Connect with us

ព័ត៌មានជាតិ

អភិបាលរងខេត្តស្វាយរៀង ជំរុញពលរដ្ឋចូលលរួមថែរក្សាបរិស្ថាននៅសហគមន៍របស់ខ្លួន

បានផុស

នៅ

លោក សេង សីលា អភិបាលរងខេត្តស្វាយរៀង នៅព្រឹកថ្ងៃទី៥ ខែតុលា ឆ្នាំ២០២៣ បានជំរុញដល់មហាជនទូទៅត្រូវចេះស្រឡាញ់បរិស្ថានស្អាត និងត្រូវចូលរួមថែរក្សាបរិស្ថាននៅក្នុងសហគមន៍ដែលខ្លួនកំពុងរស់នៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សេង សីលា អភិបាលរងខេត្ត បានជំរុញដូច្នេះ ក្នុងឱកាសអញ្ជើញជាអធិបតីនៅក្នុងទិវាទេសចរណ៍ពិភពលោក លើកទី៤៣ ក្រោមប្រធានបទ “ទេសចរណ៍ និងការវិនិយោគបៃតង ព្រមទាំងអបអរទិវាពិភពលោកស្អាតលើកទី៦” ដែលពិធីនេះបានប្រារព្ធធ្វើឡើងនៅមាត់ច្រកទា្វរព្រំដែនអន្តរជាតិបាវិត ក្រុងបាវិត ខេត្តស្វាយរៀង។

ពិធីនេះ ក៏មានការចូលរួមពីសំណាក់លោក លឹម សៀងហេង អភិបាលក្រុងបាវិត លោក-លោកស្រី ជាអភិបាលរងក្រុង លោកនាយរងប៉ុស្តិ៍មាត់ច្រកទ្វារព្រំដែនអន្តរជាតិ លោក លោកស្រី ជាប្រធានអនុប្រធានស្ថាប័ននានាដែលមានការពាក់ព័ន្ធ លោកគ្រូ អ្នកគ្រូ សិស្សានុសិស្ស យុវជនកាយរឹទ្ធិ យុវជនកាកបាទក្រហម យុវជនស.ស.យ.ក ជាច្រើនរូបទៀត។

លោក សេង សីលា បានបន្តថា សម្រាប់ក្រុងបាវិតនេះ គឺត្រូវបំផុសឱ្យមហាជនកុំចោលសំរាមពាសវាលពាសកាលត្រូវវេចខ្ចប់កាកសំណល់ដាក់នៅក្នុងធុងសំរាម ដើម្បីងាយស្រួលក្នុងការប្រមូល ហើយត្រូវយកចិត្តទុកដាក់ចំពោះការបញ្ចេញកាកសំណល់រាវ និងផលប៉ះពាល់ពីសំណល់រាវ ដោយត្រូវរៀបចំរីហ្គែសម្រាប់ស្តុកកាកសំណល់រាវ និងអាងចម្រោះទឹកកខ្វក់ចេញពីបណ្ដារោងចក្រសហគ្រាសក្រុមហ៊ុនមជ្ឈមណ្ឌលកម្សាន្តផ្សេងៗឱ្យបានត្រឹមត្រូវ ដើម្បីកុំឱ្យមាន ផលប៉ះពាល់ដល់បរិស្ថាន។

លោកអភិបាលរងខេត្ត បានបញ្ជាក់ថា ដោយឡែកខេត្តស្វាយរៀង បាននិយាយអំពីសក្តានុពលទេសចរណ៍ជាលក្ខណៈអន្តរជាតិ ជាប្រវត្តិសាស្រ្តនោះ ខេត្តពុំមានអំណោយផលប៉ុន្មានទេ ប៉ុន្តែខាងផ្នែកឧស្សាហកម្មទេសចរណ៍ខេតស្វាយរៀងបាននិងកំពុងអភិវឌ្ឍន៍ខ្លួនទៅជាបណ្ដាបណ្ដើរ។ ដើម្បីក្លាយទៅជាតំបន់ទាក់ទាញទេសចរណ៍សំខាន់ក្នុងចំណោមតំបន់គោលដៅទាក់ទាញទេសចរណ៍ដទៃទៀតនៅក្នុងប្រទេស ជាពិសេសៗនៅក្រុងបាវិត នាពេលបច្ចុប្បន្ន គឺប្រមូលផ្ដុំទៅដោយសំណង់អាគារប្រណិត រោងចក្រ សហគ្រាស សណ្ឋាគារ ផ្ទះសំណាក់ ភោជនីយដ្ឋាន អាហារដ្ឋាន កន្លែងកម្សាន្តដែលចាត់ទុកថា នេះជាសមិទ្ធផលទេសចរណ៍ គឺជាមូលដ្ឋានសម្រាប់បម្រើឲ្យភ្ញៀវទេសចរណ៍ជាតិ និងភ្ញៀវទេសចរណ៍អន្តរជាតិ។

លោកបន្តថា សម្រាប់បងប្អូនប្រជាពលរដ្ឋនិងភ្ញៀវទេសចរណ៍ ធ្វើផ្លូវក្រាលកៅស៊ូដាក់ប្រព័ន្ធលូតូបណ្ដាញទឹកស្អាតនិងដាក់អំពូលភ្លើងតាមសួនច្បារភ្លើងស្តុបតាមដងវិថីក្នុងគោលបំណងលើកកម្ពស់សោភ័ណភាពទីក្រុងទីប្រជុំជនក្នុងខេត្ត និងគម្រោងអភិវឌ្ឍន៍ជាច្រើនទៀតដែលនឹងត្រៀមលេចរូបរាងឡើងនាពេលខាងមុខដ៏ខ្លី៕

ដោយៈ ភក្ដី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២០ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានអន្ដរជាតិ៣ ម៉ោង មុន

ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

ព័ត៌មានជាតិ២២ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ២៣ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម