទៅនឹងដើមឈើដទៃទៀត ខណៈពេលដែលវាផលិតអុកស៊ីហ្សែនបន្ថែម ៣០% ធ្វើឲ្យជាបេក្ខជនដ៏ល្អបំផុតសម្រាប់ការលើកកម្ពស់អព្យាក្រឹតភាពកាបូន»។

ស្របពេលជាមួយគ្នានោះ ឯកអគ្គរដ្ឋទូតនៃសាធារណរដ្ឋតួកគី ក៏បានថ្លែងអំពីការត្រៀមខ្លួនរបស់តួកគី ក្នុងការសហការជាមួយកម្ពុជាលើបញ្ហាបរិស្ថានតំបន់ និងសកលលោក។ ប្រទេសតួកគីក្នុងនាមជាសមាជិកនៃសហភាពអឺរ៉ុប ជាកន្លែងផ្តោតសំខាន់លើការកាត់បន្ថយការប្រែប្រួលអាកាសធាតុ ការគ្រប់គ្រងសំរាម និងការអភិរក្ស ជីវចម្រុះ ស្របតាមគំនិតផ្ដួចផ្ដើម«កិច្ចព្រមព្រៀងបៃតង» របស់អឺរ៉ុប៕