ខេត្តណាខ្លះរងគ្រោះដោយសារជំនន់ទឹកភ្លៀង

ជំនន់ទឹកភ្លៀងថ្មីៗនេះបានបណ្តាលឱ្យមនុស្សស្លាប់ចំនួន៣នាក់ ប៉ះពាល់ប្រជាពលរដ្ឋជាង២ម៉ឺគ្រួសារ និងដំណាំស្រូវជាង១ម៉ឺនហិកតា។

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយបានមានប្រសាសន៍នៅរសៀលថ្ងៃទី ១៨ ខែតុលានេះថា ជំនន់ទឹកភ្លៀងចាប់ពីដើមខែរហូតដល់ថ្ងៃទី ១៧ ខែតុលានេះបានបណ្តាលឱ្យកុមារីចំនួន៣នាក់ស្លាប់ដោយសារលង់ទឹក ប៉ះពាល់ប្រជាពលរដ្ឋចំនួន ២១ ៥១៩ គ្រួសារ ផ្ទះជាង ១ ០០០ ខ្នង ជម្លៀសប្រជាពលរដ្ឋ២៦១​គ្រួសារស្រូវជាង ១៥ ០០០ ហិកតា។

លោកបានបន្តថា ក្នុងនោះនៅខេត្តសៀមរាប ប៉ះពាល់ ១២ក្រុង ស្រុក ស្មើ ៥៥ឃុំ សង្កាត់, ៣០៥ភូមិ ប្រជាជនប៉ះពាល់ប្រមាណ ១១,៨២០គ្រួសារលិចលំនៅឋាន ៩១០០ ផ្ទះលិចលំនៅឋានធ្ងន់ ២៨៣ ខ្នង  ជម្លៀស ១៨ គ្រួសារ ស្រូវប៉ះពាល់ប្រមាណ ១២,២៧៩ហិកតា។ប៉ុន្តែស្ថានភាពទឹកជំនន់ទឹកភ្លៀងបានចុះស្រក បណ្តើរៗ។

ខេត្តបន្ទាយមានជ័យប៉ះពាល់ ៤ក្រុង ស្រុក ស្មើ ១១ឃុំ សង្កាត់ ប៉ះពាល់ប្រជាជនប្រមាណ ៤,៧៥១គ្រួសារ ជម្លៀសប្រជាពលរដ្ឋ ២៣៦គ្រួសារ ក្នុងស្រុកមង្គលបូរី និងក្រុងសិរីសោភ័ណ ស្រូវប៉ះពាល់ប្រមាណ ៣,៥៩៥ហិកតានិងមានភ្លៀងធ្លាក់បង្គួរ តែពុំទាន់មានបញ្ហាគួរកត់សម្គាល់នៅឡើយទេ និងមានករណីក្មេងស្រី ៣ នាក់ ស្លាប់ ដោយសារពួកគេ ទៅលេងទឹកប្រឡាយ។

ខេត្តកណ្តាល ប៉ះពាល់ ៥១៨ គ្រួសារ ស្មើនិង ១៣៨២ នាក់ ប៉ះពាល់ ២២២ខ្នងធ្ងន់ធ្ងរ ៤៥ ខ្នង ជម្លៀសប្រជាជន ៥៦ គ្រួសារ ប៉ះពាល់ស្រូវចំនួន ៧៣ហិកតា ស្មើ១៦០គ្រួសារ

ចំណែកខេត្តពោធិ៍សាត់ ខេត្តបាត់ដំបង ខេត្តកំពង់ធំទឹកបន្តស្រកចជាបណ្តើរៗរីឯផលប៉ះពាល់ ជំនន់ទឹកភ្លៀងពុំមានការកើនឡើងទេ។

លោកបានបន្តថា ដោយឡែកខេត្តកំពង់ស្ពឺស្ថានភាពទឹកជំនន់ គិតត្រឹមល្ងាច ថ្ងៃទី១៧ ខែតុលា ឆ្នាំ២០២៣ក្នុងស្រុកគងពិសី ផលប៉ះពាល់ពុំមានប្រែប្រួលទៀតទេ ដោយទឹកបានកំពុងស្រកចុះដោយប៉ះពាល់ប្រជាពលរដ្ឋជាង ៥០០ គ្រួសារ និងជម្លៀសប្រជាពលរដ្ឋ ១៧ គ្រួសារក្នុងនោះមានប្រជាជន ដែលរងគ្រោះ ៣៩៧ គ្រួសារ បានទទួលស្បៀងសង្គ្រោះបន្ទាន់ពីរដ្ឋបាលខេត្ត។

លោកបានបញ្ជាក់ថាបើគិតចាប់ពីថ្ងៃទី១៦ខែកញ្ញារហូតមកដល់ថ្ងៃទី៦តុលាមាន១១ខេត្តស្មើនឹង៥៩ក្រុងស្រុក២៣០ឃុំសង្កាត់រងគ្រោះដោយជំនន់ទឹកភ្លៀងប៉ះពាល់ប្រជាពលរដ្ឋ ៣៦ ៨៦៥ គ្រួសារ ជម្លៀស ១៩៣២ គ្រួសារផ្ទះ ២៥ ២៨៧ខ្នងសាលារៀន ១៤០ ខ្នង ផ្លូវ ៤១៩ ៥៤២ម៉ែត្រ សូ្រវ ៣០ ២៥៨ ហិកតាខូចខាត ៣ ៣៤២ ហិកតា។

ជាមួយគ្នានេះអាជ្ញាធរមូលដ្ឋានកងកម្លាំងប្រដាប់អាវុធ និងគណៈកម្មាធិការជាតិគ្រប់គ្រងគ្រោះមហន្តរាយបានចុះជាប់ជាប្រចាំពិនិត្យស្ថានភាពទឹកជំនន់និងបានជួយសង្គ្រោះប្រជាពលរដ្ឋបានទាន់ពេលវេលា និងផ្តល់អំណោយសង្គ្រោះ និងស្រូវ​ពូជ​ដល់ប្រជាកសិករសម្រាប់ដាំដឡើងវិញពេលទឹកស្រកផដែរ៕

អត្ថបទ៖ សំអឿន