ព័ត៌មានជាតិ
ពិព័រណ៍ជំនាញ និងការងារ ២០២៣ ទាក់ទាញអ្នកចូលរួមជាង ៤០០០ នាក់
អ្នកចូលរួមកម្មវិធីពិព័រណ៍ជំនាញ និងការងារ ២០២៣ ដែលរៀបចំឡើងដោយវិទ្យាស្ថានធនាគារ និងហិរញ្ញវត្ថុ កាលពីថ្ងៃទី ២៩ និងទី ៣០ ខែកញ្ញា កន្លងទៅនេះ មានការចូលរួមពីសិស្សនិស្សិត និងអ្នកស្វែងរកការងារក្នុងវិស័យធនាគារជាង ៤០០០ នាក់។ កម្មវិធីនេះធ្វើនៅសាកលវិទ្យាល័យជាតិគ្រប់គ្រង ក្រោមកិច្ចសហការជាមួយសមាគមធនាគារនៅកម្ពុជា (ABC) និងមជ្ឈមណ្ឌលការងារ នៃការងារសាកលវិទ្យាល័យជាតិគ្រប់គ្រង។
![](https://www.kampucheathmey.com/wp-content/uploads/2023/10/DSC09739-1024x683.jpg)
លោក ស៊ូ វិសាល នាយកគ្រប់គ្រង វិទ្យាស្ថានធនាគារ និងហិរញ្ញវត្ថុ (IBF) បាននិយាយថា៖ «នាឱកាសនេះ IBF ក៏បានសហការជាមួយមជ្ឈមណ្ឌលការងារ NUM Career Center និង អ្នកជំនាញក្នុងវិស័យ ក្នុងការរៀបចំជាពិសេស វគ្គបណ្តុះបណ្តាលខ្លីៗ ទាក់ទងទៅនឹងជំនាញទន់ និងជំនាញរឹង ក្នុងការត្រៀមចាប់យកឱកាសការងារ ក្នុងវិស័យធនាគារនិងហិរញ្ញវត្ថុនៅពេលបច្ចុប្បន្ន និងពេលអនាគត»។
![](https://www.kampucheathmey.com/wp-content/uploads/2023/10/IMG_5838-1024x742.jpg)
ដើម្បីជាការលើកកម្ពស់វិស័យធនាគារ និងហិរញ្ញវត្ថុ លោក ទូច វិសាលសុខ រដ្ឋលេខាធិការក្រសួងអប់រំ យុវជន និងកីឡា ក៏បានលើកទឹកចិត្ត និងផ្តល់នូវទស្សន:ចំនួន៣ ដល់អ្នកចូលរួម ដូចជា ទី១ ការចូលរួមអភិវឌ្ឍធនធានមនុស្ស លើមុខជំនាញធនាគារ និងហិរញ្ញវត្ថុ តាមរយ:ការលើកទឹកចិត្តយុវជនជំនាន់ក្រោយឱ្យជ្រើសរើសមុខជំនាញនេះ ការពង្រឹងគុណភាពអប់រំបណ្តុះបណ្តាលនៅគ្រប់កម្រិត ការអនុវត្តយុទ្ធសាស្ត្រទាក់ទាញ និងរក្សាបុគ្គលឆ្នើម ការពង្រឹងការស្រាវជ្រាវ និងអភិវឌ្ឍន៍។
![](https://www.kampucheathmey.com/wp-content/uploads/2023/10/DSC00483-1024x683.jpg)
ទី២ ស្ថាប័នធនាគារ និងហិរញ្ញវត្ថុចូលរួមយ៉ាងសកម្ម ក្នុងការផ្តល់លទ្ធភាពដល់និស្សិត ការហ្វឹកហាត់ការងារកំឡុងពេលសិក្សា ហើយថែមទាំងបានផ្ដល់ប្រាក់ឧបត្ថមសមរម្យ ដែលជួយសម្រួលដល់ការសិក្សារបស់ពួកគេ។ ទី៣សាកលវិទ្យាល័យជំរុញការលើកទឹកចិត្តឱ្យបង្កើន និងពង្រឹងកិច្ចសហការរវាងវិស័យសាធារណ: វិស័យឯកជន វិស័យអប់រំ និងដៃគូអភិវឌ្ឍក្នុងការលើកកម្ពស់កម្មវិធីសិក្សា។
ជាមួយគ្នានេះដែរ លោក ទូច វិសាលសុខ ក៏បានអំពាវនាវដល់គ្រឹះស្ថានឧត្តមសិក្សាក្នុងស្រុកនានា ចូលរួមសហការជាមួយវិទ្យាស្ថានធនាគារ និងហិរញ្ញវត្ថុ (IBF) ដើម្បីពង្រឹងសមត្ថភាពនិស្សិតក្នុងវិស័យនេះឱ្យកាន់តែមានសក្ដានុពល ហើយពោរពេញទៅដោយវិជ្ជាជិវៈ ឲ្យមានការងារគ្រប់ៗគ្នា បន្ទាប់ពីបានបញ្ចប់ការសិក្សា។ លោក ទូច វិសាលសុខ ក៏បានលើកទឹកចិត្តឱ្យវិទ្យាស្ថានធនាគារនិងហិរញ្ញវត្ថុ (IBF) បន្តចូលរួមផ្តល់គ្រាប់ពូជមូលធនដល់គ្រឹះស្ថានធនាគារ និងហិរញ្ញវត្ថុ តាមរយៈការដើរតួនាទីជាវិទ្យាស្ថានអភិវឌ្ឍន៍ជំនាញបន្ទាប់ពីការសិក្សាក្នុងសាលា និងការប្រកួតប្រជែងផ្សេងៗលើវិស័យនេះ។
![](https://www.kampucheathmey.com/wp-content/uploads/2023/10/DSC09695-1024x683.jpg)
សូមជម្រាបថា ព្រឹត្តិការណ៍ពិព័រណ៍ជំនាញ និងការងារ មានគ្រឹះស្ថានធនាគារនិងមីក្រូហិរញ្ញវត្ថុជិត ២០ ស្ថាប័នចូលរួម និងបានផ្តល់ឱកាសដល់ភាគីពាក់ព័ន្ធ ដើម្បីពិភាក្សា ចែករំលែកបទពិសោធន៍ និងឧត្តមានុវត្តន៍ ព្រមទាំងរួមគ្នា ដោះស្រាយបញ្ហាប្រឈម តួយ៉ាងពាក់ព័ន្ធទៅនឹងតម្រូវការធនធានក្នុងវិស័យធនាគារ ដែលកំពុងកើតមានឡើងនាពេលបច្ចុប្បន្ន និងសម្រាប់អនុវត្តនាពេលខាងមុខ៕
![](https://www.kampucheathmey.com/wp-content/uploads/2023/10/image-210-1024x682.png)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច