ព័ត៌មានជាតិ
ការនាំចេញផ្លែឈើស្រស់ទៅទីផ្សារចិន ប្រឈមបញ្ហា ៥ ចំណុច
ចិន គឺជាទីផ្សារសេដ្ឋកិច្ចលំដាប់ទី២ លើពិភពលោកដែលបានផ្តល់លទ្ធភាពក្នុងការនាំចូលផលិតផលកសិកម្មពីកម្ពុជា ជាមួយនឹងការសម្រួលពាណិជ្ជកម្ម តាមរយៈកិច្ចព្រមព្រៀងពាណិជ្ជកម្ម អាស៊ាន-ចិន និងទ្វេភាគីកម្ពុជា-ចិន។ ប៉ុន្តែរាល់ទំនិញ និងផលិតផលនានា អាចនាំចេញទៅកាន់ទីផ្សារប្រទេសចិនបាន ទាមទារឲ្យសិក្សាអំពីតម្រូវការទីផ្សារ ក៏ដូចជាលក្ខណៈតម្រូវការចាំបាច់ផ្សេងៗ ដែលកំណត់ដោយប្រទេសចិននិងអ្នកប្រើប្រាស់ផងដែរ។
បើតាម «គោលការណ៍ណែនាំ សម្រាប់ការនាំផ្លែឈើស្រស់ត្រូពិកទៅប្រទេសចិន» ការនាំចេញផ្លែឈើស្រស់ទៅកាន់ទីផ្សារប្រទេសចិនប្រឈមបញ្ហា ៥ ចំណុច។
ទី១. ស្តង់ដាររបស់អ្នកបរិភោគ
អ្នកបរិភោគជនជាតិចិន មានតម្រូវការស្តង់ដារខ្ពស់លើគុណភាពផ្លែឈើស្រស់ និងហ៊ានចាយប្រាក់លើផលិតផលដែលល្អបំផុត។ ចំណុចនេះមានន័យថា ផ្លែឈើដែលនាំចូលក្រោមកម្រិតស្តង់ដាអាចពិបាកទទួលបានតម្លៃដែលចង់បាននៅប្រទេសចិន និងបាត់បង់ឱកាសផ្សព្វផ្សាយលើទីផ្សារ ខណៈដែលផ្លែឈើនៅតំបន់អាស៊ីអាគ្នេយ៍មួយចំនួនមានការទទួលស្គាល់ជាផ្លែឈើដែលនាំចូលមានគុណភាពខ្ពស់រួចហើយ។
ទី២. ការទទួលបានទីផ្សារ
កង្វះទទួលស្គាល់ជាផ្លូវការ បានកម្រិតការនាំចូលផ្លែឈើពេញនិយមមួយចំនួនសម្រាប់អ្នកបរិភោគជនជាតិចិន។ ជាក់ស្ដែង គយចិនបានរឹតបន្តឹងលើការនាំចូលមិនផ្លូវការទៅក្នុងទីផ្សារចិន។ ប្រទេសឡាវ និងកម្ពុជាមានផ្លែឈើតំបន់ត្រូពិកជាច្រើនក្នុងទីផ្សារចិន តែអាចទទួលបានការអនុញ្ញាតិចូលទីផ្សារជាផ្លូវការដូចជាផ្លែចេក និងឪឡឹកតែប៉ុណ្ណោះ។
ទី៣. ការប្រកួតប្រជែង
ជាការកត់សម្គាល់មានការប្រកួតប្រជែងក្នុងចំណោមអ្នកនាំចេញផ្លែឈើវៀតណាម ឡាវ និងកម្ពុជា។ នៅពេលដែលប្រទេសឡាវ និងកម្ពុជា អាចបង្កើតមូលដ្ឋានពាណិជ្ជកម្មផលិតកម្មផ្លែឈើកាន់តែចាស់ទុំជាមុន នោះប្រទេសទាំងពីរអាចក្លាយជាគូប្រកួតប្រជែងជាមួយប្រទេសវៀតណាម ដែលមានតម្លៃដីនិងពលកម្មខ្ពស់។
ទី៤. ខ្សែសង្វាក់ត្រជាក់
ផ្លែឈើជាច្រើន ដែលមកពីប្រទេសឡាវ កម្ពុជា និងវៀតណាម ត្រូវដឹកជញ្ជូនតាមកុងតេន័រដែលមិនមែនជាទូត្រជាក់មកកាន់ព្រំដែនប្រទេសចិន។ ទោះបីជាផ្លែឈើត្រូវបានដឹកជញ្ជូនតាមកុងតេន័រទូត្រជាក់ក៏ដោយ តែក៏ត្រូវបានរើចេញនៅព្រំដែន និងវេចខ្ចប់ឡើងវិញដាក់ចូលកុងតេន័ររបស់ចិន ដែលបំបែកខ្សែសង្វាក់ត្រជាក់និងការបន្ថែមការលើកដាក់ផលិតផល ដែលអាចកាត់បន្ថយតម្លៃលើទីផ្សារជាដើម។
៥. បរិយាកាសវិនិយោគ
ការវិនិយោគរបស់ជនជាតិចិនក្នុងប្រតិបត្តិការចម្ការដាំដុះ និងកន្លែងវេចខ្ចប់ផ្លែឈើអាចជួយក្នុងការបង្កើនការនាំចេញបាន ដោយធានាថា ផលិតផលផ្លែឈើបំពេញតាមតម្រូវការរបស់អ្នកប្រើប្រាស់ជនជាតិចិន។ ទោះជាយ៉ាងណា ក្របខណ្ឌវិនិយោគបរទេសមានភាពខុសគ្នាទៅតាមប្រទេសផ្សេងៗហើយក៏រងឥទ្ធិពលដោយកត្តាជាច្រើនផងដែរ។
សរុបរួម គុណភាពផលិតផលគឺជាកត្តាកំណត់សំខាន់ នៃភាពជោគជ័យក្នុងការនាំចេញផ្លែឈើស្រស់ទៅកាន់ប្រទេសចិន។ គុណភាពស្ថិតនៅក្នុងចំណោមអាទិភាពដំបូងរបស់អ្នកផលិត និងអ្នកនាំចេញ ហើយក៏ត្រូវតែពង្រឹងបន្ថែមទៅលើបច្ចេកទេសដាំដុះ ការប្រមូលផល និងការគ្រប់គ្រងដី ត្រូវតែធានាបានថា ការចាត់ចែងក្រោយប្រមូលផល និងសេវាកម្មដឹកជញ្ជូន ស្របតាមស្តង់ដារ។ មួយវិញទៀត ត្រូវតែផ្តោតលើការស្វែងយល់ពីចំណង់ចំណូលចិត្តរបស់ជនជាតិចិន ចំពោះរសជាតិ ពណ៌ និងរូបរាងផ្លែឈើទៅតាមតម្រូវការជាក់លាក់៕
ពលរដ្ឋ និងកម្មករមកពីខេត្តកំពង់ស្ពឺ កំពង់ចាម កំពត និងខេត្តស្វាយរៀង មិនចង់ឃើញបាតុកម្មនៅកូរ៉េក្រោមរូបភាពចាញ់កលល្បិចទណ្ឌិត សម រង្ស៊ី
ក្រុមហ៊ុន KENPAX របស់ចិន គ្រោងនឹងសាងសង់រោងចក្របរិក្ខារពេទ្យដ៏ធំមួយនៅក្នុងស្រុកជុំគីរី ខេត្តកំពត
ផ្លូវហ្សាលឌឺហ្គោល (ផ្លូវ២១៧) នឹងត្រូវរៀបចំសណ្តាប់ធ្នាប់ រួមជាមួយផ្លាស់ប្តូរការ៉ូឡាថ្មី ដើម្បីយកធ្វើជាផ្លូវគំរូ
លោកជំទាវ ហ៊ុន ម៉ាណា ប្រគល់អគារទីចាត់ការ អគារបណ្ណាល័យ បន្ទប់ទឹក និងផ្ដល់អាហារ១ពេលដល់សិស្សានុសិស្ស នៃសាលាបឋមសិក្សាទួលចំប៉ី ក្នុងស្រុកកំពង់សៀម ខេត្តកំពង់ចាម
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
រុស្ស៊ី បានដៃ បាញ់មីស៊ីលស្រោចលើអ៊ុយក្រែន ចំពេល ត្រាំ និង ហ្សេលេនស្គី កំពុងឈ្លោះគ្នា
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
បារាំង-អង់គ្លេស ចេញមុខកែនទ័ពអឺរ៉ុប៣ម៉ឺននាក់ បញ្ជូនទៅអ៊ុយក្រែន ធ្វើឲ្យរុស្ស៊ី ក្តៅឆេវ
អធិការរងខណ្ឌ ៧ មករា ម្នាក់ បើករថយន្តធ្លាក់ស្ពាន ស្លាប់មនុស្សម្នាក់ និងរបួសធ្ងន់-ស្រាល ៤ នាក់
មន្ត្រីអាមេរិកប្រាប់អ៊ុយក្រែន ឲ្យឈប់ឈ្លោះជាមួយ ត្រាំ ហើយងាកមកស៊ីញ៉េកិច្ចព្រមព្រៀងផ្តល់ធនធានរ៉ែវិញ
-
ព័ត៌មានជាតិ៤ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៦ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៤ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៥ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៤ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ សប្តាហ៍ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ព័ត៌មានជាតិ១ សប្តាហ៍ agoកម្ចីប្រាក់តាមអនឡាញខុសច្បាប់ រដ្ឋមន្ត្រីមហាផ្ទៃ ប្រាប់ពលរដ្ឋ «កុំសង» បើគេរករឿង ប្ដឹងមកសមត្ថកិច្ច
-
ចរាចរណ៍២ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់