ព័ត៌មានជាតិ
អ៊ាង សុផល្លែត ៖ ធនធានមនុស្សជាអាទិភាពទី១ ចំណោមអាទិភាពចម្បងទាំង ៥
លោក អ៊ាង សុផល្លែត រដ្ឋមន្ត្រីក្រសួងបរិស្ថាន បានគូសបញ្ជាក់ថា ធនធានមនុស្ស គឺជាអាទិភាពទី១ ក្នុងចំណោមអាទិភាពចម្បងទាំង ៥ របស់រាជរដ្ឋាភិបាលនីតិកាលទី៧ នៃរដ្ឋសភា ដែលបានផ្តោតទៅលើ មនុស្ស ផ្លូវ ទឹក ភ្លើង និងបច្ចេកវិទ្យា។
ក្នុងឱកាសចូលរួមក្នុងពិធីបើកវគ្គបណ្ដុះបណ្ដាលស្តីពី «ការគ្រប់គ្រងបរិស្ថាននិងធនធានធម្មជាតិ» ជំនាន់ទី៥ នៅព្រឹកថ្ងៃទី ១៦ ខែតុលា ឆ្នាំ២០២៣ នេះ លោក អ៊ាង សុផល្លែត លើកឡើងថា ការបណ្ដុះចំណេះដល់អ្នកជំនាន់ក្រោយឲ្យមានចំណេះដឹង ចំណេះធ្វើ និងជំនាញបរិស្ថាន គឺជាជំហានមួយឆ្ពោះទៅរកសុក្រឹតកម្មបរិស្ថានកិច្ច។ មិនតែប៉ុណ្ណោះ ធនធានមនុស្សក៏ជាធនធានដ៏ចម្បងមួយ និងចាំបាច់បំផុតក្នុងការជួយអភិវឌ្ឍន៍ប្រទេសឲ្យមានភាពរីកចម្រើន។
លោករដ្ឋមន្រ្តីបានណែនាំដល់សិក្ខាកាមទាំងអស់ ដែលទទួលយកវគ្គបណ្តុះបណ្តាលត្រូវតែយកចិត្តទុកដាក់ត្រងត្រាប់ ស្តាប់ ហ៊ានសួរ ហ៊ានឆ្លើយតបលើគំនិតដែលយល់ឃើញ ដើម្បីឲ្យការសិក្សាកាន់តែមានប្រសិទ្ធិភាព ជាពិសេសបានចាក់បំពេញបន្ថែមនូវចំណេះដឹង។
រដ្ឋមន្ត្រីក្រសួងបរិស្ថាន ក៏បានសង្កត់ធ្ងន់ដែរថា «ដើម្បីឈានឆ្ពោះទៅភាពជោគជ័យក្នុងវិថីការងារបរិស្ថាន សិក្ខាកាមទាំងអស់ត្រូវយល់ឲ្យបានច្បាស់អំពីការងារអាទិភាពរបស់ក្រសួង និងជំរុញការងារអាទិភាពឲ្យទៅសម្រេចបានទិសដៅរួមនៃយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា»។
គួរបញ្ជាក់ដែរថា វគ្គបណ្ដុះបណ្ដាល «ការគ្រប់គ្រងបរិស្ថាននិងធនធានធម្មជាតិ» ដែលរៀបចំឡើងដោយក្រសួងបរិស្ថានរយៈពេល ១០ថ្ងៃ ក្នុងគោលបំណង ពង្រីកចំណេះដឹង ចំណេះធ្វើ និងជំនាញដល់សិក្ខាកាមចំនួន ៤៨ រូប ដើម្បីក្លាយជាអ្នកបន្តវេន និងជាធនធានដែលមានសក្ដានុពល រុញច្រាននាវាបរិស្ថានឆ្ពោះទៅទិសដៅអាទិភាពរបស់ក្រសួងស្របតាមយុទ្ធសាស្រ្តបញ្ចកោណនៃរាជរដ្ឋាភិបាលកម្ពុជា៕
ក្រុមភ្ញៀវទាំង៣រកបានជ័យជម្នះក្នុងការប្រកួតជើងទី១ វគ្គ១៦ក្រុម ពានសម្តេចតេជោ
មន្ទីរទេសចរណ៍ខេត្តស្ទឹងត្រែង នឹងរៀបចំព្រឹតិ្តការណ៍អុំទូកកៃយ៉ាក់ទស្សនាតំបន់រ៉ាមសារ
ជើងហោះហើរនិងខ្សែរថភ្លើងរាប់សិបនៅឥណ្ឌាពន្យាពេល ព្រោះអ័ព្ទដ៏ក្រាស់
រដ្ឋាភិបាលទម្លាក់ថវិកា៣០លានដុល្លារ ដើម្បីអន្តរាគមន៍ទិញស្រូវពីកសិករដែលកំពុងធ្លាក់ថ្លៃ
គិតគួរដល់សុវត្ថិភាពសិស្ស សាលាបឋមសិក្សាអញ្ចាញ ទប់ស្កាត់ការលក់ចំណីអាហារ ភេសជ្ជៈផ្អែមប៉ះពាល់សុខភាព
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
រកឃើញសពតារាស្រីម្នាក់ ឆេះស្លាប់ម្នាក់ឯង នៅក្នុងហេតុការណ៍ភ្លើងឆេះទីក្រុង LA
អាជ្ញាធរខណ្ឌដង្កោ និងខណ្ឌមានជ័យ និមន្តព្រះសង្ឃ១៤អង្គ ប្រោសព្រំរំដោះគ្រោះលើមហាវិថី ៦០ម៉ែត្រ
អ្នកនាំពាក្យ ថា កម្ពុជាកំពុងរៀបចំនីតិវិធីជាមួយរុស្ស៊ី ដើម្បីបញ្ជូនខ្លួនលោក ហេង សិទ្ធី មកកម្ពុជា
លើកដំបូង! អ៊ុយក្រែនបើកការវាយប្រហារទ្រង់ទ្រាយធំបំផុតលើរុស្ស៊ី
-
ចរាចរណ៍២ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៦ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៧ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ២៣ ម៉ោង agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ចរាចរណ៍២ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ