គិត​ត្រឹម​ខែ​តុលា ​មាន​សំណង់​អគារ​ជាង ៣៦០ នៅខេត្ត​ព្រះសីហនុបានផ្អាកការសាងសង់

លោក ឃាង ភារម្យ អ្នកនាំពាក្យសាលាខេត្តព្រះសីហនុបានមានប្រសាសន៍នៅព្រឹកថ្ងៃទី ១៧ តុលានេះថា បច្ចុប្បន្នសំណង់​​​អគារចំនួន ៣៦៤ ស្មើនឹង ៣៤១ គម្រោងនៅខេត្តព្រះសីហនុ បានផ្អាកការសាងសង់បណ្តោះអាសន្នដែលភាគច្រើនជាគម្រោងវិនិយោគរបស់ជនជាតិចិន។

បើតាម​លោក ឃាង ភារម្យ​ ក្រៅពី​សំណង់អគារ​ដែលជាប់គាំងផ្អាក​ការ​សាងសង់ ក៏​មាន​សំណង់សាងសង់រួចកំពុង​ប្រកបអាជីវកម្មមានចំនួន ៤៣៤ គម្រោងមាន ៤៧៥ អគារ និង​សំណង់អគារ​សាងសង់រួចពុំទាន់ដំណើរការប្រើប្រាស់មានចំនួន ១៦១ គម្រោងមាន​ចំនួន​ ១៧៧ អគារ។

លោក ឃាង ភារម្យបាន​បញ្ជាក់ថា ជារួមសំណង់អគារនៅខេត្តព្រះសីហនុមានចំនួន ៩៦៥ គម្រោងដែលមានអគារសរុបចំនួន ១០៦៩៕

អត្ថបទ៖ សំអឿន​