ព័ត៌មានជាតិ

លោក ហាស់ សារ៉េត ចុះជួបពិនិត្យមើលវឌ្ឍនភាពនឹងសំណេះសំណាលជាមួយសហគមន៍កសិកម្មមានជ័យ

បានផុស

១ year មុន

នៅ

ថ្ងៃអង្គារ ១០ តុលា ២០២៣

ដោយ

នាព្រឹកថ្ងៃទី៩ ខែតុលា ឆ្នាំ២០២៣ នៅមជ្ឈមណ្ឌលប្រមូលផ្តុំ និងតាំងលក់ផលិតផលកសិកម្ម របស់សហគមន៍កសិកម្មមានជ័យ លោក ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់នឹងនេសាទអមដំណើរដោយលោក ទឹម បូរក្ស អនុរដ្ឋលេខាធិការ បានអញ្ជើញចុះជួប ពិនិត្យមើលការងារផលិកម្មនឹងប្រព័ន្ធខ្សែច្រវាក់ទីផ្សាររបស់សហគមន៍កសិកម្មមានជ័យ ស្ថិតនៅ ឃុំធាយ ស្រុកបាភ្នំ ខេត្តព្រៃវែង ដោយមានការអញ្ជើញចូលរួមផងដែរពីលោកប្រធានមន្ទីរកសិកម្ម រុក្ខាប្រមាញ់ និងនេសាទខេត្ត លោកអភិបាលរងស្រុកលោកនាយក អង្គការ Helfer អន្តរះជាតិនៅកម្ពុជា លោកលោស្រីតំណាងម្ចាស់ជុំនួយរបស់អង្គការ Helfer អន្តរជាតិអញ្ជើញមកពីសហរដ្ឋអាមេរិក អាជ្ញាធរមូលដ្ឋានឃុំ និងតំណាងនឹងសមាជិកសហគមន៍ ដើម្បីពិនិត្យមើលពីវឌ្ឍនភាព និងដំណើរការផលិតកម្មនឹងទីផ្សាររបស់សងគមន៍កសិគមន៍មានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការឲ្យដឹងពីប្រធានសហគមន៍កសិកម្មមានជ័យ បានលើកឡើងថា សហគមន៍មានមុខរបរជាចម្បងចំនួន៣គឺ ទី១.ផ្គត់ផ្គង់លក់សម្ភារៈកសិកម្មដល់សមាជិកសហគមន៍ដូចជាជីកសិកម្ម ថ្នាំកសិកម្ម គ្រាប់ពូជស្រូវ និងចំណីសត្វ ទី២.លក់ផលិតផលកសិកម្មរបស់សមាជិកសហគមន៍ដូចជា មាន់ស្រែ បន្លែសុវត្ថិភាព និងសម្ភារបរិភោគផ្សេងៗទៀត និងទី៣.ការធ្វើឥណទានកសិកម្មដល់សមាជិកសហគមន៍ ដែលមានកន្លែងទីផ្សាររបស់សហគមន៍មួយកន្លែងសម្រាប់ការលក់ដូរនូវផលិតផលកសិកម្មរបស់សមាជិកសហគមន៍ផលិតបាន និងជាកន្លែងប្រមូលផ្តុំផលិតផលកសិកម្មដែលសមាជិកសហគមន៍នានាផលិតបាន លក់ទៅកាន់ទីផ្សារ ក្រៅខេត្ត ដូចជានៅភ្នំពេញជាដើម។

នៅក្នុងពេលជួបជាមួយក្រុមប្រឹក្សាភិបាលសហគមន៍ អ្នកពាក់ព័ន្ធ លោក បានមានការចាប់អារម្មណ៍ខ្ពស់និងផ្តល់ការណែនាំថា ទី១.សហគមន៍ត្រូវមានការយកចិត្តទុកដាក់បន្ថែមទៀត ទៅលើការផលិតឲ្យមានគុណភាពល្អ និងមានផលិតផលលក់ជាអចិន្ត្រៃយ៍។ ទី២.សហគមន៍ត្រូវគិតគូរជាចម្បងនូវការផលិតផ្សារភ្ជាប់ទៅកាន់ទីផ្សារ ត្រូវយកចិត្តទុកដាក់ផលិតផលណាដែលមានតម្រូវការរបស់ទីផ្សារ ហើយពង្រីកការទំនាក់ទំនងទីផ្សារឲ្យកាប់តែទូលំទូលាយ។

ទី៣.អាជ្ញាធរដែនដីគ្រប់លំដាប់ថ្នាក់ អង្គភាពជំនាញ និងដៃគូអភិវឌ្ឍនានា ចូលរួមលើកកម្ពស់និងគាំទ្រនូវចំណុចខ្វះខាតរបស់សហគមន៍ បន្ថែមដើម្បីឲ្យការអនុវត្តបន្តមានប្រសិទ្ធភាព។

ក្នុងនោះដែរ លោក ហាស់ សារ៉េតបានសំណូមពរ ដល់អាជ្ញាធរពាក់ព័ន្ធ និងមន្ត្រីជំនាញ ពាក់ព័ន្ធបន្តយកចិត្តទុកដាក់គាំទ្រដល់ដំណើរការអនុវត្តរបស់សហគមន៍ដទៃទៀត នូវសកម្មភាពមុខរបរ និងរកយន្តការឲ្យការអនុវត្តបានកាន់តែល្អប្រសើរឡើងថែមទៀត។

បន្ទាប់មកនៅរសៀលថ្ងៃដដែលនេះ លោក រួម ជាមួយ លោក ចាន់ រ៉ាន់អភិបាលរងខេត្ត ព្រៃវែង បាន បន្តជួបសូសុខទុក នឹងសំណេះសំណាលជាមួយមន្ត្រីរាជការមន្ទីរកសិកម្ម រុក្ខាប្រមាញ់នឹងនេសាទខេត្ត នឹងបានចែកជូន ឧបករណ៍សទូងជាជូរ ចំនួន 16 គ្រឿង ដល់សហគមន៍ ផលិតគ្រាប់ស្រូវ ដើម្បីយកទៅប្រើប្រាស់ ក្នុងការលើកកម្ពស់ការផលិតកម្មគ្រាប់ពូជស្រូវរបស់សហគមន៍ នានានៅក្នុងខេត្តព្រៃវែង៕

ដោយ ៖ សៅគ្រី