ព័ត៌មានជាតិ
រដ្ឋមន្ត្រីក្រសួងរៀបចំដែនដី បើកកិច្ចប្រជុំអន្ដរក្រសួង ដើម្បីត្រួតពិនិត្យវឌ្ឍនភាពការតាំងទីលំនៅថ្មីពលរដ្ឋនៅតំបន់រុនតាឯក និងតំបន់ពាក់ស្នែង
សៀមរាប ៖ លោកសាយ សំអាល់ ឧបនាយករដ្ឋមន្ដ្រី រដ្ឋមន្ដ្រីក្រសួងរៀបចំដែនដី នគរូបនីយកម្ម និងសំណង់ បានដឹកនាំកិច្ចប្រជុំអន្ដរក្រសួង ដើម្បីត្រួតពិនិត្យវឌ្ឍនភាពការតាំងទីលំនៅថ្មីរបស់ប្រជាពលរដ្ឋនៅតំបន់រុនតាឯក និងតំបន់ពាក់ស្នែង ជាពិសេសដើម្បីតាមដាន និងត្រួតពិនិត្យការងារដែលក្រុមការងារអនុវត្តក្នុងពេលកន្លងមកនៃវឌ្ឍនភាពការតាំងទីលំនៅថ្មីរបស់ប្រជាពលរដ្ឋ និងស្តាប់ការលើកឡើងនូវសំណូមពរថ្មីៗជាអន្តរវិស័យ ព្រមទាំងទិសដៅចំពោះមុខដែលត្រូវបន្តរួមគ្នាអនុវត្ត នៅថ្ងៃទី១១ ខែ តុលា ២០២៣ នៅសាលាខេត្តសៀមរាប។
មានប្រសាសន៍ក្នុងឱកាសនោះ លោកសាយ សំអាល់ បានផ្តល់អនុសាសន៍ណែនាំដល់ស្ថាប័នពាក់ព័ន្ធ និងអាជ្ញាធរខេត្តក្រុងស្រុក ត្រូវបន្តលើកទឹកចិត្តឱ្យប្រជាពលរដ្ឋដែលចាប់ឆ្នោតយកក្បាលដីឡូតិ៍ និងមិនទាន់ចាកចេញឱ្យពួកគាត់ចាកចេញទៅរស់នៅទីតាំងដែលរាជរដ្ឋាភិបាលបានរៀបចំជូនរួចហើយ។ ជាពិសេសអ្នកចំណូលថ្មី ចំពោះគ្រួសារដែលទទួលបានប័ណ្ណកម្មសិទ្ធិសម្គាល់ម្ចាស់អចលនទ្រព្យ ថ្វីត្បិតជាកម្មសិទ្ធិស្របច្បាប់ក្តីតែជាគោលការណ៍ ត្រូវកំណត់៥ឆ្នាំទើបគាត់អាចដោះដូរ ឬលក់បាន។ បន្ថែមពីនេះស្នើមន្ត្រីជំនាញជួយពន្លឿនផ្តល់ប័ណ្ណកម្មសិទ្ធិសម្គាល់ម្ចាស់អចលនទ្រព្យជូនគ្រួសារដែលមិនទាន់បាន។
លោកមានប្រសាសន៍ទៀតថា តាមការសម្រេចដ៏ខ្ពង់ខ្ពស់សម្តេចធិបតី ហ៊ុន ម៉ាណែត នាយករដ្ឋមន្ត្រី បានប្រគល់ភារកិច្ចជូនអាជ្ញាធរខេត្តសៀមរាប និងអាជ្ញាធរមូលដ្ឋានមានជាអាទិ៍ ក្រុងសៀមរាប ស្រុកប្រាសាទបាគង ស្រុកពួក ស្រុកបន្ទាយស្រី និងស្រុកអង្គរធំ ហាមដាច់ខាតមិនអនុញ្ញាតឱ្យអ្នកថ្មីចូលទៅរស់នៅទីតាំងដែលបានរើរុះហើយនោះទេ។ លោកក៏បានណែនាំដល់ភាគីអ្នកពាក់ព័ន្ធ និងអាជ្ញាធរមូលដ្ឋានរួមគ្នាកៀរគររកដៃគូវិនិយោគឱ្យធ្វើការដាក់ទុនវិនិយោគនៅតំបន់រុនតាឯកនិងពាក់ស្នែង ដើម្បីរួមគ្នាអភិវឌ្ឍតំបន់នេះឱ្យឆាប់រីកចម្រើន និងផ្តល់ឱកាសការងារនិងបង្កើនប្រាក់ចំណូលសម្រាប់គ្រួសារប្រជាពលរដ្ឋ នៅតំបន់ទាំងពីរនេះឱ្យមានជីវភាពប្រសើរជាងមុន។
សូមជម្រាបដែរថា ក្នុងកិច្ចប្រជុំនោះ ក៏មានការចូលរួមឯកឧត្តម លោកជំទាវជារដ្ឋមន្ត្រី រដ្ឋលេខាធិការ អនុរដ្ឋលេខាធិការ អគ្គនាយក និងមន្ត្រីជំនាញមកពីក្រសួងស្ថាប័នពាក់ព័ន្ធ ថ្នាក់ដឹកនាំខេត្ត ព្រមទាំងប្រធានអនុប្រធានមន្ទីរអង្គភាព និងអាជ្ញាធរក្រុងស្រុកក្នុងខេត្តសៀមរាបជាច្រើនរូបទៀត។
បើតាមតាមរបាយការណ៍របស់រដ្ឋបាលខេត្តសៀមរាប ស្តីពីវឌ្ឍនភាពតំបន់អភិវឌ្ឍធម្មជាតិរុនតាឯកស្រុកបន្ទាយស្រី និងនិងតំបន់អភិវឌ្ឍពាក់ស្នែង ស្រុកអង្គរធំខេត្តសៀមរាប គិតចាប់ពីថ្ងៃទី២០ ខែតុលា ឆ្នាំ២០២២ ដល់ទី០៦ ខែតុលា ឆ្នាំ២០២៣ ក្រុមការងាររដ្ឋបាលខេត្ត បានសហការជាមួយក្រុមការងារក្រសួងរៀបចំដែនដី នគរូបនីយកម្ម និងសំណង់ និងអាជ្ញាធរជាតិអប្សរាដើម្បីផ្សព្វផ្សាយ និងចលនាប្រជាពលរដ្ឋស្ម័គ្រចិត្តប្តូរលំនៅឋានពីតំបន់រមណីយដ្ឋានអង្គរនិងតំបន់ដទៃទៀត។
ក្នុងដំណាក់កាលនេះរដ្ឋបាលខេត្តទទួលបាននូវសំណូមពរនិងបញ្ហាប្រឈមមួយចំនួនដូចជា៖ សម្រាប់ទៅនៅតំបន់រុនតាឯក ប្រជាពលរដ្ឋមួយចំនួនសំណូមពរពន្យារពេលនៃការរុះរើលំនៅឋានពីតំបន់អង្គរទៅរុនតាឯក ដោយហេតុផលថា ខ្វះថវិកាសម្រាប់សង់ផ្ទះនៅរុនតាឯក និងខ្លះទៀតថារង់ចាំថវិកាឧបត្ថម្ភរបស់រាជរដ្ឋាភិបាល ១លាន ៤សែនរៀល។ ខ្លះថារង់ចាំកូនរៀនចប់ ដល់ពេលវិស្សមកាលនិងរង់ចាំផុតរដូវភ្លៀង, គ្រួសារទើបសម្រាលកូនខ្ចី, ស្នើសុំរុះរើពេលដីនៅរុនតាឯករួចរាល់ ព្រោះដីឡូកូនចាប់បាននៅពាក់ស្នែង ឯម្តាយចាប់បាននៅរុនតាឯក។ សម្រាប់តំបន់ពាក់ស្នែង ប្រជាពលរដ្ឋ១០គ្រួសារស្មើ១៨ក្បាលដី ពុំទាន់យល់ព្រមទទួលការដោះស្រាយនៅឡើយ។
សំណូមពរស្ថាបនាផ្លូវឆ្ពោះទៅពាក់ស្នែងត្រង់ចំណុចផ្លូវបំបែកវង់ធំដល់ផ្លូវកូរ៉េ។ ប្រជាពលរដ្ឋដែលបានដោះដូរដីរួចហើយពុំទាន់បានចាប់ឆ្នោតយកដីឡូតិ៍នៅឡើយ៕
ដោយ ៖ គឿនវេត
ខេត្តកោះកុង កំពុងមានចំណាប់អារម្មណ៍ពីអ្នកវិនិយោគ និងត្រូវការកម្លាំងពលកម្មច្រើន
អ្នកនាំពាក្យ ៖ មន្ត្រីរាជការ អាចស្នើធ្វើប័ណ្ណ ប.ស.ស ជូន ប្ដី ឬ ប្រពន្ធ និង កូន ក្នុងបន្ទុក ដោយមិនបង់វិភាគទានទេ
រដ្ឋបាលសង្កាត់ភ្លើងឆេះរទេះសហការជាមួយក្រុមហ៊ុនប្រមូលសំរាមផ្លាស់ប្តូរធុងសំរាមថ្មី១៨ធុង
ភាពអត់ឃ្លាន និង ការគំរាមកំហែងបង្ខំឱ្យគ្រិស្តបរិស័នៅមីយ៉ាន់ម៉ាប្ដូរមកកាន់ព្រះពុទ្ធសាសនា
អ៊ីស្រាអែលលក់ប្រព័ន្ធការពារដែនអាកាសនិងមីស៊ីលតម្លៃជិត៦០០លានដុល្លារដល់ស្លូវ៉ាគី
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
ករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន
ក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
ស្ត្រីអ្នកលក់ភេសជ្ជៈម្នាក់ត្រូវជនមិនស្គាល់មុខវាយសម្លាប់ទាំងព្រឹក
ក្រសួងមហាផ្ទៃ សម្រេចដកហូតមុខតំណែងអធិការនគរបាលស្រុកដំណាក់ចង្អើរ ឲ្យមកជាមន្ត្រីធម្មតា
-
ព័ត៌មានជាតិ៤ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៤ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ចរាចរណ៍៣ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
នយោបាយ១ សប្តាហ៍ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
សន្តិសុខសង្គម៥ ម៉ោង agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ព័ត៌មានជាតិ១ សប្តាហ៍ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ១ សប្តាហ៍ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៦ ថ្ងៃ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ