ព័ត៌មានជាតិ
វេទិកាផ្គូផ្គងរវាងអ្នកផលិតនិងអ្នកទិញចលនាភូមិមួយផលិតផលមួយរៀបចំបាន ១០ ខេត្ត គ្រោងបញ្ចប់ ១៥ ខេត្តក្រុង
វេទិកាផ្គូផ្គងរវាងអ្នកផលិតនិងអ្នកទិញចលនាភូមិមួយផលិតផល រហូតពេលនេះរៀបចំបញ្ចប់នៅខេត្តចំនួន ១០ និងបន្តនៅខេត្តក្រុងចំនួន ៥ ទៀតជាបន្តបន្ទាប់។
ឆ្នាំនេះវេទិកាផ្គូផ្គងរវាងអ្នកផលិត និងអ្នកទិញ និងការតាំងបង្ហាញផលិតផលក្នុងស្រុក គ្រោងរៀបចំនៅ ១៥ ខេត្ត-ក្រុង រួមមាន ខេត្តសៀមរាប កំពង់ឆ្នាំង បាត់ដំបង បន្ទាយមានជ័យ កំពង់ចាម ឧត្តរមានជ័យ កណ្តាល កំពត ពោធិ៍សាត់ កំពង់ធំ ត្បូងឃ្មុំ ស្ទឹងត្រែង កំពង់ស្ពឺ ស្វាយរៀង និងរាជធានីភ្នំពេញ។
លោកបណ្ឌិត សួង ណយ អគ្គលេខាធិការរង គណៈកម្មាធិការជាតិជំរុញចលនាភូមិមួយផលិតមួយនៃទីស្ដីការគណៈរដ្ឋមន្ដ្រីបានឲ្យកម្ពុជាថ្មីដឹងនៅព្រឹកនេះថា ការរៀបចំវេទិកាផ្គូផ្គងរវាងអ្នកផលិតនិងអ្នកទិញចលនាភូមិមួយផលិតផល ឆ្នាំនេះគ្រោងរៀបចំចំនួន ១៥ ខេត្តក្រុង ដោយមកដល់ពេលនេះរៀបចំបានចំនួន ១០ ខេត្ត និងបន្តនៅខេត្តក្រុងចំនួន ៥ ទៀតជាបន្តបន្ទាប់។
លោកបណ្ឌិត សួង ណយ អគ្គលេខាធិការរងគណៈកម្មាធិការជាតិជំរុញចលនាភូមិមួយផលិតមួយ នៃទីស្ដីការគណៈរដ្ឋមន្ដ្រី
«យើងរៀបចំបានចំនួន ១០ ខេត្ត នៅសល់រាជធានីភ្នំពេញ ខេត្តត្បូងឃ្មុំ ខេត្តស្ទឹងត្រែង ខេត្តស្វាយរៀង និងខេត្តឧត្តរមានជ័យ នឹងរៀបចំបន្តបន្ទាប់ទៀត»។
លោកបណ្ឌិតបានបញ្ជាក់ថា វេទិកាផ្គូផ្គងរវាងអ្នកផលិត និងអ្នកទិញនិងការតាំងបង្ហាញផលិតផលក្នុងស្រុក គឺដើម្បីកៀរគរសក្ដានុពលសេដ្ឋកិច្ចនៃផលិតផល និងសេវាកម្មក្នុងស្រុក ដើម្បីលើកកម្ពស់ជីវភាពរស់នៅរបស់ប្រជាពលរដ្ឋ និងសហគមន៍មូលដ្ឋាន។
«យើងធ្វើការកសាងបណ្តាញទីផ្សារ ដើម្បីឲ្យប្រទាក់ក្រឡាគ្នារវាងអ្នកផលិត និងអ្នកទិញយកទៅប្រើប្រាស់ កែច្នៃវេចខ្ចប់ ផលិតផលក្នុងស្រុក ដើម្បីលក់បន្តនិងឈានទៅការនាំចេញ។ លើសពីនេះ យើងទាក់ទងជាមួយអាជ្ញាធរនិងសា្ថប័នពាក់ព័ន្ធដើម្បីកសាងបរិយាកាសអំណោយផលសម្រាប់ផលិតផលក្នុងស្រុកឱ្យរីកចម្រើន។ នេះនាំឱ្យមានការអភិវឌ្ឍសេដ្ឋកិច្ចប្រកបដោយនិរន្តរភាពក្នុងប្រទេស»។
លោកបណ្ឌិត សួង ណយ បន្តថា ការដឹកនាំគំនិតផ្ដួចផ្ដើមឱ្យមានជំនួបរវាងផលិតផល និងអ្នកទិញមានគោលបំណងកាត់បន្ថយគម្លាតរវាងអ្នកផលិតក្នុងស្រុក និងអ្នកទិញសក្ដានុពល។
តាមរយៈការបង្កើតយន្តការតភ្ជាប់បណ្ដាញប្រទាក់ក្រឡាគ្នាពីអ្នកផ្គត់ផ្គង់វត្ថុធាតុដើម អ្នកកែច្នៃវេចខ្ចប់ អ្នកប្រមូលផ្ដុំផលិតផល (ពីកសិដ្ឋានរហូតដល់តុបាយពីសិប្បកររហូតដល់អ្នកប្រើប្រាស់) ពួកគាត់អាចសិក្សាស្វែងយល់ដកស្រង់បទពិសោធន៍ពីគ្នាទៅវិញទៅមក។ ណែនាំអ្នកផលិតទៅកាន់ទីផ្សារ ដោះស្រាយបញ្ហាជាមួយស្ថាប័នពាក់ព័ន្ធ ក្នុងការចុះបញ្ជីឬច្បាប់គតិយុត្តិផ្សេងៗ និងជំរុញឱកាសពាណិជ្ជកម្មឱ្យកាន់តែមានទំនុកចិត្ត និងរួមចំណែកដល់ការអភិវឌ្ឍន៍សេដ្ឋកិច្ចនៃខេត្តនិងប្រទេសកម្ពុជាទាំងមូលនិងបង្កើនកម្រិតជីវភាពរបស់សហគមន៍មូលដ្ឋានផងដែរ។
បើតាមលោកបណ្ឌិត សួង ណយ រហូតមកដល់ពេលនេះមានមុខទំនិញ ផលិតផល កសិផលក្នុងចលនាភូមិមួយផលិតផលមួយចំនួនជាង ៦០០ មុខ ត្រូវបានចុះបញ្ជីនិងបច្ចុប្បន្នកំពុងបន្តចុះបន្ថែមទៀត៕
Apple លក់ iPhone បញ្ចុះតម្លៃនៅចិន ខណៈទីផ្សារស្មាតហ្វូនប្រទេសនេះកាន់តែប្រកួតប្រជែង
ឈប់សម្រាក៥ថ្ងៃមុនឆ្លងឆ្នាំនៅថៃ គ្រោះថ្នាក់ចរាចរណ៍ ផ្តាច់ជីវិតមនុស្ស ២១៥នាក់
ស្នងការរាជធានីនឹងប្រើវិធានការក្តៅជាងមុនក្នុងឆ្នាំ២០២៥ ដើម្បីបង្ក្រាបក្រុមក្មេងទំនើងឲ្យដល់ឬសគល់
រដ្ឋមន្ត្រីមហាផ្ទៃបញ្ជាឱ្យបង្កើតក្រុមចល័តចុះពិនិត្យឡានម៉ូតូពាក់ស្លាកលេខក្លែងក្លាយ
ក្រោយឃាត់ខ្លួនបញ្ជូនទៅតុលាការ អ្នកបំពានបម្រាមផ្សាយល្បែងអនឡាញ៤នាក់ ត្រូវនាំទៅឃុំនៅពន្ធនាគារ
ខ្មាន់កាំភ្លើងបាញ់សម្លាប់មនុស្សយ៉ាងរង្គាលនៅថ្ងៃចូលឆ្នាំថ្មី ក្នុងប្រទេស ម៉ុងតេណេហ្គ្រោ
លោក សៅ សុខា បញ្ជាឲ្យឃាត់ខ្លួនមេបញ្ជាការរងកងរាជអាវុធហត្ថខេត្តតាកែវម្នាក់ និងមន្ដ្រី២នាក់ ទៅសួរនាំ
៥ស្រុកនៅថៃ ប្រកាសអាសន្ន ដាក់ចូលជាតំបន់ក្រហមដោយសារ ហានិភ័យជំងឺអាសន្នរោគ
ការដឹកឧស្ម័នរបស់រុស្ស៊ីទៅអឺរ៉ុបឆ្លងកាត់អ៊ុយក្រែន ត្រូវបញ្ឈប់ជាផ្លូវការហើយ!
ត្រីប្រហុកចាប់ផ្ដើមត្រូវម្ដងទៀត ចាប់ពីថ្ងៃនេះ
-
ជីវិតកម្សាន្ដ៣ ថ្ងៃ agoZhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
-
សន្តិសុខសង្គម៧ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានអន្ដរជាតិ៤ ថ្ងៃ agoប៉ូលិសខេត្តចាន់ថាបុរី ចាប់ខ្លួនជនសង្ស័យដែលភ្នាល់ Influencer ថៃ ឲ្យផឹកស្រាដល់ស្លាប់
-
សន្តិសុខសង្គម៧ ថ្ងៃ agoឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
-
ព័ត៌មានអន្ដរជាតិ៧ ថ្ងៃ agoអាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
-
ព័ត៌មានអន្ដរជាតិ៧ ម៉ោង agoខ្មាន់កាំភ្លើងបាញ់សម្លាប់មនុស្សយ៉ាងរង្គាលនៅថ្ងៃចូលឆ្នាំថ្មី ក្នុងប្រទេស ម៉ុងតេណេហ្គ្រោ
-
ព័ត៌មានជាតិ២ ម៉ោង agoលោក សៅ សុខា បញ្ជាឲ្យឃាត់ខ្លួនមេបញ្ជាការរងកងរាជអាវុធហត្ថខេត្តតាកែវម្នាក់ និងមន្ដ្រី២នាក់ ទៅសួរនាំ
-
ព័ត៌មានអន្ដរជាតិ៦ ម៉ោង ago៥ស្រុកនៅថៃ ប្រកាសអាសន្ន ដាក់ចូលជាតំបន់ក្រហមដោយសារ ហានិភ័យជំងឺអាសន្នរោគ