នាយករដ្ឋមន្ត្រី អំពាវនាវអាជីវករលក់ចំណីអាហារនៅតាមសាលារៀន សូមគិតគូរអំពីបញ្ហាសុខភាពរបស់សិស្សានុសិស្ស

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអំពាវនាវដល់អាជីវករលក់ដូរចំណីអាហារ នៅតាមសាលារៀន សូមគិតគូរអំពីបញ្ហាសុខភាពរបស់សិស្សានុសិស្ស ដែលជាអ្នកបរិភោគ។ ការអំពាវនាវនេះ គ្រាដែលសម្ដេចធិបតី ហ៊ុន ម៉ាណែត អញ្ជើញជាអធិបតីក្នុងពិធីអបអរសាទរទិវាគ្រូបង្រៀន ៥តុលា ២០២៣ នាព្រឹកថ្ងៃទី ៥ ខែតុលា ឆ្នាំ ២០២៣នេះ។     

សម្ដេចនាយករដ្ឋមន្ត្រី មានប្រសាសន៍ថា «សុខភាពនេះ ខ្ញុំសូមអំពាវនាវផងដែរដល់បងប្អូន ដែលលក់ដូរនៅតាមសាលា គួរគិតមើលអាហ្នឹងផង​ តាមលទ្ធភាពព្រោះសាលាមួយៗ ខ្ញុំមិនទៅឲ្យក្រសួងអប់រំទៅពិន័យទៅអីទេ ប៉ុន្តែសូមលើកទឹកចិត្តឲ្យគិត អាហារអីឧទាហរណ៍ថា អាខ្លាញ់អីច្រើនពេកហ្នឹង កុំនេះវាយើងលក់ដូចតែគ្នាតើ ប៉ុនរវាងចេកអាំង និងចេក ចៀន ចេកចៀនឆ្ញាញ់ជាងហើយ ប៉ុនពេលខ្លះយើងលើកទឹកចិត្តលក់ចេកអាំងច្រើនតិចទៅ វាអត់សូវលំបាក»៕