សម្ដេចតេជោ និងសម្ដេចកិត្តិព្រឹទ្ធបណ្ឌិតផ្ដល់ជំនួយអង្ករ ១០០ តោនសង្រ្គោះពលរដ្ឋប៉ះពាល់ដោយទឹកជំនន់នៅខេត្តពោធិ៍សាត់

អំណោយអង្ករចំនួន ១០០ តោន របស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែនតាមរយៈអ្នកឧកញ៉ា ទ្រី ភាព ផ្ដល់ជូនដល់រដ្ឋបាលខេត្តពោធិ៍សាត់សម្រាប់ចែកជូនដល់បងប្អូនប្រជាពលរដ្ឋដែលរងគ្រោះដោយទឹកជំនន់។

លោក ខូយ រីដា អភិបាលនៃគណៈអភិបាលខេត្តពោធិ៍សាត់ក្នុងនាមប្រជាជនទូទាំងខេត្តពោធិ៍សាត់ សូមសម្ដែងនូវការអរគុណ និងដឹងគុណយ៉ាងធំធេងចំពោះសម្ដេចទាំងទ្វេ ក៏ដូចជាសម្ដេចមហាបវរធិបតី ហ៊ុន ម៉ាណែត ប្រមុខរាជរដ្ឋាភិ​បាល ដែលតែងតែគិតគូយកចិត្តទុកដាក់ខ្ពស់ចំពោះសុខទុកបងប្អូនប្រជាពលរដ្ឋគ្រប់ពេលវេលា ទោះស្ថិតក្នុងកាលៈ​ទេសៈណាក៏ដោយពោលគឺមិនបណ្ដោយឲ្យពលរដ្ឋរបស់សម្ដេចណាម្នាក់រងទុក្ខលំបាកដោយការអត់ឃ្លានឡើយ។

សូមបញ្ជាក់ថា ពិធីប្រគល់ និងទទួលអង្ករចំនួន១០០តោនខាងលើនេះធ្វើឡើងនៅនៅព្រឹកថ្ងៃទី ០៤ ខែកញ្ញា ឆ្នាំ២០២៣ នៅសាលាខេត្តពោធិ៍សាត់ ដោយមានការចូលរួមពីសំណាក់លោក ខូយ រីដា អភិបាលខេត្តពោធិ៍សាត់ លោក ឃៀង សុជីវន្តតំណាងអ្នកឧកញ៉ា ទ្រីភាព ប្រធានក្រុមហ៊ុនទ្រីភាពគ្រុប និងលោកលោកស្រីជាអភិបាលរងមន្រ្តីរាជការសាលាខេត្តផងដែរ៕

អត្ថបទ៖ លាន គ្រន