ជំនន់ទឹកភ្លៀងជនលិចកំណាត់ផ្លូវជាតិលេខ ៣ អភិបាលខេត្តកំពង់ស្ពឺ ជូនដំណឹងឲ្យពលរដ្ឋពង្វាងផ្លូវសិន  

លោក វ៉ី សំណាង អភិបាលខេត្តកំពង់ស្ពឺ បានជូនដំណឹងដល់ប្រជាពលរដ្ឋ ដែលប្រើប្រាស់ផ្លូវជាតិលេខ ៣ សូមពង្វាងផ្លូវជាតិលេខ ២ ឬតាមបណ្ដោយផ្លូវជាតិលេខ ៤១សិន ពីព្រោះជំនន់ទឹកភ្លៀង បានបង្កការជនលិចកំណាត់ផ្លូវជាតិលេខ ៣ ត្រង់ចន្លោះគីឡូម៉ែត្រលេខ​ ៤៦-៤៨។

តាមរយៈគណនីហ្វេសប៊ុក នារសៀលថ្ងៃទី ១៥ ខែតុលានេះ លោក វ៉ី សំណាង បានសរសេរថា «សូមសាធារណជន ដែលត្រូវប្រើប្រាស់ផ្លូវជាតិលេខ ៣ សូមមេត្តារកផ្លូវវៀងតាមផ្លូវជាតិលេខ ២ ឬតាមបណ្ដោយផ្លូវជាតិលេខ ៤១សិន។ មូលហេតុដោយសារជំនន់ទឹកភ្លៀងបានបង្កការជនលិចផ្លូវជាតិលេខ ៣ ត្រង់ចំណុចភូមិព្រៃនុក ឃុំស្នំក្រពើ ស្រុកគង ពិសីខេត្តកំពង់ស្ពឺ ចន្លោះគីឡូម៉ែត្រលេខ ៤៦-៤៨។ សេចក្តីដូចបានជម្រាបជូនខាងលើ សូមសាធារណៈរណជន មេត្តាដោយក្តីអនុគ្រោះ»៕