Connect with us

ព័ត៌មានជាតិ

ប្រជាពលរដ្ឋរងគ្រោះជំនន់ទឹកភ្លៀង ១៦២គ្រួសារ ក្នុងស្រុកជីក្រែង ទទួលអំណោយកាក់បាទក្រហម

បានផុស

នៅ

ប្រជាពលរដ្ឋរងគ្រោះដោយជំនន់ទឹកភ្លៀងចំនួន ២ឃុំ មានចំនួន ១៦២គ្រួសារ ត្រូវបានទទួលអំណោយពី សាខាកាកបាទ ក្រហមកម្ពុជា ខេត្តសៀមរាប នៅព្រឹកថ្ងៃទី០៨ ខែតុលា ឆ្នាំ២០២៣ ក្រោមវត្តមាន លោកស្រី ទុយ ជិ ប្រាក់ សោភ័ណ អនុប្រធានគណៈកម្មាធិការសាខាកាកបាទក្រហមកម្ពុជាខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីរាយការណ៍របស់ លោក បូ  មេងគ្រី ប្រធានអនុសាខាកាកបាទក្រហមស្រុកជីក្រែង បានឱ្យដឹងថា  ដោយ ស្ថានភាពភ្លៀងធ្លាក់ជាប់គ្នា ចាប់ពីថ្ងៃទី៣០ កញ្ញា មកដល់ថ្ងៃទី៧ តុលា នេះ បានធ្វើឱ្យភូមិសាស្ត្រមួយចំនួនក្នុងស្រុកជីក្រែង រងការលិចលង់ដោយជំនន់ទឹកភ្លៀង ក្នុងនោះឃុំជីក្រែង និង ឃុំពង្រក្រោម បានរងផលប៉ះពាល់ធ្ងន់ជាងបណ្តាឃុំផ្សេងៗដែលមាន ១៦២គ្រួសារ បានរងការលិចលង់ផ្ទះសម្បែង។ ក្នុងនោះប៉ះពាល់ដំណាំស្រូវ ៩១២៧ហិកតា លើ ១២ឃុំ ស្មើ ១២០ភូមិ មាន ៦៤៣៤គ្រួសារ, ប៉ះពាល់ដំឡូងមីប្រមាណ ៨១៣ហិកតា លើ ៤ឃុំ មាន ២៩ភូមិ ស្មើ ១២០៨គ្រួសារ និងលិចទំនប់ប្រឡាយ ប្រវែង ៧១ ០០៧ម៉ែត្រ, ងាប់គោ ២ក្បាល និង មាន់ទា ៤១១៤ក្បាល។

មានប្រសាសន៍នាឱកាសនោះ លោកស្រី ទុយ ជិ ប្រាក់សោភ័ណ បានពាំនាំនូវការផ្ដាំផ្ញើសួរសុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជា លោក ប្រាក់ សោភ័ណ ប្រធានគណៈកម្មាធិការសាខា ដែលតែងតែយកចិត្តទុកដាក់គិតគូរខ្ពស់ចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយ។

លោកស្រីបានបន្ថថា គ្រោះមហន្តរាយដោយធម្មជាតិ គ្មាននរណាម្នាក់ចង់ជួបប្រទះឡើយ នេះគឺជាប្រធានស័ក្តដែលបង្កឡើងដោយធម្មជាតិ។ ថ្វីត្បិតតែអំណោយមានចំនួនតិចតួច មិនគ្រប់គ្រាន់ឆ្លើយតបទៅនឹងការខ្វះខាតក្តី តែវាជាទឹកចិត្តមនុស្សធម៌ជួយគ្នា ដើម្បីសម្រាលនូវការលំបាកជាបណ្តោះអាសន្នបានមួយចំណែក ព្រមទាំងជាការបង្ហាញនូវការយកចិត្តទុកដាក់ចំពោះប្រជាពលរដ្ឋគ្រប់រូបពីសំណាក់ថ្នាក់ដឹកនាំ។

លោកស្រី បញ្ជាក់ថា ស្ថិតនៅក្នុងរដូវវស្សា ដែលរងឥទ្ធិពលយ៉ាងខ្លាំងពីការប្រែប្រួលអាកាសធាតុ សូមបង្កើនការប្រុងប្រយ័ត្នពីគ្រោះមហន្តរាយដោយធម្មជាតិ មានខ្យល់កន្ត្រាក់ ទឹកជំនន់ រន្ទះជាដើម និងសូមប្រុងប្រយ័ត្នចំពោះសុខភាពផ្ទាល់ខ្លូន ក៏ដូចជាកូនចៅផង បើឃើញសភាពមិនស្រួល ត្រូវប្រញាប់ទៅមន្ទីរពេទ្យ ឬមណ្ឌលសុខភាពដែលនៅជិតផ្ទះ ដើម្បីពិគ្រោះ និងព្យាបាលបានទាន់ពេលវេលា។

អំណោយមនុស្សធម៌ផ្តល់ជូនប្រជាពលរដ្ឋទាំង ១៦២គ្រួសា មាន អង្គរ មី ត្រីខ អំបិល ស្ករស ទឹកត្រី មុង ភួយ សារុង ក្រមា និង ថវិកា ៥ម៉ឺនរៀល៕                                               

អត្ថបទ៖ គឿនវេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៤ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២១ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានអន្ដរជាតិ៤ ម៉ោង មុន

ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

ព័ត៌មានជាតិ២៣ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ២៤ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម