ព័ត៌មានជាតិ
កម្មករអរគុណរាជរដ្ឋាភិបាលដែលបានផ្តល់មធ្យោបាយធ្វើដំណើរដោយឥតគិតថ្លៃក្នុងឱកាសបុណ្យភ្ជុំ
កម្មករបានអរគុណរាជរដ្ឋាភិបាល ដែលបានផ្តល់មធ្យោបាយធ្វើដំណើរតាមរថយន្តក្រុងដោយឥតគិតថ្លៃទៅស្រុកកំណើតក្នុងឱកាសបុណ្យភ្ជុំ ដោយពួកគេលើកឡើងថា ការជិះរថយន្តក្រុងគឺជួយសន្សំការចំណាយថវិកា និង មានសុវត្ថិភាពក្នុងការធ្វើដំណើរផងដែរ។

រដ្ឋបាលរាជធានីភ្នំពេញបានរៀបចំរថយន្តក្រុងចំនួន ៤៥៥គ្រឿង សម្រាប់បម្រើសេវាដឹកជញ្ជូនសាធារណៈរយៈពេល ០៥ ថ្ងៃ ចាប់ពីថ្ងៃទី១២ ដល់ថ្ងៃទី១៦ ខែតុលា ឆ្នាំ២០២៣ ដោយមិនបានបង់ប្រាក់ ដើម្បីជួយសម្រួលដល់ការចំណាយជូនបងប្អូនកម្មករ-និយោជិកនិងប្រជាពលរដ្ឋក្នុងការធ្វើដំណើរទៅលេងស្រុកកំណើតជួបជុំបងប្អូនក្រុមគ្រួសារ និងពិធីបុណ្យភ្ជុំបិណ្ឌ ប្រពៃណីជាតិខ្មែរ។
កម្មការិនីរោងចក្រ ប៊ី អេស ម្នាក់ឈ្មោះ សេង ស្រីពេជ្របាននិយាយថា ការជិះរថយន្តក្រុងទៅស្រុកកំណើតគឺជួយកាត់បន្ថយការចំណាយ និង មានសុវត្ថិភាព ព្រោះរៀងរាល់ឆ្នាំរូបនាងធ្លាប់តែជិះម៉ូតូទៅស្រុកកំណើត។

កម្មការិនីរូបនេះនិយាយថា « ខ្ញុំសប្បាយចិត្តណាស់ បានជិះរថយន្តក្រុង គឺចំណេញថវិកា ទុកលុយមួយចំណែកនេះសម្រាប់ធ្វើបុណ្យនៅស្រុកកំណើត សូមអរគុណរដ្ឋាភិបាលសម្រាប់ការយកចិត្តទុកដាក់លើប្រជាពលរដ្ឋ និង កម្មករ-កម្មារិនី»។

លើកឡើងស្រដៀងគ្នានេះ កម្មករម្នាក់ទៀតឈ្មោះ ហាក់ សេងលី បាននិយាយថា កាលពីឆ្នាំទៅកម្មកររូបនេះធ្លាប់ជិះរថយន្តឈ្នួលអស់៤ម៉ឺនរៀលទៅវិញទៅមក តែឆ្នាំនេះកម្មកររូបនេះជ្រើសរើសការរថយន្តក្រុងព្រោះមានផាកសុខភាព និងសុវត្ថិភាព។

ចំណែកកម្មការិនីម្នាក់ទៀតឈ្មោះ ស៊ិន សារ៉ង បាននិយាយទាំងទឹកចិត្តសប្បាយរីករាយនៅពេលមានឱកាសឈប់សម្រាកពីការងារបានទៅលេងស្រុកកំណើតជួបជុំបងប្អូន។ កម្មការិនីរូបនេះនិយាយថា « ពួកយើងធ្វើការឆ្ងាយពីស្រុក មិនងាយបានឈប់ទេ ទាល់តែមានបុណ្យទានចឹងទើបបានឈប់សម្រាក់ពីការងារ »។

សូមបញ្ជាក់ថា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានជូនពរដល់ប្រជាពលរដ្ឋធ្វើដំណើរប្រកបដោយសុខសុវត្ថិភាព ក្នុងអំឡុងពេលឈប់សម្រាកទៅលេងស្រុកកំណើត នាឱកាសបុណ្យភ្ជុំបិណ្ឌ ។

តាមរយៈសារខ្លីលើបណ្តាញសង្គមនានា របស់សម្តេចធិបតី នាព្រឹកថ្ងៃទី១២ ខែតុលានេះ បានផ្ញើសារថា “ក្នុងឱកាសបុណ្យភ្ជុំបិណ្ឌ សូមជូនពរ លោកតាលោកយាយ អ៊ំប្រុសអ៊ំស្រី ពូមីង បងប្អូន កូនក្មួយ ទាំងអស់ សូមប្រកបដោយសុខសុវត្ថិភាព ក្នុងការធ្វើដំណើរទៅកាន់ស្រុកកំណើត និងទទួលបាននូវសុខភាពល្អបរិបូរណ៍ កម្លាំងមាំមួន អាយុយឺនយូរ និងជោគជ័យគ្រប់ភារកិច្ច”៕



-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៣ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ